masthmagaa.com:
ಯೂರೋಪ್ನಲ್ಲಿ ಅಮೆರಿಕದ ಪರಮಾಣು ಶಸ್ತ್ರಾಸ್ತ್ರಗಳಿರೋ ಜಾಗಗಳ ಕುರಿತ ಮಾಹಿತಿ ಈಗ ಬಹಿರಂಗವಾಗಿದೆ. ಯೂರೋಪ್ನಲ್ಲಿರೋ ಅಮೆರಿಕ ಯೋಧರು ಈ ಶಸ್ತ್ರಾಸ್ತ್ರಗಳ ಲೊಕೇಷನ್ ಕುರಿತು ಮಾಹಿತಿ ಸಂಗ್ರಹಿಸಿಡಲು, ಆ ಜಾಗಗಳ ಗುರುತು ಬರೆದಿಡಲು ಆಪ್ಗಳನ್ನ ಬಳಸ್ತಾ ಇದ್ರು. ಆದ್ರೀಗ ಅದರಲ್ಲಿದ್ದ ಎಲ್ಲಾ ಮಾಹಿತಿ ಸಾರ್ವಜನಿಕವಾಗಿದೆ. ಇನ್ವೆಸ್ಟಿಗೇಟಿವ್ ವೆಬ್ಸೈಟ್ ಬೆಲಿಂಗ್ಟನ್ ಈ ವಿಚಾರವನ್ನು ಬಹಿರಂಗಪಡಿಸಿದೆ. ಯೋಧರು ಚೆಗ್ ಪ್ರೆಪ್, ಕ್ವಿಜ್ಲೆಟ್ ಮತ್ತು ಕ್ರಾಮ್ ಅನ್ನೋ ಆ್ಯಪ್ಗಳಲ್ಲಿ ಡಿಜಿಟಲ್ ಫ್ಲಾಶ್ಕಾರ್ಡ್ಗಳು ಮಾಡಿಟ್ಟುಕೊಂಡಿರೋದು ಗೊತ್ತಾಗಿದೆ. ಚೆಗ್ ಪ್ರೆಪ್ ಅನ್ನೋ ಆಪ್ ಒಂದ್ರಲ್ಲೇ ಸುಮಾರು 70 ಫ್ಲಾಶ್ಕಾರ್ಡ್ಗಳಿದ್ದು, ಅದಕ್ಕೆ ಸ್ಟಡಿ ಅಂತ ಹೆಸರು ಕೊಡಲಾಗಿದೆ. ಈ ದಾಖಲೆಗಳ ಪ್ರಕಾರ ಯೂರೋಪ್ನಲ್ಲಿ ಅಮೆರಿಕದ ಒಟ್ಟು 6 ಪರಮಾಣು ಶಸ್ತ್ರಾಸ್ತ್ರಗಳಿಗರೋ ಕೇಂದ್ರಗಳಿವೆ ಅಂತ ಆ ಫ್ಲಾಶ್ಕಾರ್ಡ್ಗಳಿಂದ ಗೊತ್ತಾಗಿದೆ. ಅದ್ರಲ್ಲಿ ಒಂದು ಕಾರ್ಡ್ನಲ್ಲಿ ವೋಲ್ಕಲ್ ಕೇಂದ್ರದಲ್ಲಿ ಎಷ್ಟು ಪರಮಾಣು ಬಾಂಬ್ಗಳಿವೆ ಅಂತ ಪ್ರಶ್ನಿಸಲಾಗುತ್ತೆ. ಅದಕ್ಕೆ 11 ಅಂತ ಉತ್ತರಿಸಲಾಗಿದ್ದು, ಅದರಲ್ಲಿ 6 ಹಾಟ್ ಮತ್ತು 5 ಕೋಲ್ಡ್ ಆಗಿವೆ ಅಂತ ಉಲ್ಲೇಖಿಸಲಾಗಿದೆ. ಅಂದಹಾಗೆ ವೋಲ್ಕೆಲ್ ನೆದರ್ಲ್ಯಾಂಡ್ನಲ್ಲಿ ಬರೋ ಒಂದು ಪ್ರದೇಶವಾಗಿದೆ. ಉಳಿದದಂತೆ ಕ್ರಾಮ್ನಲ್ಲಿ 80 ಫ್ಲಾಶ್ಕಾರ್ಡ್ಗಳಿದ್ದು, ಇಟಲಿಯ ಏವಿಯಾನೋ ಏರ್ಬೇಸ್ ಬಗ್ಗೆ ಮಾಹಿತಿ ನೀಡಿವೆ. ಉಳಿದ ಫ್ಲಾಶ್ಕಾರ್ಡ್ಗಳಲ್ಲಿ ಟರ್ಕಿ, ಬೆಲ್ಜಿಯಂ ಮತ್ತು ಜರ್ಮನಿಯಲ್ಲಿರೋ ಅಮೆರಿಕ ನೆಲೆಗಳ ರಹಸ್ಯಗಳನ್ನು ಕೂಡ ಈ ವರದಿ ಬಿಚ್ಚಿಟ್ಟಿದೆ.
-masthmagaa.com
Contact Us for Advertisement