masthmagaa.com:
ದಕ್ಷಿಣ ಕೊರಿಯಾದ ಎಲ್ಜಿ ಎಲೆಕ್ಟ್ರಾನಿಕ್ಸ್ ಇನ್ಕಾರ್ಪೊರೇಟೆಡ್ ಜಾಗತಿಕವಾಗಿ ತನ್ನ ಮೊಬೈಲ್ ಫೋನ್ ಬ್ಯುಸಿನೆಸ್ ಅನ್ನ ಅಧಿಕೃತವಾಗಿ ಬಂದ್ ಮಾಡೋದಾಗಿ ಘೋಷಿಸಿದೆ. ಈ ಮೂಲಕ ಮಾರುಕಟ್ಟೆಯಿಂದ ಹೊರ ಹೋಗ್ತಿರೋ ಮೊದಲ ಪ್ರಮುಖ ಸ್ಮಾರ್ಟ್ಫೋನ್ ಬ್ರಾಂಡ್ ಎನಿಸಿಕೊಂಡಿದೆ. 2013ರಲ್ಲಿ ಜಗತ್ತಿನ ಮೂರನೇ ಅತಿದೊಡ್ಡ ಸ್ಮಾರ್ಟ್ಫೋನ್ ಉತ್ಪಾದಕ ಕಂಪನಿ ಎನಿಸಿಕೊಂಡಿದ್ದ ಎಲ್ಜಿ ಎಲೆಕ್ಟ್ರಾನಿಕ್ಸ್ ಆಮೇಲೆ ನಷ್ಟದ ಮೇಲೆ ನಷ್ಟ ಅನುಭವಿಸ್ತಾ ಹೋಯ್ತು. ಕಳೆದ 6 ವರ್ಷಗಳಲ್ಲಿ ಎಷ್ಟು ಲಾಸ್ ಆಗಿದೆ ಗೊತ್ತಾ.. ಬರೋಬ್ಬರಿ 30 ಸಾವಿರ ಕೋಟಿ ರೂಪಾಯಿ.
ಸದ್ಯ ಜಾಗತಿಕ ಮೊಬೈಲ್ ಬ್ಯುಸಿನೆಸ್ನಲ್ಲಿ ಎಲ್ಜಿ ಕೇವಲ 2 ಪರ್ಸೆಂಟ್ ಪಾಲು ಹೊಂದಿದೆ. ಹೀಗಾಗಿ ಮೊಬೈಲ್ ಬ್ಯುಸಿನೆಸ್ ಅನ್ನ ಇಲ್ಲಿಗೇ ಸ್ಟಾಪ್ ಮಾಡಿ, ಹೆಚ್ಚು ಗ್ರೋತ್ ಇರೋ ಎಲೆಕ್ಟ್ರಿಕ್ ವೆಹಿಕಲ್ ಭಾಗಗಳು, ಕನೆಕ್ಟೆಡ್ ಡಿವೈಸಸ್ ಮತ್ತು ಸ್ಮಾರ್ಟ್ ಹೋಮ್ ಕಡೆ ಗಮನಹರಿಸೋದಾಗಿ ಕಂಪನಿ ಹೇಳಿಕೆ ಬಿಡುಗಡೆ ಮಾಡಿದೆ. ಹಾಗಿದ್ರೆ ಈಗಾಗಲೇ ಎಲ್ಜಿ ಮೊಬೈಲ್ ಇರೋರ ಕಥೆ ಏನು..? ಎಕ್ಸಿಸ್ಟಿಂಗ್ ಕಸ್ಟಮರ್ಸ್ಗೆ ಒಂದು ನಿರ್ದಿಷ್ಟ ಸಮಯದವರೆಗೆ ಸರ್ವಿಸ್ ಸಪೋರ್ಟ್ ಮತ್ತು ಸಾಫ್ಟ್ವೇರ್ ಅಪ್ಡೇಟ್ ನೀಡೋದಾಗಿ ಕಂಪನಿ ಹೇಳಿದೆ. ಇನ್ನು ಮೊಬೈಲ್ ಬ್ಯುಸಿನೆಸ್ನಲ್ಲಿ ಕೆಲಸ ಮಾಡ್ತಿದ್ದ ಸಿಬ್ಬಂದಿಯನ್ನ ಎಲ್ಜಿಯ ಬೇರೆ ಬ್ಯುಸಿನೆಸ್ಗೆ ಬಳಸಿಕೊಳ್ಳಲಾಗುವುದು ಅಂತಾನೂ ಕಂಪನಿ ಹೇಳಿದೆ. ಎಲ್ಜಿ ಮಾತ್ರವಲ್ಲ ಪ್ರಸಿದ್ದ ಮೊಬೈಲ್ ಬ್ರಾಂಡ್ಗಳಾದ ನೋಕಿಯಾ, ಹೆಚ್ಟಿಸಿ ಮತ್ತು ಬ್ಲಾಕ್ಬೆರಿ ಕೂಡ ಭಾರಿ ನಷ್ಟದಲ್ಲಿವೆ.
-masthmagaa.com
Contact Us for Advertisement