masthmagaa.com:
ಮಧ್ಯಪ್ರದೇಶ: ಬುರ್ಹಾನ್ಪುರದಲ್ಲಿ ಆಧುನಿಕ ಷಹಜಹಾನ್ ಒಬ್ಬರು ಪತ್ತೆಯಾಗಿದ್ದಾರೆ. ತಾಜ್ಮಹಲ್ಗೆ ಹೋಲುವ ಮನೆ ಕಟ್ಟಿಸಿ, ತಮ್ಮ ಪತ್ನಿಗೆ ಗಿಫ್ಟ್ ಕೊಟ್ಟಿದ್ದಾರೆ. ಶಿಕ್ಷಣ ಸಂಸ್ಥೆಗಳನ್ನು ನಡೆಸೋ ಆನಂದ್ ಪ್ರಕಾರ ಚೌಕ್ಸೀ ತಮ್ಮ ಪತ್ನಿ ಮಂಜುಶಾ ಚೌಕ್ಸೀಗಾಗಿ ಈ ಮನೆ ಕಟ್ಟಿಸಿದ್ದಾರೆ. ಈ ಜೋಡಿ ಆಗ್ರಾಗೆ ಹೋಗಿ ತಾಜ್ಮಹಲ್ ನೋಡಿಕೊಂಡು ಬಂದು, ಅದ್ರ ವಾಸ್ತುಶಿಲ್ಪದ ಕುರಿತು ಅಧ್ಯಯನ ನಡೆಸಿದ್ರು. ನಂತರ ಎಂಜಿಯರ್ಗಳಿಗೆ ಅದ್ರ ಮಾಹಿತಿ ನೀಡಿದ್ರು. ಆಮೇಲೆ ಎಂಜಿನಿಯರ್ಗಳು ಕೂಡ ತಾಜ್ಮಹಲ್ಗೆ ಹೋಗಿ, ಮಾಹಿತಿ ಪಡ್ಕೊಂಡು ಈ ಕಟ್ಟಡ ಕಟ್ಟಿದ್ದಾರೆ. ಆರಂಭದಲ್ಲಿ ಈ ರೀತಿ ಪ್ಲಾನ್ ಇರಲಿಲ್ಲ.. 80 ಅಡಿ ಎತ್ತರದ ಮನೆ ನಿರ್ಮಾಣಕ್ಕೆ ಮುಂದಾಗಿದ್ರು. ಆದ್ರೆ ಅದಕ್ಕೆ ಅನುಮತಿ ಸಿಗಲಿಲ್ಲ. ಹೀಗಾಗಿ ತಾಜ್ಮಹಲ್ ರೀತಿಯ 29 ಅಡಿ ಎತ್ತರದ ಮನೆ ಕಟ್ಟಿಸಿದ್ದಾರೆ. ಇದ್ರ ಎರಡು ಫ್ಲೋರ್ಗಳಲ್ಲಿ ಎರಡು ಬೆಡ್ರೂಂ, ಕಿಚನ್, ಲೈಬ್ರರಿ, ಮೆಡಿಟೇಷನ್ ರೂಂ ಎಲ್ಲಾ ಇದೆ.
-masthmagaa.com
Contact Us for Advertisement