masthmagaa.com:
ಭಾರತದಲ್ಲಿ ಅನುಮೋದನೆ ಪಡೆದಿರೋ ಮತ್ತು ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಉತ್ಪಾದನೆ ಮಾಡ್ತಿರೋ ಕೋವಿಶೀಲ್ಡ್ ಲಸಿಕೆಗೆ ಯುರೋಪಿಯನ್ ಯೂನಿಯನ್ ಗ್ರೀನ್ ಪಾಸ್ ನೀಡದ ಬೆನ್ನಲ್ಲೇ, ಈ ವಿಚಾರದಲ್ಲಿ ಭಾರತಕ್ಕೆ ಮೊದಲ ಗೆಲುವು ಸಿಕ್ಕಂತಾಗಿದೆ. ಜರ್ಮನಿ, ಸ್ಪೇನ್, ಐರ್ಲ್ಯಾಂಡ್, ಐಸ್ಲ್ಯಾಂಡ್, ಆಸ್ಟ್ರಿಯಾ, ಗ್ರೀಸ್, ಸ್ಲೊವೇನಿಯಾ, ಇಸ್ಟೋನಿಯಾ ಮತ್ತು ಸ್ವಿಜರ್ಲ್ಯಾಂಡ್ – ಈ 9 ದೇಶಗಳು ಕೋವಿಶೀಲ್ಡ್ ಅನುಮೋದನೆ ನೀಡಿವೆ. ಇದರಲ್ಲಿ ಸ್ವಿಜರ್ಲ್ಯಾಂಡ್ ಮತ್ತು ಐಸ್ಲ್ಯಾಂಡ್ ಬಿಟ್ಟು ಉಳಿದೆಲ್ಲವೂ ಯುರೋಪಿಯನ್ ಯೂನಿಯನ್ನ ಸದಸ್ಯ ರಾಷ್ಟ್ರಗಳು. ಅಂದ್ಹಾಗೆ ಕೋವಿಶೀಲ್ಡ್ ಲಸಿಕೆಯನ್ನ ಯುರೋಪಿಯನ್ ಮೆಡಿಸಿನ್ ಏಜೆನ್ಸಿಯು ‘ಗ್ರೀನ್ ಪಾಸ್’ ಲಿಸ್ಟ್ನಿಂದ ಹೊರಗಿಟ್ಟಿತ್ತು. ಅಂದ್ರೆ ಈ ಲಸಿಕೆ ಹಾಕಿಸಿಕೊಂಡೋರು ಯುರೋಪ್ನಲ್ಲಿ ಮುಕ್ತವಾಗಿ ಓಡಾಡೋಕೆ ಅವಕಾಶ ಇರಲಿಲ್ಲ. ಇದರ ಬೆನ್ನಲ್ಲೇ ಕೋವಿಶೀಲ್ಡ್ ಮತ್ತು ಕೋವಾಕ್ಸಿನ್ – ಎರಡೂ ಲಸಿಕೆಗಳನ್ನ ಗ್ರೀನ್ ಪಾಸ್ಗೆ ಸೇರಿಸಬೇಕು ಅಂತ ಭಾರತ ಆಗ್ರಹಿಸಿತ್ತು. ಇದಕ್ಕೆ ಪ್ರತಿಯಾಗಿ ಅಂಥಾ ದೇಶಗಳಿಂದ ಭಾರತಕ್ಕೆ ಬರುವ ಪ್ರಯಾಣಿಕರಿಗೆ ಕಡ್ಡಾಯ ಕ್ವಾರಂಟೈನ್ನಿಂದ ವಿನಾಯ್ತಿ ನೀಡೋದಾಗಿ ಹೇಳಿತ್ತು ಅಂತ ಮೂಲಗಳು ಹೇಳಿವೆ. ಇದೀಗ ಈ 9 ದೇಶಗಳು ಕೋವಿಶೀಲ್ಡ್ಗೆ ಅನುಮೋದನೆ ನೀಡಿವೆ. ಇದರರ್ಥ ಕೋವಿಶೀಲ್ಡ್ ಲಸಿಕೆ ಹಾಕ್ಕೊಂಡೋರು ಈ 9 ದೇಶಗಳಲ್ಲಿ ಯಾವುದೇ ನಿರ್ಬಂಧವಿಲ್ಲದೆ ಓಡಾಡಬಹುದು ಅಂತರ್ಥ. ಇಸ್ಟೋನಿಯಾ ದೇಶವಂತೂ ಭಾರತದ ಎಲ್ಲಾ ಲಸಿಕೆಗಳಿಗೆ ಅನುಮೋದನೆ ನೀಡಿದೆ. ಯುರೋಪಿಯನ್ ಮೆಡಿಸಿನ್ ಏಜೆನ್ಸಿಯ ಗ್ರೀನ್ ಪಾಸ್ ಲಿಸ್ಟ್ನಲ್ಲಿರೋದು ನಾಲ್ಕೇ ನಾಲ್ಕು ಲಸಿಕೆ- ಫೈಝರ್, ಮೊಡೆರ್ನಾ, ಜಾನ್ಸನ್ ಅಂಡ್ ಜಾನ್ಸನ್ ಮತ್ತು ಯುರೋಪಿನಲ್ಲಿ ಉತ್ಪಾದನೆ ಮಾಡಿ ಮಾರಾಟ ಮಾಡ್ತಿರೋ ಆಸ್ಟ್ರಾಝೆನೆಕಾ ಲಸಿಕೆ. ಈ ಲಸಿಕೆಗೆ ಯುರೋಪ್ನಲ್ಲಿ ವ್ಯಾಕ್ಸ್ಝೆರ್ವಿರಾ ಅಂತ ಹೆಸರಿಡಲಾಗಿದೆ. ಭಾರತದಲ್ಲಿ ಕೋವಿಶೀಲ್ಡ್ ಅಂತ ಕರೀತಾರೆ. ಇನ್ನು ಭಾರತ್ ಬಯೋಟೆಕ್ನ ಕೋವಾಕ್ಸಿನ್ ಲಸಿಕೆಗೆ ವಿಶ್ವ ಆರೋಗ್ಯ ಸಂಸ್ಥೆ ಅನುಮೋದನೆ ಕೊಡೋ ಬಗ್ಗೆ ಆಗಸ್ಟ್ ಎರಡನೇ ವಾರದಲ್ಲಿ ನಿರ್ಧಾರ ಕೈಗೊಳ್ಳಲಾಗುತ್ತೆ ಅಂತ WHOನ ಚೀಫ್ ಸೈಂಟಿಸ್ಟ್ ಡಾ. ಸೌಮ್ಯ ಸ್ವಾಮಿನಾಥನ್ ಹೇಳಿದ್ಧಾರೆ. ಇನ್ನು ಕೊರೋನಾ ಲಸಿಕೆಯ ಎರಡು ಡೋಸ್ ಡೆಲ್ಟಾ ರೂಪಾಂತರಿಯಿಂದ ರಕ್ಷಣೆ ನೀಡಬಹುದು ಅಂತ ಯುರೋಪಿಯನ್ ಮೆಡಿಸಿನ್ಸ್ ಏಜೆನ್ಸಿ- EMA ಹೇಳಿದೆ.
-masthmagaa.com
Contact Us for Advertisement