masthmagaa.com:
ಬಿಗ್‌ಬಾಸ್‌ ರಿಯಾಲಿಟಿ ಶೋದಲ್ಲಿ ಪಕ್ಷಪಾತ ಮಾಡ್ತಾರೆ ಅಂತ ಆಲಿಯಾ ಸಿದ್ದಿಕಿ ಆರೋಪ ಮಾಡಿದ್ದಾರೆ. ಕಳೆದ ವರ್ಷದಿಂದ ಬಿಗ್ ಬಾಸ್ OTT ಹಿಂದಿಯಲ್ಲಿ ಶುರುವಾಗಿತ್ತು. ಈಗ 2ನೇ ಸೀಸನ್‌ ಶುರುವಾಗಿದೆ. ಈ ಸೀಸನ್‌ನಲ್ಲೂ ಸಲ್ಮಾನ್ ಖಾನ್ ಕಾರ್ಯಕ್ರಮದ ನಿರೂಪಣೆ ಮಾಡ್ತಾ ಇದ್ದಾರೆ. ಸಲ್ಮಾನ್ ಖಾನ್ ಪಾರ್ಷಾಲಿಟಿ ಮಾಡ್ತಾರೆ ಅಂತ ನಟಿ ಆಲಿಯಾ ಸಿದ್ದಕಿ ಆರೋಪ ಮಾಡಿದ್ದಾರೆ.
ಬಾಲಿವುಡ್ನ ಖ್ಯಾತ ನಟ ನವಾಜುದ್ದೀನ್ ಸಿದ್ಧಿಕಿ ಅವರ ಪತ್ನಿಯೇ ಆಲಿಯಾ ಸಿದ್ಧಿಕಿ.
ಇವರಿಬ್ಬರ ನಡುವೆ ಜಗಳ, ಮನಸ್ತಾಪ ಇದೆ ಮತ್ತು ಸದ್ಯದಲ್ಲೇ ವಿಚ್ಛೇದನ ಪಡೆಯಲಿದ್ದಾರೆ. ತಮ್ಮ ನಿಜವಾದ ವ್ಯಕ್ತಿತ್ವ ಎಂಥದ್ದು ಅನ್ನೋದನ್ನ ಜನರಿಗೆ ತಿಳಿಸುವ ಸಲುವಾಗಿ ಆಲಿಯಾ ಸಿದ್ಧಿಕಿ ಅವರು ಬಿಗ್ ಬಾಸ್ಗೆ ಹೋಗಿದ್ದರು. ಆದರೆ ಎರಡನೇ ವಾರದಲ್ಲೇ ಅವರನ್ನು ಎಲಿಮಿನೇಟ್ ಮಾಡಲಾಯಿತು. ಇದು ಆಲಿಯಾಗೆ ಸಖತ್ ಬೇಜಾರಾಗಿದೆ.
ಆಲಿಯಾ ಸಿದ್ಧಿಕಿ ಅವರು ತಮ್ಮ ಜೀವನದ ಘಟನೆಗಳ ಬಗ್ಗೆ ‘ಬಿಗ್ ಬಾಸ್ ಒಟಿಟಿ’ ಶೋನಲ್ಲಿ ಮಾತನಾಡಲು ಆರಂಭಿಸಿದರು. ಆ ಮಾತುಕಥೆ ಮುಂದುವರಿದಿದ್ದರೆ ಹಲವು ಸತ್ಯಗಳು ಹೊರಬರುತ್ತಿದ್ದವು. ಅಷ್ಟರಲ್ಲಾಗಲೇ ಅವರನ್ನು ಎಲಿಮಿನೇಟ್ ಮಾಡಿ ಹೊರಗೆ ಕಳಿಸಲಾಗಿದೆ. ಇದರ ಹಿಂದೆ ಸಲ್ಮಾನ್ ಖಾನ್ ಅವರ ಪಕ್ಷಪಾತ ಇದೆ ಅನ್ನೋದು ಆಲಿಯಾ ಆರೋಪ. ‘ಸಲ್ಮಾನ್ ಖಾನ್ ಒಬ್ಬ ಸ್ಟಾರ್ ನಟನಾಗಿದ್ದು ತಮಗೆ ಆಪ್ತವಾಗಿರುವ ಸ್ಟಾರ್ಗಳನ್ನು ಅವರು ಬೆಂಬಲಿಸುತ್ತಾರೆ’ ಅಂತ ಆಲಿಯಾ ಹೇಳಿದ್ದಾರೆ.
-masthmagaa.com
Contact Us for Advertisement