masthmagaa.com:
ಚೀನಾದಲ್ಲಿ ಕಳೆದ 24 ಗಂಟೆಗಳಲ್ಲಿ 105 ಜನರಿಗೆ ಹೊಸದಾಗಿ ಕೊರೋನಾ ಸೋಂಕು ತಗುಲಿದೆ ಅಂತ ಚೀನಾದ ನ್ಯಾಷನಲ್ ಹೆಲ್ತ್ ಕಮಿಷನ್ ಹೇಳಿದೆ. ಇದರಲ್ಲಿ 102 ಪ್ರಕರಣ ಸ್ಥಳೀಯವಾಗಿದ್ದು, 3 ಪ್ರಕರಣ ವಿದೇಶ ಪ್ರಯಾಣದ ಹಿನ್ನೆಲೆ ಹೊಂದಿದೆ.
ಚೀನಾದಲ್ಲಿ ಕೊರೋನಾ ಸೋಂಕಿನ ಹೊಸ ಹಾಟ್ಸ್ಪಾಟ್ ಆಗಿರೋ ಷಿನ್ಜಿಯಾಂಗ್ ಉಗರ್ ಸ್ವಾಯತ್ತ ಪ್ರದೇಶದಲ್ಲಿ ಬರೋಬ್ಬರಿ 96 ಪ್ರಕರಣ ವರದಿಯಾಗಿದೆ. ಲಿಯೊನಾಂಗ್ ಪ್ರಾಂತ್ಯದಲ್ಲಿ 5 ಮತ್ತು ರಾಜಧಾನಿ ಬೀಜಿಂಗ್ನಲ್ಲಿ 1 ಪ್ರಕರಣ ದೃಢಪಟ್ಟಿದೆ.
ಕಳೆದ 24 ಗಂಟೆಗಳಲ್ಲಿ ಕೊರೋನಾಗೆ ಸಂಬಂಧಿಸಿದಂತೆ ಚೀನಾ ನೆಲದಲ್ಲಿ ಯಾವುದೇ ಸಾವು ಸಂಭವಿಸಿಲ್ಲ. ಹೊಸದಾಗಿ 13 ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಗಳಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಚೀನಾದಲ್ಲಿ ಇದುವರೆಗೆ 84,165 ಮಂದಿಗೆ ಕೊರೋನಾ ಸೋಂಕು ತಗುಲಿದ್ದು, ಈ ಪೈಕಿ 4,634 ಸೋಂಕಿತರು ಮೃತಪಟ್ಟಿದ್ದಾರೆ. ಇಲ್ಲಿಯವರೆಗೆ 78,957 ಸೋಂಕಿತರು ಗುಣಮುಖರಾಗಿದ್ದಾರೆ.
ಚೀನಾದಲ್ಲಿ ಕೊರೋನಾ 2ನೇ ಅಲೆ..?
ಆರಂಭದಲ್ಲಿ ತನ್ನ ದೇಶದಲ್ಲಿ ಕೊರೋನಾ ವೈರಸ್ ಸ್ಫೋಟಗೊಂಡರೂ ಅದನ್ನು ನಿಯಂತ್ರಿಸಿದ್ದ ಚೀನಾ ಈಗ ಎರಡನೇ ಅಲೆಯ ಭೀತಿ ಎದುರಿಸುತ್ತಿದೆ. ಚೀನಾದಲ್ಲಿ ಸತತ ಎರಡು ದಿನಗಳಿಂದ 100ಕ್ಕೂ ಹೆಚ್ಚು ಪ್ರಕರಣ ವರದಿಯಾಗಿದೆ. ಕೇವಲ 5 ದಿನದಲ್ಲಿ 375ಕ್ಕೂ ಹೆಚ್ಚು ಪ್ರಕರಣ ದೃಢಪಟ್ಟಿದೆ. ಅದ್ರಲ್ಲೂ ಉಗರ್ ಮುಸ್ಲಿಮರು ಹೆಚ್ಚಿರುವ ಷಿನ್ಜಿಯಾಂಗ್ ಪ್ರಾಂತ್ಯ ಕೊರೋನಾ ಸೋಂಕಿನ ಹೊಸ ಕೇಂದ್ರವಾಗುತ್ತಿದೆ.
ಚೀನಾದಲ್ಲಿ ಕಳೆದ 5 ದಿನದ ಟ್ರೆಂಡ್:
ಜುಲೈ 26: 41 ಪ್ರಕರಣ
ಜುಲೈ 27: 61 ಪ್ರಕರಣ
ಜುಲೈ 28: 68 ಪ್ರಕರಣ
ಜುಲೈ 29: 101 ಪ್ರಕರಣ
ಜುಲೈ 30: 105 ಪ್ರಕರಣ
-masthmagaa.com
Contact Us for Advertisement