masthmagaa.com:
ಡೊನಾಲ್ಡ್ ಟ್ರಂಪ್ ಅವಧಿಯಲ್ಲಿ ಹಾಳಾಗಿದ್ದ ಅಮೆರಿಕ ಮತ್ತು ನ್ಯಾಟೋ ಫ್ರೆಂಡ್ಶಿಪ್ಪು ಬೈಡೆನ್ ಬರ್ತಿದ್ದಂತೆ ಮತ್ತೆ ಜಾಸ್ತಿಯಾಗ್ತಿದೆ. ತನ್ನ ಅಧಿಕಾರದ ಕೊನೆಯ ಹಂತದಲ್ಲಿರೋ ಜರ್ಮನ್ ಚಾನ್ಸಲರ್ ಎಂಜೆಲಾ ಮರ್ಕೆಲ್ ಅಮೆರಿಕಾಗೆ ಹೋಗಿದ್ದಾರೆ. ಇಲ್ಲಿ ಬೈಡೆನ್ ಮತ್ತು ಎಂಜೆಲಾ ಸುದೀರ್ಘ ಮಾತುಕತೆ ನಡೆಸಿದ್ದಾರೆ. ಈ ಭೇಟಿಯಲ್ಲಿ ಪ್ರಮುಖವಾಗಿ ನ್ಯಾಟೋ ಬಲಪಡಿಸೋದ್ರ ಜೊತೆಗೆ ರಷ್ಯಾದ ಆಕ್ರಮಣಶೀಲತೆ ಮತ್ತು ಚೀನಾದ ಪ್ರಜಾಪ್ರಭುತ್ವವಿರೋಧಿ ಕೃತ್ಯಗಳ ವಿರುದ್ಧದ ಹೆಜ್ಜೆಗಳ ಕುರಿತು ಚರ್ಚಿಸಲಾಯ್ತು. ಅದೇ ರೀತಿ ನಾರ್ಡ್ ಸ್ಟ್ರೀಮ್ ಪೈಪ್ಲೈನ್ ಬಗ್ಗೆ ಕೂಡಾ ಚರ್ಚಿಸಲಾಯ್ತು. ಇದು ರಷ್ಯಾದಿಂದ ಜರ್ಮನಿಗೆ ಗ್ಯಾಸ್ ಪೂರೈಸಲು ಬಾಲ್ಟಿಕ್ ಸಮುದ್ರದ ಅಡಿಯಲ್ಲಿ ನಿರ್ಮಿಸಲಾಗ್ತಿರೋ ಪೈಪ್ಲೈನ್.. 1100 ಕೋಟಿ ಡಾಲರ್ ವೆಚ್ಚದ ಯೋಜನೆ ಇದಾಗಿದ್ದು, ಸೆಪ್ಟೆಂಬರ್ ಅಂತ್ಯದ ವೇಳೆಗೆ ಇದ್ರ ನಿರ್ಮಾಣ ಕಾರ್ಯ ಕಂಪ್ಲೀಟ್ ಆಗಲಿದೆ. ರಷ್ಯಾ ಈಗಾಗಲೇ ವಿವಿಧ ಪೈಪ್ಲೈನ್ಗಳ ಮೂಲಕ ಯೂರೋಪಿನ ಹಲವು ದೇಶಗಳಿಗೆ ನೈಸರ್ಗಿಕ ಅನಿಲ ಪೂರೈಸ್ತಿದೆ. ಆದ್ರೆ ಈಗ ನಿರ್ಮಾಣವಾಗ್ತಿರೋ ನಾರ್ಡ್ ಸ್ಟ್ರೀಮ್ 2 ಪೈಪ್ಲೈನ್ನಿಂದ ನೈಸರ್ಗಿಕ ಅನಿಲದ ವಿಚಾರದಲ್ಲಿ ರಷ್ಯಾದ ಮೇಲಿನ ಯೂರೋಪಿಯನ್ ರಾಷ್ಟ್ರಗಳ ಅವಲಂಬನೆ ಜಾಸ್ತಿಯಾಗುತ್ತೆ. ಅಲ್ಲದೆ ಈ ಮೂಲಕ ರಷ್ಯಾ ತನ್ನ ಮಿತ್ರರಾಷ್ಟ್ರ ಯುಕ್ರೇನ್ಗೂ ಹಾನಿ ಮಾಡ್ಬೋದು ಅನ್ನೋದು ಅಮೆರಿಕದ ಚಿಂತೆ. ಹೀಗಾಗಿ ಈ ಯೋಜನೆಯನ್ನೇ ರಷ್ಯಾ ಅಸ್ತ್ರದ ರೀತಿ ಬಳಸಿಕೊಳ್ಳಲ್ಲ ಅನ್ನೋದನ್ನ ಖಾತ್ರಿಪಡಿಸಿಕೊಳ್ಳಬೇಕು ಅಂತ ಬೈಡೆನ್ ಎಂಜೆಲಾ ಮರ್ಕೆಲ್ಗೆ ಸೂಚಿಸಿದ್ದಾರೆ.
-masthmagaa.com
Contact Us for Advertisement