masthmagaa.com:
ಭಾರತ-ಆಸ್ಟ್ರೇಲಿಯಾ ನಡುವೆ ಸಿಡ್ನಿಯಲ್ಲಿ ನಡೀತಿರುವ 3ನೇ ಟೆಸ್ಟ್ ಕುತೂಹಲಕಾರಿ ಘಟ್ಟ ತಲುಪಿದೆ. ಆಸ್ಟ್ರೇಲಿಯಾ ನೀಡಿದ 407 ರನ್ ಟಾರ್ಗೆಟ್ ಬೆನ್ನತ್ತಿದ ಭಾರತ 4ನೇ ದಿನದಾಟದ ಅಂತ್ಯಕ್ಕೆ 98 ರನ್ಗೆ 2 ವಿಕೆಟ್ ಕಳೆದುಕೊಂಡಿದೆ. ರೋಹಿತ್ ಶರ್ಮಾ 52 ಮತ್ತು ಶುಬ್ಮನ್ ಗಿಲ್ 31 ರನ್ ಸಿಡಿಸಿ ಔಟಾಗಿದ್ದಾರೆ. ಚೇತೇಶ್ವರ ಪೂಜಾರ 9 ಮತ್ತು ನಾಯಕ ಅಜಿಂಕ್ಯ ರಹಾನೆ 4 ರನ್ಗಳೊಂದಿಗೆ 5ನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಟೀಂ ಇಂಡಿಯಾ ಗೆಲ್ಲಲು ಕೊನೇ ದಿನವಾದ ನಾಳೆ 309 ರನ್ ಸೇರಿಸಬೇಕಿದೆ. ಆಸ್ಟ್ರೇಲಿಯಾ ಗೆಲ್ಲಲು 8 ವಿಕೆಟ್ ತೆಗೀಬೇಕಿದೆ. ಸೋ ಎರಡೂ ತಂಡಕ್ಕೂ ನಾಳೆ ಕ್ರೂಷಿಯಲ್ ಡೇ. ಇದಕ್ಕೂ ಮೊದಲು ನಿನ್ನೆ 2ನೇ ಇನ್ನಿಂಗ್ಸ್ನಲ್ಲಿ 103 ರನ್ಗೆ 2 ವಿಕೆಟ್ ಕಳೆದುಕೊಂಡಿದ್ದ ಆಸ್ಟ್ರೇಲಿಯಾ ಇವತ್ತು ಬ್ಯಾಟಿಂಗ್ ಮುಂದುವರಿಸಿ 312 ರನ್ಗೆ 6 ವಿಕೆಟ್ ಕಳೆದುಕೊಂಡಾಗ ಇನ್ನಿಂಗ್ಸ್ ಡಿಕ್ಲೇರ್ ಮಾಡ್ತು. ಇದರೊಂದಿಗೆ ಭಾರತಕ್ಕೆ 407 ರನ್ ಟಾರ್ಗೆಟ್ ನೀಡ್ತು. ಟೀಂ ಇಂಡಿಯಾ ಆಟಗಾರರು ಫೀಲ್ಡಿಂಗ್ ಮಾಡುವ ವೇಳೆ ಪ್ರೇಕ್ಷಕರು ನಿಂದನೆ ಮಾಡಿದ ಘಟನೆ ಇವತ್ತೂ ಕೂಡ ನಡೀತು. ಬಳಿಕ ಒಂದಷ್ಟು ಜನ ಪ್ರೇಕ್ಷಕರನ್ನ ಹೊರಗೆ ಕಳಿಸಲಾಯ್ತು.
ಆಸ್ಟ್ರೇಲಿಯಾ: 338 & 312/6
ಭಾರತ: 244 & 98/2
-mathmagaa.com
Contact Us for Advertisement