masthmagaa.com:
ದೆಹಲಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್, ನಿನ್ನೆ ಪ್ರಧಾನಿ ಮೋದಿ ಘೋಷಿಸಿದ್ದ 20 ಲಕ್ಷ ಕೋಟಿ ರೂಪಾಯಿ ಮೊತ್ತದ ಆರ್ಥಿಕ ಪ್ಯಾಕೇಜ್ನ ವಿವರ ನೀಡಿದ್ರು.
₹20 ಲಕ್ಷ ಕೋಟಿಯಲ್ಲಿ ಯಾರಿಗೆ ಎಷ್ಟು..?
– ಗರೀಬ್ ಕಲ್ಯಾಣ್ ಯೋಜನೆಯಲ್ಲಿ ಗುರುತಿಸಲ್ಪಟ್ಟ ಆಯ್ದ ಖಾಸಗಿ ಸಂಸ್ಥೆಗಳ ಇಪಿಎಫ್ಗೆ ಸಂಬಂಧಿಸಿದಂತೆ ಕಂಪನಿ ಹಾಗೂ ಉದ್ಯೋಗಿ ಇಬ್ಬರೂ ಕಟ್ಟುತ್ತಿದ್ದ ತಲಾ 12 ಪರ್ಸೆಂಟ್ ಪಾಲನ್ನು ಕೇಂದ್ರ ಸರ್ಕಾರ ಮತ್ತೆ ಮೂರು ತಿಂಗಳು ಕಟ್ಟಲಿದೆ. ಜೂನ್, ಜುಲೈ ಹಾಗೂ ಆಗಸ್ಟ್ವರೆಗೆ ಇದನ್ನ ವಿಸ್ತರಿಸಲಾಗಿದೆ. ಇದಕ್ಕಾಗಿ 2,500 ಕೋಟಿ ರೂಪಾಯಿ ಮೀಸಲು. 72.44 ಲಕ್ಷ ಉದ್ಯೋಗಿಗಳಿಗೆ ಲಾಭ.
– ಉಳಿದ ಖಾಸಗಿ ಕಂಪನಿಗಳಲ್ಲಿ ಎಂಪ್ಲಾಯರ್ಸ್ ಮತ್ತು ಎಂಪ್ಲಾಯೀಸ್ ಕಾಂಟ್ರಿಬ್ಯೂಷನ್ 12 ಪರ್ಸೆಂಟ್ನಿಂದ 10 ಪರ್ಸೆಂಟ್ಗೆ ಇಳಿಕೆ. ಇದರಿಂದಾಗಿ ಉದ್ಯೋಗಿಗಳ ತಿಂಗಳ ವೇತನದಲ್ಲಿ ಮುಂದಿನ ಮೂರು ತಿಂಗಳವರೆಗೆ ಅಲ್ಪ ಏರಿಕೆಯಾಗಲಿದೆ.
– ಬ್ಯಾಂಕೇತರ ಹಣಕಾಸು ಸಂಸ್ಥೆ ಹಾಗೂ ಕಿರು ಹಣಕಾಸಿನ ಸಂಸ್ಥೆಗಳಿಗೆ 30,000 ಕೋಟಿ ರೂಪಾಯಿ ಹಣಕಾಸಿನ ಲಭ್ಯತೆ.
– ವಿದ್ಯುತ್ ಉತ್ಪಾದನಾ ಹಾಗೂ ಪ್ರಸರಣ ಸಂಸ್ಥೆಗಳಿಗೆ 90,000 ಕೋಟಿ ರೂಪಾಯಿ ಹಣಕಾಸಿನ ಲಭ್ಯತೆ. ಇದರಿಂದ ಆಗುವ ಲಾಭವನ್ನ ಸಂಸ್ಥೆಗಳು ಗ್ರಾಹಕರಿಗೂ ತಲುಪುವಂತೆ ನೋಡಿಕೊಳ್ಳಬೇಕು.
– ರೈಲ್ವೆ, ಹೈವೆ, ರಸ್ತೆ ಸೇರಿದಂತೆ ಕೇಂದ್ರ ಸರ್ಕಾರಕ್ಕೆ ಕೆಲಸ ಮಾಡುವ ಕಾಂಟ್ರಾಕ್ಟರ್ಗಳಿಗೆ ಕೆಲಸ ಮುಗಿಸಲು 6 ತಿಂಗಳು ಹೆಚ್ಚುವರಿ ಕಾಲಾವಕಾಶ.
– ರಿಯಲ್ ಎಸ್ಟೇಟ್ ಕಂಪನಿಗಳು ರಿಜಿಸ್ಟರ್ ಮಾಡಿಕೊಂಡ ಪ್ರಾಜೆಕ್ಟ್ಗಳನ್ನ ಮುಗಿಸಲು 6 ತಿಂಗಳ ಕಾಲಾವಕಾಶ.
– ಟಿಡಿಎಸ್ ಮತ್ತು ಟಿಸಿಎಸ್ ಮೊತ್ತವನ್ನು ಶೇ. 25ರಷ್ಟು ಕಡಿತ ಮಾಡಲಾಗುವುದು. ಇದು ಮಾರ್ಚ್ 31, 2021ರವರೆಗೆ ಜಾರಿಯಲ್ಲಿರುತ್ತದೆ.
– ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಲು ಇದ್ದ ಕೊನೆಯ ದಿನಾಂಕವನ್ನ ನವೆಂಬರ್ 30ರವರೆಗೆ ವಿಸ್ತರಿಸಲಾಗಿದೆ.
– ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮಗಳಿಗೆ ಶೂರಿಟಿ ಇಲ್ಲದೆ 4 ವರ್ಷ ಅವಧಿಗೆ ಸಾಲ ಸೌಲಭ್ಯ. 100 ಕೋಟಿ ರೂಪಾಯಿವರೆಗೆ ವಹಿವಾಟು ನಡೆಸುವ 45 ಲಕ್ಷಕ್ಕೂ ಹೆಚ್ಚು ಉದ್ಯಮಗಳಿಗೆ ಲಾಭ. ಇದಕ್ಕಾಗಿ 3 ಲಕ್ಷ ಕೋಟಿ ರೂಪಾಯಿ ಮೀಸಲು.
– ಲಾಕ್ಡೌನ್ನಿಂದ ನಷ್ಟದಲ್ಲಿರುವ ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮಗಳಿಗೆ 20 ಸಾವಿರ ಕೋಟಿ ರೂಪಾಯಿ ಸಾಲ. 2 ಲಕ್ಷಕ್ಕೂ ಹೆಚ್ಚು ಉದ್ಯಮಗಳಿಗೆ ಲಾಭ.
– ಲಾಭದಲ್ಲಿ ನಡೆಯುತ್ತಿರುವ ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮಗಳು ತಮ್ಮ ಉದ್ಯಮವನ್ನು ವಿಸ್ತರಿಸಲು 50 ಸಾವಿರ ಕೋಟಿ ರೂಪಾಯಿ ಸಾಲ.
– ಅತಿ ಸಣ್ಣ ಉದ್ಯಮಗಳ ಬಂಡವಾಳ ಲಿಮಿಟ್ ಅನ್ನು ₹1 ಕೋಟಿಗೆ ಏರಿಸಲಾಗಿದೆ. ವಹಿವಾಟು 5 ಕೋಟಿವರೆಗೆ ಇದ್ದರೂ ಅವುಗಳನ್ನ ಅತಿಸಣ್ಣ, ಸಣ್ಣ ಮತ್ತು ಮಧ್ಯಮ ಉದ್ಯಮಗಳೆಂದೇ ಪರಿಗಣಿಸಲಾಗುತ್ತದೆ. ಸಣ್ಣ ಉದ್ಯಮಗಳ ಬಂಡವಾಳ ಲಿಮಿಟ್ 10 ಕೋಟಿ, ವಹಿವಾಟು 50 ಕೋಟಿ ಹಾಗೂ ಮಧ್ಯಮ ಗಾತ್ರದ ಉದ್ಯಮಗಳ ಬಂಡವಾಳ ಲಿಮಿಟ್ 20 ಕೋಟಿ, ವಹಿವಾಟು 100 ಕೋಟಿ ರೂಪಾಯಿವರೆಗೆ ಏರಿಸಲಾಗಿದೆ. ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮಗಳಲ್ಲಿ ಉತ್ಪಾದನಾ ಮತ್ತು ಸೇವಾ ಉದ್ಯಮಗಳು ಎರಡನ್ನೂ ಒಂದೇ ರೀತಿ ನೋಡಲಾಗುತ್ತದೆ.
– 200 ಕೋಟಿ ರೂಪಾಯಿವರೆಗಿನ ಸರ್ಕಾರಿ ಟೆಂಡರ್ಗಳಲ್ಲಿ ಕೇವಲ ದೇಶೀ ಕಂಪನಿಗಳಿಗೆ ಮಾತ್ರ ಅವಕಾಶ. 200 ಕೋಟಿಗೂ ಕಡಿಮೆ ಮೊತ್ತದ ಸರ್ಕಾರಿ ಟೆಂಡರ್ಗಳಲ್ಲಿ ಗ್ಲೋಬಲ್ ಟೆಂಡರ್ ರದ್ದು.
-masthmagaa.com
Contact Us for Advertisement