masthmagaa.com:
JEE ಅಡ್ವಾನ್ಸ್ ಪರೀಕ್ಷೆ ಜುಲೈ 3ರಂದು ನಡೆಯಲಿದೆ ಅಂತ ಕೇಂದ್ರ ಶಿಕ್ಷಣ ಸಚಿವ ರಮೇಶ್ ಪೋಖ್ರಿಯಾಲ್ ನಿಶಾಂಕ್ ಹೇಳಿದ್ದಾರೆ. ಈ ಸ್ಪರ್ಧಾತ್ಮಕ ಪರೀಕ್ಷೆಯನ್ನ ಐಐಟಿ ಖಾರಗ್ಪುರ್ ಆಯೋಜಿಸಲಿದೆ. ಇನ್ನು ಹಿಂದಿನ ವರ್ಷಗಳಲ್ಲಿ ದೇಶದ 23 ಐಐಟಿಗಳಲ್ಲಿ ಅಡ್ಮಿಷನ್ ಪಡೀಬೇಕು ಅಂದ್ರೆ JEE ಅಡ್ವಾನ್ಸ್ ಪರೀಕ್ಷೆಯನ್ನ ಪಾಸ್ ಆಗೋದ್ರ ಜೊತೆಗೆ 12ನೇ ತರಗತಿಯಲ್ಲಿ 75 ಪರ್ಸೆಂಟ್ಗಿಂತ ಹೆಚ್ಚು ಅಂಕ ಪಡೆದಿರಬೇಕಿತ್ತು ಅಥವಾ ಬೋರ್ಡ್ ಎಕ್ಸಾಂನಲ್ಲಿ ಅಗ್ರ 20 ಪರ್ಸೆಂಟ್ನಲ್ಲಿ ಸ್ಥಾನ ಪಡೆದಿರಬೇಕಿತ್ತು. ಆದ್ರೆ ಈ ಬಾರಿ 12ನೇ ತರಗತಿಯಲ್ಲಿ 75%ಗಿಂತ ಹೆಚ್ಚು ಅಂಕ ಪಡೆದಿರಬೇಕು ಎಂಬ ಅರ್ಹತಾ ಮಾನದಂಡವನ್ನ ಕೊರೋನಾ ಕಾರಣದಿಂದಾಗಿ ರದ್ದು ಪಡಿಸಲಾಗಿದೆ ಅಂತ ಸಚಿವರು ಹೇಳಿದ್ರು.
ಇತ್ತೀಚೆಗಷ್ಟೇ JEE ಮೈನ್ಸ್ ಎಕ್ಸಾಂನ ಡೇಟ್ ಅನ್ನು ಕೇಂದ್ರ ಸರ್ಕಾರ ಅನೌನ್ಸ್ ಮಾಡಿತ್ತು. ಫೆಬ್ರವರಿ 23-26, ಮಾರ್ಚ್ 15-18, ಏಪ್ರಿಲ್ 27-30 ಮತ್ತು ಮೇ 24-28ರಂದು ಒಟ್ಟು 4 ಹಂತಗಳಲ್ಲಿ ಪರೀಕ್ಷೆ ನಡೆಸಲಾಗುತ್ತೆ ಅಂತ ಹೇಳಿತ್ತು. ಇದೀಗ JEE ಅಡ್ವಾನ್ಸ್ ಪರೀಕ್ಷೆಯ ಡೇಟ್ ಕೂಡ ಅನೌನ್ಸ್ ಆಗಿದೆ.
-masthmagaa.com
Contact Us for Advertisement