masthmagaa.com:
ಪಾಕ್ ಸೇನೆ ವಿರುದ್ಧ ಮಾತನಾಡುವವರನ್ನ, ಸೇನೆ ಅಥವಾ ಸೇನೆಯ ಯಾವುದೇ ವ್ಯಕ್ತಿಯನ್ನ ಅಪಹಾಸ್ಯ ಮಾಡೋರನ್ನ ಶಿಕ್ಷಿಸುವ ಕಾನೂನು ಪಾಕಿಸ್ತಾನದಲ್ಲಿ ಜಾರಿಗೆ ಬರುವ ಲಕ್ಷಣ ಕಾಣ್ತಿದೆ. ಅಂದ್ಹಾಗೆ ಕ್ರಿಮಿನಲ್ ಲಾ ಅಮೆಂಡ್ಮೆಂಟ್ ಬಿಲ್ 2020 ಅನ್ನ ಕಳೆದ ವರ್ಷ ಪಾಕಿಸ್ತಾನದ ನ್ಯಾಷನಲ್ ಅಸೆಂಬ್ಲಿಯ ಸ್ಟಾಂಡಿಂಗ್ ಕಮಿಷನ್ ಆನ್ ಇಂಟೀರಿಯರ್ಗೆ ಕಳಿಸಿಕೊಡಲಾಗಿತ್ತು. ಇದೀಗ ಈ ಮಸೂದೆಯನ್ನ ನ್ಯಾಷನಲ್ ಅಸೆಂಬ್ಲಿಯ ಕೆಳಮನೆ ಪಾಸ್ ಮಾಡ್ಬೋದು ಅಂತ ಸ್ಟಾಂಡಿಂಗ್ ಕಮಿಷನ್ ಹೇಳಿದೆ.
ಈ ಕಾನೂನು ಏನಾದ್ರೂ ಜಾರಿಗೆ ಬಂದ್ರೆ ಸೇನೆ ಅಥವಾ ಅದರ ಯಾವುದೇ ಸದಸ್ಯರನ್ನ ಅಪಹಾಸ್ಯ ಮಾಡೋರನ್ನ 2 ವರ್ಷಗಳವರೆಗೆ ಜೈಲಿಗೆ ಕಳಿಸಬಹುದು. ಅಥವಾ 5 ಲಕ್ಷ ರೂಪಾಯಿವರೆಗೆ ದಂಡ ವಿಧಿಸಬಹುದು. ಆದ್ರೆ ಈ ಮಸೂದೆಗೆ ವಿಪಕ್ಷಗಳು ತೀವ್ರ ವಿರೋಧ ವ್ಯಕ್ತಪಡಿಸಿವೆ. ಅಂದ್ಹಾಗೆ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಅವರ ವಿಶೇಷ ಸಲಹಗಾರರಾಗಿರೋ ಪಾಕ್ ಸೇನೆಯ ಮಾಜಿ ಮುಖ್ಯಸ್ಥ ಅಸಿಂ ಸಲೀಂ ಬಜ್ವಾ ಕೋಟಿ ಕೋಟಿ ಅಕ್ರಮ ಆಸ್ತಿ ಹೊಂದಿದ್ದಾರೆ ಅನ್ನೋ ಆರೋಪ ಕೇಳಿ ಬಂದ ಬೆನ್ನಲ್ಲೇ ಈ ಮಸೂದೆಗೆ ಗ್ರೀನ್ ಸಿಗ್ನಲ್ ಕೂಡ ಸಿಕ್ಕಿರೋದು ಇಂಟರೆಸ್ಟಿಂಗ್.
-masthmagaa.com
Contact Us for Advertisement