masthmagaa.com:
ಇಡೀ ದೇಶವೇ ಕಾದು ಕುಳಿತಿರೋ 18ನೇ ಲೋಕಸಭಾ ಚುನಾವಣೆ ನಾಳೆಯಿಂದ ಶುರುವಾಗಲಿದೆ. ನಾಳೆ ಲೋಕಸಭಾ ಚುನಾವಣೆಗೆ ಮೊದಲ ಹಂತದಲ್ಲಿ ಮತದಾನ ನಡೆಯಲಿದೆ. ಫಸ್ಟ್‌ ಫೇಸ್‌ನಲ್ಲಿ 18 ರಾಜ್ಯಗಳು ಮತ್ತು 3 ಕೇಂದ್ರಾಡಳಿತ ಪ್ರದೇಶಗಳ ಒಟ್ಟು 102 ಲೋಕಸಭಾ ಕ್ಷೇತ್ರಗಳಲ್ಲಿ ವೋಟಿಂಗ್‌ ನಡೆಯಲಿದೆ. ಅದ್ರಲ್ಲಿ ಪ್ರಮುಖವಾಗಿ ತಮಿಳುನಾಡಿನ ಎಲ್ಲಾ 39 ಕ್ಷೇತ್ರಗಳು, ರಾಜಸ್ಥಾನದ 12, ಸಿಕ್ಕಿಂನ 11, ಉತ್ತರ ಪ್ರದೇಶದ 8, ಬಿಹಾರದ 4 , ಮಧ್ಯಪ್ರದೇಶದ 6, ಮಹಾರಾಷ್ಟ್ರ, ಬಿಹಾರ ಹಾಗೂ ಉತ್ತರಾಖಂಡ ತಲಾ 5 ಸ್ಥಾನಗಳಿಗೆ ಹಾಗೂ ಪಶ್ಚಿಮ ಬಂಗಾಳದ 3 ಕ್ಷೇತ್ರಗಳಲ್ಲಿ ಮತದಾರರು ತಮ್ಮ ಹಕ್ಕು ಚಲಾಯಿಸಲಿದ್ದಾರೆ. ನಿತಿನ್‌ ಗಡ್ಕರಿ, ಜಿತೇಂದ್ರ ಸಿಂಗ್‌ ಥೋಮರ್‌ ಸೇರಿದಂತೆ 8 ಜನ ಕೇಂದ್ರ ಸಚಿವರು ಚುನಾವಣಾ ಚದುರಂಗದಾಟದಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ. ಒಟ್ಟಾರೆ 1625 ಅಭ್ಯರ್ಥಿಗಳು ಚುನಾವಣಾ ಕಣಕ್ಕಿಳಿದಿದ್ದು, ಅದ್ರಲ್ಲಿ 1490 ಪುರುಷರು, 135 ಮಹಿಳಾ ಅಭ್ಯರ್ಥಿಗಳಿದ್ದಾರೆ. ತಮಿಳುನಾಡಿನ ಕರೂರ್‌ನಲ್ಲಿ 54 ಕ್ಯಾಂಡಿಡೇಟ್‌ಗಳು ಕಣಕ್ಕಿಳಿಯೋ ಮೂಲಕ ಅತಿ ಹೆಚ್ಚು ಅಭ್ಯರ್ಥಿಗಳಿರುವ ಲೋಕಸಭಾ ಕ್ಷೇತ್ರವಾದರೆ, ಅತ್ತ ನಾಗಾಲ್ಯಾಂಡ್ನ ದಿಬ್ರಗಢದಲ್ಲಿ 3 ಜನ ಮಾತ್ರ ಕಣದಲ್ಲಿದ್ದಾರೆ. ಇನ್ನು ಕಣದಲ್ಲಿರೊ ಪ್ರಮುಖ ಅಭ್ಯರ್ಥಿಗಳತ್ತ ಗಮನ ಹರಿಸೊದಾದ್ರೆ ಕೊಯಮತ್ತೂರಿನಿಂದ ಕೆ.ಅಣ್ಣಾಮಲೈ, ಜಮುಯಿ ಕ್ಷೇತ್ರದಿಂದ ಚಿರಾಗ್ ಪಾಸ್ವಾನ್, ಶಿವಗಂಗಾ ಕ್ಷೇತ್ರದಿಂದ ಕಾರ್ತಿ ಚಿದಂಬರಂ ಅಖಾಡದಲ್ಲಿದ್ದಾರೆ.
-masthmagaa.com
Contact Us for Advertisement