masthmagaa.com:
ನಾಸಾದ ಸೈಂಟಿಫಿಕ್ ಮಿಷನ್ ಹಿನ್ನೆಲೆ ಕಳೆದ 6 ತಿಂಗಳಿನಿಂದ ಇಂಟರ್ನ್ಯಾಷನಲ್ ಸ್ಪೇಸ್ ಸ್ಟೇಷನ್ನಲ್ಲಿದ್ದ ನಾಲ್ವರು ಗಗನ ಯಾತ್ರಿಗಳು ಸೋಮವಾರ ರಾತ್ರಿ ಸೇಫಾಗಿ ಲ್ಯಾಂಡ್ ಆಗಿದ್ದಾರೆ. ಇವರಿದ್ದ ಸ್ಪೇಸ್ಎಕ್ಸ್ ಕ್ರೂ ಡ್ರಾಗನ್ ಕ್ಯಾಪ್ಸೂಲ್ ಅಮೆರಿಕದ ಫ್ಲೋರಿಡಾ ರಾಜ್ಯದ ಕರಾವಳಿಯಲ್ಲಿರೋ ಗಲ್ಫ್ ಆಫ್ ಮೆಕ್ಸಿಕೋದಲ್ಲಿ ಲ್ಯಾಂಡ್ ಆಗಿದೆ. ಪ್ಯಾರಚೂಟ್ ಮೂಲಕ ಲ್ಯಾಂಡ್ ಆಗಿದೆ. ಬಳಿಕ ಕ್ಯಾಪ್ಸೂಲ್ನಿಂದ ಒಬ್ಬೊಬ್ಬರಾಗೇ ಗಗನಯಾತ್ರಿಗಳನ್ನ ಹೊರತೆಗೆದು ಸ್ಟ್ರೆಚರ್ನಲ್ಲಿ ಮಲಗಿಸಿ ಕರೆದುಕೊಂಡು ಹೋಗಲಾಯ್ತು. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ ಭೂಮಿ ಮೇಲೆ ಲ್ಯಾಂಡ್ ಆಗುವವರಗಿನ ಜರ್ನಿ 8 ಗಂಟೆಯದ್ದಾಗಿತ್ತು. ಇದರಲ್ಲಿ ಒಂದೂವರೆ ಗಂಟೆ ಸ್ಪೇಸ್ ಸ್ಟೇಷನ್ ಸುತ್ತಲೂ ಲೂಪ್ ಮಾಡಿ ಅದರ ಫೋಟೋಗಳನ್ನ ತೆಗೆಯಲಾಗಿತ್ತು. ಅಂದ್ಹಾಗೆ ನಾಲ್ವರು ಗಗನಯಾತ್ರಿಗಳಲ್ಲಿ ಇಬ್ಬರು ಅಮೆರಿಕನ್ನರು, ಓರ್ವ ಫ್ರಾನ್ಸ್, ಮತ್ತೋರ್ವ ಜಪಾನ್ನವರು ಆಗಿದ್ದಾರೆ. ಇವರೆಲ್ಲಾ ಈ ವರ್ಷದ ಏಪ್ರಿಲ್ 24ರಂದು ಇಂಟರ್ನ್ಯಾಷನಲ್ ಸ್ಪೇಸ್ ಸ್ಟೇಷನ್ಗೆ ಹೋಗಿದ್ರು. ಅಲ್ಲಿ ನೂರಾರು ಎಕ್ಸ್ಪರಿಮೆಂಟ್ಗಳನ್ನ ಮಾಡಿದ್ದರು. ಮತ್ತು ಐಎಸ್ಎಸ್ನ ಸೋಲಾರ್ ಪ್ಯಾನಲ್ ಅನ್ನ ಅಪ್ಗ್ರೇಡ್ ಮಾಡಲು ಸಹಕರಿಸಿದ್ದರು ಅಂತ ನಾಸಾ ಹೇಳಿದೆ. ಇವರೆಲ್ಲಾ ಭಾನುವಾರವೇ ಲ್ಯಾಂಡ್ ಆಗಬೇಕಿತ್ತು. ಆದ್ರೆ ಹವಾಮಾನ ವೈಪರಿತ್ಯ ಹಿನ್ನೆಲೆ ಡಿಪಾರ್ಚರ್ ಅನ್ನ ಒಂದು ದಿನ ಮುಂದೂಡಲಾಗಿತ್ತು.
-masthmagaa.com
Contact Us for Advertisement