masthmagaa.com:
ರಷ್ಯಾ-ಭಾರತದ ನಡುವಿನ ಸಂಬಂಧ ಎಸ್-400 ಮಿಸೈಲ್ ಡಿಫೆನ್ಸ್ ಸಿಸ್ಟಂ ಖರೀದಿ ಒಪ್ಪಂದಕ್ಕೆ ಅಮೆರಿಕ ಅಡ್ಡಗಾಲು ಹಾಕೋದನ್ನು ಮುಂದುವರಿಸಿದೆ. ಅಮೆರಿಕದ ವಿದೇಶಾಂಗ ಇಲಾಖೆ ವಕ್ತಾರ ನೆಡ್ ಪ್ರೈಸ್ ಸುದ್ದಿಗೋಷ್ಠಿ ನಡೆಸ್ತಿದ್ರು. ಈ ವೇಳೆ ಭಾರತ ಮತ್ತು ರಷ್ಯಾದ ಎಸ್400 ಡೀಲ್, ಅಮೆರಿಕ ಮತ್ತು ಭಾರತದ ಸಂಬಂಧದ ಮೇಲೆ ಯಾವ ರೀತಿಯ ಪರಿಣಾಮ ಬೀರುತ್ತೆ ಅಂತ ಪ್ರಶ್ನೆ ಕೇಳಲಾಯ್ತು.. ಆಗ ಉತ್ತರಿಸಿದ ನೆಡ್ಪ್ರೈಸ್, ರಷ್ಯಾ ಭಾರತಕ್ಕೆ ಈ ವೆಪನ್ ಸಿಸ್ಟಂ ಮಾರೋ ಮೂಲಕ ಏಷ್ಯಾದಲ್ಲಿ ಮತ್ತು ಆ ಮೂಲಕ ಇಡೀ ವಿಶ್ವದಲ್ಲಿ ಅಸ್ಥಿರತೆಯನ್ನು ಸೃಷ್ಟಿಸೋ ಪ್ರಯತ್ನ ನಡೆಸ್ತಿದೆ ಅಂತ ಹೇಳಿದ್ದಾರೆ. ಜೊತೆಗೆ ಭಾರತ ಮತ್ತು ರಷ್ಯಾದ ಎಸ್-400 ಡೀಲ್ ಬಗ್ಗೆ ನಮಗೆ ಚಿಂತೆ ಇದೆ. ಇದ್ರಲ್ಲಿ ಯಾವುದೇ ರೀತಿಯ ಬದಲಾವಣೆಯಾಗಿಲ್ಲ.. ಭಾರತವಾಗಲೀ.. ಅಥವಾ ಬೇರೆ ದೇಶವಾಗಲೀ.. ರಷ್ಯಾದ ಜೊತೆಗೆ ಶಸ್ತ್ರಾಸ್ತ್ರಕ್ಕೆ ಸಂಬಂಧಿಸಿಂತೆ ಯಾವುದೇ ಹೊಸ ಡೀಲ್ ಮಾಡ್ಕೊಳ್ಬೇಡಿ ಅಂತ ಎಲ್ಲಾ ದೇಶಗಳಿಗೆ ಆಗ್ರಹಿಸ್ತಿದ್ದೀವಿ ಅಂತ ಹೇಳಿದ್ದಾರೆ. ಅಂದಹಾಗೆ ಭಾರತ ರಷ್ಯಾದಿಂದ ಈ ಕ್ಷಿಪಣಿ ರಕ್ಷಣಾ ವ್ಯವಸ್ಥೆ ಖರೀದಿಸಲು ಅಮೆರಿಕ ಮೊದಲಿಂದಲೂ ವಿರೋಧ ವ್ಯಕ್ತಪಡಿಸುತ್ತಲೇ ಇದೆ. ಆದ್ರೂ ಕೂಡ ಭಾರತ ತನ್ನ ನಿರ್ಧಾರದಿಂದ ಹಿಂದೆ ಸರಿಯುತ್ತಿಲ್ಲ. ಅಂದಹಾಗೆ 25 ಸಾವಿರ ಕೋಟಿ ರೂಪಾಯಿ ಮೊತ್ತದ ಒಪ್ಪಂದ ಇದಾಗಿದೆ.
-masthmagaa.com
Contact Us for Advertisement