masthmagaa.com:
ಕೊರೋನಾ ಹೊಡೆತದಿಂದ ಕಳೆದ ಆರ್ಥಿಕ ವರ್ಷದ ಮೊದಲೆರಡು ತ್ರೈ ಮಾಸಿಕದಲ್ಲಿ ಮೈನಸ್ ಇದ್ದ ಭಾರತದ ಆರ್ಥಿಕತೆ ಬೆಳವಣಿಗೆ ದರ 3ನೇ ತ್ರೈ ಮಾಸಿಕದಲ್ಲಿ ಪ್ಲಸ್ಗೆ ಬಂದಿದೆ. ಅಕ್ಟೋಬರ್ನಿಂದ ಡಿಸೆಂಬರ್ ಅವಧಿಯಲ್ಲಿ ಭಾರತದ ಜಿಡಿಪಿ 0.4 ಪರ್ಸೆಂಟ್ ಗ್ರೋಥ್ ಆಗಿದೆ ಅಂತ ನ್ಯಾಷನಲ್ ಸ್ಟಾಟಿಸ್ಟಿಕಲ್ ಆಫೀಸ್ (NSO) ಬಿಡುಗಡೆ ಮಾಡಿದ ಡೇಟಾ ತಿಳಿಸಿದೆ. ಮೊದಲ ತ್ರೈ ಮಾಸಿಕದಲ್ಲಿ ಮೈನಸ್ 24.40 ಪರ್ಸೆಂಟ್ ಕುಸಿದಿತ್ತು. ಎರಡನೇ ತ್ರೈ ಮಾಸಿಕದಲ್ಲಿ ಮೈನಸ್ 7.30 ಪರ್ಸೆಂಟ್ ಕುಸಿದಿತ್ತು. ಆದ್ರೀಗ ಮೂರನೇ ಕ್ವಾರ್ಟರ್ನಲ್ಲಿ ಪ್ಲಸ್ 0.4 ಪರ್ಸೆಂಟ್ ಗ್ರೋಥ್ ಆಗಿದೆ. ಈ ಮೂಲಕ ಟೆಕ್ನಿಕಲ್ ರಿಸೆಷನ್ಗೆ ಜಾರಿದ್ದ ಭಾರತ ಅದರಿಂದ ಹೊರಬಂದಿದೆ. ಇದು ತ್ರೈ ಮಾಸಿಕಕ್ಕೆ ಸಂಬಂಧಿಸಿದ ಅಂಕಿ ಅಂಶ.. ಇನ್ನು ಇಡೀ ಆರ್ಥಿಕ ವರ್ಷದ ಲೆಕ್ಕ ನೋಡಿದ್ರೆ, ಈ ವರ್ಷ ಜಿಡಿಪಿ ದರ ಮೈನಸ್ 8 ಪರ್ಸೆಂಟ್ ಕುಸಿಯಲಿದೆ ಅಂತ ಎನ್ಎಸ್ಒ ಅಂತ ಅಂದಾಜು ಮಾಡಿದೆ. ಮೊದಲು 7.7 ಅಂತ ಅಂದಾಜು ಮಾಡಲಾಗಿತ್ತು. ಆದ್ರೆ ಈಗ ಅಂದುಕೊಂಡಷ್ಟು ವೇಗವಾಗಿ ಚೇತರಿಕೆ ಕಾಣ್ತಿಲ್ಲ ಅಂತಾ ಇದರಿಂದ ಗೊತ್ತಾಗ್ತಿದೆ.
-masthmagaa.com
Contact Us for Advertisement