masthmagaa.com:
ಪಾಕಿಸ್ತಾನದಲ್ಲಿ ಉಂಟಾಗಿರೋ ರಾಜಕೀಯ ಬಿಕ್ಕಟ್ಟಿನ ಹಿಂದೆ ಅಮೆರಿಕ ಕೈವಾಡ ಇದೆ ಅಂತೇಳ್ತಿದ್ದ ಇಮ್ರಾನ್ ಖಾನ್ ಇದೇ ಮೊದಲ ಬಾರಿಗೆ ಅಮೆರಿಕದ ಯಾವ ಅಧಿಕಾರಿಯಿಂದ ಬೆದರಿಕೆ ಬಂದಿದೆ ಅನ್ನೋದನ್ನ ಬಾಯ್ಬಿಟ್ಟಿದ್ಧಾರೆ. ಅವರ ಹೆಸರು ಡೊನಾಲ್ಡ್ ಲು ಅಂತ.. ಇವರು ಅಮೆರಿಕದ ಅಸಿಸ್ಟೆಂಟ್ ಸೆಕ್ರೆಟಿ ಆಫ್ ಸ್ಟೇಟ್ ಫಾರ್ ಸೌತ್ ಅಂಡ್ ಸೆಂಟ್ರಲ್ ಏಷ್ಯನ್ ಅಫೇರ್ಸ್ ಆಗಿದ್ದಾರೆ.. ಅಂದ್ರೆ ದಕ್ಷಿಣ ಮತ್ತು ಮಧ್ಯ ಏಷ್ಯಾ ರಾಷ್ಟ್ರಗಳ ವಿಚಾರಗಳನ್ನ ನೋಡಿಕೊಳ್ಳೋಕೆ ಇರೋ ಅಸಿಸ್ಟೆಂಟ್ ಸೆಕ್ರೆಟರಿ ಆಫ್ ಸ್ಟೇಟ್. ಪಾಕ್ನ ನ್ಯಾಷನಲ್ ಅಸೆಂಬ್ಲಿಯಲ್ಲಿ ವಿಪಕ್ಷಗಳು ಮಂಡಿಸಿರೋ ಅವಿಶ್ವಾಸ ನಿರ್ಣಯದಲ್ಲಿ ಇಮ್ರಾನ್ ಖಾನ್ ಏನಾದ್ರೂ ಬಚಾವ್ ಆದ್ರೆ ಅದರ ಪರಿಣಾಮಗಳನ್ನ ಎದುರಿಸಬೇಕಾಗಬಹುದು ಅಂತ ಅಮೆರಿಕಕ್ಕೆ ಪಾಕಿಸ್ತಾನದ ರಾಯಭಾರಿ ಆಗಿರೋ ಅಸಾದ್ ಮಜೀದ್ ಖಾನ್ಗೆ ಮೀಟಿಂಗ್ವೊಂದರಲ್ಲಿ ಬೆದರಿಕೆ ಸಂದೇಶ ರವಾನಿಸಿದ್ರು ಈ ಡೊನಾಲ್ಡ್ ಲು ಅಂತ ಇಮ್ರಾನ್ ಖಾನ್ ಹೇಳಿದ್ದಾರೆ. ಡೊನಾಲ್ಡ್ ಲು ಈ ಹಿಂದೆ ಕಿರ್ಗಿಸ್ತಾನ ಮತ್ತು ಅಲ್ಬೇನಿಯಾಗೆ ಅಮೆರಿಕದ ರಾಯಭಾರಿಯಾಗಿದ್ರು. 2021ರಲ್ಲಿ ಬೈಡೆನ್ ಸರ್ಕಾರ ಅಸಿಸ್ಟೆಂಟ್ ಸೆಕ್ರೆಟಿ ಆಫ್ ಸ್ಟೇಟ್ ಫಾರ್ ಸೌತ್ ಅಂಡ್ ಸೆಂಟ್ರಲ್ ಏಷ್ಯನ್ ಅಫೇರ್ಸ್ ಆಗಿ ನೇಮಿಸ್ತು.
-masthmagaa.com
Contact Us for Advertisement