ಹಂಗೇರಿಯಾದ ಮಾಜಿ ಜಿಮ್ನಾಸ್ಟ್ ಪಟು, ಚಿನ್ನದ ಪದಕ ವಿಜೇತ ಜೋಲ್ಟ್ ಬೊರ್ಕಾಯಿ ಸೆಕ್ಸ್ ಸ್ಕ್ಯಾಂಡಲ್ನಲ್ಲಿ ಸಿಲುಕಿದ್ದಾರೆ. ಅವರಿಗೆ ಸಂಬಂಧಿಸಿದ ವಿಡಿಯೋವೊಂದು ಇಂಟರ್ನೆಟ್ನಲ್ಲಿ ಲೀಕ್ ಆಗಿದೆ. 54 ವರ್ಷದ ಜೋಲ್ಟ್ ಮೇಯರ್ ಕೂಡ ಹೌದು. ಸದ್ಯ ಈ ವಿಡಿಯೋ ನೀಲಿ ಚಿತ್ರಗಳ ವೆಬ್ಸೈಟ್ನಲ್ಲಿ ಹರಿದಾಡುತ್ತಿದೆ.
ಈ ವಿಡಿಯೋದಲ್ಲಿ ಅವರು ಡ್ರಗ್ಸ್ ತೆಗೆದುಕೊಳ್ಳುತ್ತಾ, ಯುವತಿಯರೊಂದಿಗೆ ಸಂಬಂಧ ಬೆಳೆಸುತ್ತಿರೋದು ರೆಕಾರ್ಡ್ ಆಗಿದೆ. ಮೊದಲಿಗೆ ಅದು ನನ್ನ ವಿಡಿಯೋ ಅಲ್ಲ ಎಂದು ವಾದಿಸಿದ ಜೋಲ್ಟ್, ಈಗ ತಪ್ಪೊಪ್ಪಿಕೊಂಡಿದ್ದಾರೆ. ಆದ್ರೆ ಮೇಯರ್ ಹುದ್ದೆಗೆ ರಾಜೀನಾಮೆ ನೀಡಲು ನಿರಕಾರಿಸಿದ್ದಾರೆ. ಅಲ್ಲದೆ ಚುನಾವಣೆ ವೇಳೆ ನನ್ನ ಹೆಸರು ಹಾಳು ಮಾಡಲು ಹೂಡಿರುವ ಷಡ್ಯಂತ್ರ ಎಂದು ಆರೋಪಿಸಿದ್ದಾರೆ. ಇದೇ ಭಾನುವಾರ ಅಲ್ಲಿ ಮೇಯರ್ ಚುನಾವಣೆ ನಡೆಯಲಿದೆ. ಅಲ್ಲದೆ ಜೋಲ್ಟ್ ತಾವು ಎಸಗಿರುವ ಕೃತ್ಯಕ್ಕಾಗಿ ಸಾರ್ವಜನಿಕರ ಬಳಿ ಬಹಿರಂಗವಾಗಿ ಕ್ಷಮೆಯಾಚಿಸಿದ್ದಾರೆ.
Contact Us for Advertisement