masthmagaa.com:
ಅಮೆರಿಕ, ಯುರೋಪ್‌ ನಂತ್ರ ನೆಟ್‌ಫ್ಲಿಕ್ಸ್‌ ಈಗ ಭಾರತದಲ್ಲೂ ಪಾಸ್‌ವರ್ಡ್‌ ಶೇರ್‌ ಮಾಡೋದಕ್ಕೆ ಬ್ರೇಕ್‌ ಹಾಕಿದೆ. ಭಾರತ ಸೇರಿದಂತೆ ಇಂಡೋನೇಷ್ಯಾ, ಕ್ರೊವೇಷಿಯಾ, ಕೀನ್ಯಾದಲ್ಲಿ ಇವತ್ತಿನಿಂದ ಈ ಆಪ್ಷನ್‌ನ ತೆಗೆಯಲಾಗಿದೆ. ಪಾಸ್‌ವರ್ಡ್‌ಗಳನ್ನ ಶೇರ್‌ ಮಾಡಿಕೊಳ್ತಿರುವ ಬಳಕೆದಾರರಿಗೆ ಇಮೇಲ್‌ ಕಳಿಸಲಾಗುತ್ತೆ. ಅದರಲ್ಲಿ ಒಂದು ಅಕೌಂಟ್‌ ಕೇವಲ ಒಬ್ಬ ಬಳಕೆದಾರ ಹಾಗೂ ಅವನ ಮನೆಯವರಿಗೆ ಅಂದ್ರೆ ಮೊಬೈಲ್‌ ಹಾಗೂ ಮನೆಯ ಟಿವಿಯಲ್ಲಿ ನೆಟ್‌ಫ್ಲಿಕ್ಸ್‌ ಬಳಸೋಕೆ ಅವಕಾಶ ಇರಲಿದೆ ಅಂತ ಕಂಪನಿ ಹೇಳಿದೆ. ಅಂದ್ಹಾಗೆ ಸುಮಾರು 100ಕ್ಕೂ ಹೆಚ್ಚು ದೇಶಗಳಲ್ಲಿ ನೆಟ್‌ಫ್ಲಿಕ್ಸ್‌, ಪಾಸ್‌ವರ್ಡ್‌ ಶೇರಿಂಗ್‌ಗೆ ಬ್ರೇಕ್‌ ಹಾಕಿತ್ತು, ಆದ್ರೆ ಪಾಸ್‌ವರ್ಡ್‌ ಶೇರ್‌ ಮಾಡೋದಕ್ಕೆ ʻಎಕ್ಸ್‌ಟ್ರಾ ಮೆಂಬರ್‌ʼ ಅನ್ನೋ ಆಪ್ಷನ್‌ ನೀಡಿತ್ತು. ಅದಕ್ಕೆ ಸಪರೇಟ್‌ ಪೇ ಮಾಡಿದ್ರೆ ಪಾಸ್‌ವರ್ಡ್‌ ಶೇರ್‌ ಮಾಡ್ಬಹುದಿತ್ತು. ಆದ್ರೆ ಭಾರತದಲ್ಲಿ ಇತ್ತೀಚೆಗೆ ಸಬ್‌ಸ್ಕ್ರಿಪ್ಷನ್‌ ಫೀಯನ್ನ ಕಡಿಮೆ ಮಾಡಿದ್ರಿಂದ ಜೊತೆಗೆ ಭಾರತದ ಮಾರ್ಕೆಟ್‌ನಲ್ಲಿ ಇನ್ನು ವಿಸ್ತರಿಸೋಕೆ ಅವಕಾಶ ಇರೋದ್ರಿಂದ ಇಲ್ಲಿ ಆ ಆಪ್ಷನ್‌ನ ಕೊಟ್ಟಿಲ್ಲ. ಇತ್ತ ಬೇರೆ ದೇಶಗಳಲ್ಲಿ ಪಾಸ್‌ವರ್ಡ್‌ ಶೇರ್‌ ಮಾಡೋದನ್ನ ನಿಲ್ಲಿಸಿದ ಬಳಿಕ ಹೊಸದಾಗಿ 60 ಲಕ್ಷ ಬಳಕೆದಾರರು ಸಬ್‌ಸ್ಕ್ರೈಬ್‌ ಆಗಿದ್ದಾರೆ ಅಂತ ನೆಟ್‌ಫ್ಲಿಕ್ಸ್‌ ಹೇಳಿದೆ. ಈ ಮೂಲಕ ಇತ್ತೀಚಿನ ತ್ರೈಮಾಸಿಕದಲ್ಲಿ ಒಟ್ಟು ನೆಟ್‌ಫ್ಲಿಕ್ಸ್‌ ಬಳಕೆದಾರರ ಸಂಖ್ಯೆ 23.8 ಕೋಟಿಗೆ ಏರಿಕೆಯಾಗಿದ್ದು, 1.5 ಬಿಲಿಯನ್‌ ಡಾಲರ್‌ ಅಂದ್ರೆ ಸುಮಾರು 12.3 ಸಾವಿರ ಕೋಟಿ ರೂಪಾಯಿ ಲಾಭಗಳಿಸಿದೆ.
-masthmagaa.com
Contact Us for Advertisement