masthmagaa.com:
ಟೋಕಿಯೋ ಒಲಿಂಪಿಕ್ಸ್ನ ಮಹಿಳೆಯರ ಹಾಕಿಯಲ್ಲಿ ಬಲಿಷ್ಠ ಆಸ್ಟ್ರೇಲಿಯಾ ತಂಡವನ್ನ ಸೋಲಿಸಿ ಟೀಂ ಇಂಡಿಯಾ ಸೆಮಿ ಫೈನಲ್ ಪ್ರವೇಶಿಸಿದೆ. ಈ ಮೂಲಕ ಒಲಿಂಪಿಕ್ಸ್ನಲ್ಲಿ ಮೊದಲ ಸಲ ಸೆಮಿ ಫೈನಲ್ ಪ್ರವೇಶಿಸಿ ಇತಿಹಾಸ ಬರೆದಿದೆ. ಕ್ವಾರ್ಟರ್ ಫೈನಲ್ನಲ್ಲಿ ಆಸ್ಟ್ರೇಲಿಯಾವನ್ನ ಭಾರತ 1-0 ಅಂತರದಿಂದ ಮಣಿಸಿತು. ಅಂದ್ಹಾಗೆ ಆಸ್ಟ್ರೇಲಿಯಾ ಮೂರು ಸಲ ಒಲಿಂಪಿಕ್ ಚಾಂಪಿಯನ್, ರ್ರ್ಯಾಂಕಿಂಗ್ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ, ಭಾರತ 9ನೇ ಸ್ಥಾನದಲ್ಲಿದೆ, ಅಲ್ಲದೆ ಈ ಬಾರಿಯ ಒಲಿಂಪಿಕ್ಸ್ನಲ್ಲಿ ಒಂದೇ ಒಂದು ಪಂದ್ಯ ಸೋತಿರಲಿಲ್ಲ ಆಸ್ಟ್ರೇಲಿಯಾ. ಅಂಥಾ ಆಸ್ಟ್ರೇಲಿಯಾವನ್ನೇ ಮಣಿಸಿ ಭಾರತದ ಮಹಿಳೆಯರ ಹಾಕಿ ತಂಡ ಸೆಮೀಸ್ಗೆ ಲಗ್ಗೆ ಇಟ್ಟಿದೆ. ಭಾರತದ ಪರ ಏಕೈಕ ಗೋಲ್ ಅನ್ನ ಗುರ್ಜಿತ್ ಕೌರ್ ಬಾರಿಸಿ ಆಸ್ಟ್ರೇಲಿಯಾಗೆ ಶಾಕ್ ಕೊಟ್ರು. ಭಾರತದ ಗೆಲುವಿಗೆ ಆಸ್ಟ್ರೇಲಿಯಾದ ಹೈ ಕಮಿಷರ್ ಬ್ಯಾರಿ ಓ ಫರೆಲ್ ಅಭಿನಂದನೆ ಸೂಚಿಸಿದ್ದಾರೆ. ನಿನ್ನೆಯಷ್ಟೇ ಭಾರತದ ಪುರುಷರ ಹಾಕಿ ತಂಡ ಕೂಡ 49 ವರ್ಷಗಳ ಬಳಿಕ ಸೆಮಿ ಫೈನಲ್ಗೆ ಎಂಟ್ರಿಕೊಟ್ಟಿತ್ತು. ಮಂಗಳವಾರ ಬೆಳಗ್ಗೆ 7 ಗಂಟೆಗೆ ಭಾರತ ಮತ್ತು ಬೆಲ್ಜಿಯಂ ನಡುವೆ ಪುರುಷರ ಹಾಕಿ ಸೆಮಿ ಫೈನಲ್ ನಡೆಯಲಿದೆ. ಇನ್ನು ಒಲಿಂಪಿಕ್ಸ್ನ ಪದಕ ಪಟ್ಟಿಯಲ್ಲಿ ಟಾಪ್-4ರಲ್ಲಿರೋ ದೇಶಗಳನ್ನ ನೋಡೋದಾದ್ರೆ, 29 ಗೋಲ್ಡ್ ಮೆಡಲ್ಸ್ನೊಂದಿಗೆ ಚೀನಾ ಮೊದಲ ಸ್ಥಾನದಲ್ಲಿದ್ರೆ, ಯುಎಸ್ 22, ಜಪಾನ್ 17 ಮತ್ತು ಆಸ್ಟ್ರೇಲಿಯಾ 14 ಚಿನ್ನದ ಪದಕದೊಂದಿಗೆ ಮೊದಲ ನಾಲ್ಕು ಸ್ಥಾನದಲ್ಲಿದೆ. ಭಾರತ ಎರಡು ಪದಕದೊಂದಿಗೆ 62ನೇ ಸ್ಥಾನದಲ್ಲಿದೆ.
-masthmagaa.com
Contact Us for Advertisement