masthmagaa.com:
ಅಮೆಜಾನ್ ಮತ್ತು ಬ್ಲೂ ಒರಿಜಿನ್ ಸಂಸ್ಥಾಪಕ ಜೆಫ್ ಬೆಜೋಸ್ ಸ್ಮಿತ್ ಸೋನಿಯನ್ ಅನ್ನೋ ರಿಸರ್ಚ್ ಸೆಂಟರ್ಗೆ 20 ಕೋಟಿ ಡಾಲರ್ ಅಂದ್ರೆ 1,480 ಕೋಟಿ ರೂಪಾಯಿ ದಾನ ಮಾಡಲು ನಿರ್ಧರಿಸಿದ್ದಾರೆ. 1846ರಲ್ಲಿ ಸ್ಥಾಪನೆಯಾಗಿದ್ದ ಈ ಸಂಸ್ಥೆ ದಾನಿಗಳು ಮತ್ತು ಅಮೆರಿಕ ಸರ್ಕಾರ ಎರಡರಿಂದಲೂ ಅನುದಾನ ಪಡೆದುಕೊಂಡು ಬಂದಿದೆ. ಆದ್ರೆ 20 ಕೋಟಿ ಡಾಲರ್ ದಾನ ಒಂದೇ ಬಾರಿಗೆ ಸಿಕ್ಕಿರೋದು ಇದೇ ಮೊದಲು. ಈ ಸಂಸ್ಥೆಯ ನ್ಯಾಷನಲ್ ಏರ್ & ಸ್ಪೇಸ್ ಮ್ಯೂಸಿಯಂ ನವೀಕರಣಕ್ಕೆ 7 ಕೋಟಿ ಡಾಲರ್ ಮತ್ತು ಉಳಿದ 13 ಕೋಟಿ ಡಾಲರ್ನ್ನು ಹೊಸ ಶಿಕ್ಷಣ ಕೇಂದ್ರ ಸ್ಥಾಪನೆಗಾಗಿ ದಾನ ಮಾಡಲು ನಿರ್ಧರಿಸಿದ್ದಾರೆ. ಈ ಶಿಕ್ಷಣ ಕೇಂದ್ರದಲ್ಲಿ ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್, ಕಲೆ ಮತ್ತು ಗಣಿತಶಾಸ್ತ್ರವನ್ನು ಮುಂದುವರಿಸಲು ವಿದ್ಯಾರ್ಥಿಗಳನ್ನು ಪ್ರೇರೇಪಿಸುವ ಉದ್ದೇಶ ಹೊಂದಲಾಗಿದೆ. ಅಂದಹಾಗೆ ಇದೇ ಜುಲೈ 20ರಂದು ಜೆಫ್ ಬೆಜೋಸ್ ಬಾಹ್ಯಾಕಾಶಕ್ಕೆ ಹಾರಲಿದ್ದಾರೆ.
-masthmagaa.com
Contact Us for Advertisement