ಕೋಳಿ ಮಾಂಸಕ್ಕೆ ರೇಟ್ ಜಾಸ್ತಿ ಹೇಳಿದ್ದಕ್ಕೆ ಕೊಂದೇ ಬಿಟ್ರು..!

masthmagaa.com:

ದೆಹಲಿ: ಕೋಳಿ ಮಾಂಸದ ರೇಟ್ ವಿಚಾರದಲ್ಲಿ ಚರ್ಚೆ ನಡೆದು ಅಣ್ಣ-ತಮ್ಮಂದಿರು ಸೇರಿಕೊಂಡು ವ್ಯಾಪಾರಿಯೊಬ್ಬನನ್ನು ಕೊಂದು ಹಾಕಿದ್ದಾರೆ. ದೆಹಲಿಯ ಜಹಾಂಗಿರ್​​ಪುರಿಯಲ್ಲಿ ಈ ಘಟನೆ ವರದಿಯಾಗಿದೆ. ಮೃತನನ್ನು ಶಿರಾಜ್ ಎಂದು ಗುರುತಿಸಲಾಗಿದೆ. ಪಶ್ಚಿಮ ಬಂಗಾಳ ಮೂಲದ ಶಿರಾಜ್ ದೆಹಲಿಯಲ್ಲಿ ಮೀನು ವ್ಯಾಪಾರ ಮಾಡುತ್ತಿದ್ದ. ಆದ್ರೆ ಕೊರೋನಾ ಲಾಕ್​ಡೌನ್ ಹೇರಿಕೆಯಾದ ಬಳಿಕ ಚಿಕನ್ ಮಾರಾಟ ಶುರು ಮಾಡಿದ್ದಾನೆ.

ಶಿರಾಜ್ ಬಳಿ ಬಂದ ಶಾ ಆಲಂ ಮತ್ತು ಆತನ ಸ್ನೇಹಿತರು ಕೋಳಿಗೆ ರೇಟ್ ಕೇಳಿದ್ದಾರೆ. ಈ ವೇಳೆ ಶಿರಾಜ್ ರೇಟ್ ಹೇಳಿದಾಗ, ಶಾ ಆಲಂ ಮತ್ತು ಆತನ ಸಹೋದರರು ವಾಗ್ವಾದಕ್ಕೆ ಇಳಿದಿದ್ದಾರೆ. ನಂತರ ಶಿರಾಜ್​​ಗೆ ಚಾಕುವಿನಿಂದ ಇರಿದು, ರಾಡ್​​ನಿಂದ ಹಲ್ಲೆ ನಡೆಸಿ ಪರಾರಿಯಾಗಿದ್ದಾರೆ. ವಿಚಾರ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರು ಶಿರಾಜ್​ನನ್ನು ಆಸ್ಪತ್ರೆಗೆ ಸಾಗಿಸಿದ್ರು. ಆದ್ರೆ ಅಷ್ಟರಲ್ಲಾಗಲೇ ಶಿರಾಜ್ ಸಾವನ್ನಪ್ಪಿದ್ದ.  ಆರೋಪಿ ಶಾ ಆಲಂನನ್ನು ಅರೆಸ್ಟ್ ಮಾಡಿರೋ ಪೊಲೀಸರು, ಉಳಿದ ಆರೋಪಿಗಳಿಗಾಗಿ ಬಲೆ ಬೀಸಿದ್ದಾರೆ.

-masthmagaa.com