ಚೀನಾ ಸೇರಿದಂತೆ ಹಲವು ದೇಶಗಳಲ್ಲಿ ಮರಣ ಮೃದಂಗ ಬಾರಿಸುತ್ತಿರೋ ಕೊರೋನಾ ಮಹಾಮಾರಿಗೆ ಬಲಿಯಾದವರ ಸಂಖ್ಯೆ 3,000 ಗಡಿ ದಾಟಿದೆ. ಈ ಪೈಕಿ ಡ್ರ್ಯಾಗನ್ ದೇಶವೊಂದರಲ್ಲೇ 2,915 ಜನ ಮೃತಪಟ್ಟಿದ್ದು, ಇದುವರೆಗೆ 80,000ಕ್ಕೂ ಹೆಚ್ಚು ಪ್ರಕರಣಗಳು ಬೆಳಕಿಗೆ ಬಂದಿವೆ. ಚೀನಾ ಹೊರತುಪಡಿಸಿ ಸುಮಾರು 60 ದೇಶಗಳಿಗೂ ಕೊರೋನಾ ವೈರಸ್ ಹರಡಿದ್ದು, 140 ಜನ ಬಲಿಯಾಗಿದ್ದಾರೆ. ಈ ಪೈಕಿ ಇರಾನ್ನಲ್ಲಿ ಅತಿ ಹೆಚ್ಚು 54, ಇಟಲಿಯಲ್ಲಿ 34 ಹಾಗೂ ದಕ್ಷಿಣ ಕೊರಿಯಾದಲ್ಲಿ 22 ಜನ ಮೃತಪಟ್ಟಿದ್ದಾರೆ. ಅಮೆರಿಕ, ಆಸ್ಟ್ರೇಲಿಯಾ ಹಾಗೂ ಥಾಯ್ಲ್ಯಾಂಡ್ನಲ್ಲಿ ಭಾನುವಾರ ಮೊದಲ ಸಾವು ಸಂಭವಿಸಿದ್ದು ಆತಂಕ ಹೆಚ್ಚಿಸಿದೆ.
ಇನ್ನು ಜಗತ್ತಿನಲ್ಲಿ ಅತಿ ಹೆಚ್ಚು ಜನ ಭೇಟಿ ನೀಡೋ ಫ್ರಾನ್ಸ್ನ ಲೌರೆ ಮ್ಯೂಸಿಯಂನ ಬಾಗಿಲನ್ನು ಮಾರ್ಚ್ 1ರಿಂದ ಮುಚ್ಚಲಾಗಿದೆ. ಕೊರೋನಾ ಭೀತಿ ಹಿನ್ನೆಲೆ ವಸ್ತು ಸಂಗ್ರಹಾಲಯದ ಸಿಬ್ಬಂದಿ ಕೆಲಸ ಮಾಡಲು ನಿರಾಕರಿಸಿದ್ದೇ ಇದಕ್ಕೆ ಕಾರಣ. ಈ ಸಂಬಂಧ ಮ್ಯೂಸಿಯಂನ ಆಡಳಿತ ಮಂಡಳಿ ಭಾನುವಾರ ಪ್ರಕಟಣೆ ಹೊರಡಿಸಿದೆ.
Contact Us for Advertisement