masthmagaa.com:
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪಾಕಿಸ್ತಾನ ಮೂಲದ ಉಗ್ರನನ್ನ ಅರೆಸ್ಟ್ ಮಾಡಲಾಗಿದೆ. ಈತನ ಹೆಸರು ಮೊಹಮ್ಮದ್ ಅಶ್ರಫ್ ಅಂತ. ಈತ ಪಾಕಿಸ್ತಾನದ ಪಂಜಾಬ್ ಮೂಲದವನು. ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ಐ ಈತನನ್ನ ಬಾಂಗ್ಲಾದೇಶದಿಂದ ಭಾರತಕ್ಕೆ ಕಳಿಸಿದೆ. ಕಳೆದ 13 ವರ್ಷದಿಂದ ಭಾರತದಲ್ಲಿ ವಾಸವಿರೋ ಈತ ಸ್ಲೀಪರ್ ಸೆಲ್ ರೀತಿ ಇದ್ದ. ಡಾಕುಮೆಂಟ್ಸ್ಗಾಗಿ ಭಾರತ ಮೂಲದ ಮಹಿಳೆಯನ್ನ ಮದ್ವೆಯಾಗಿದ್ದ. ಬೇರೆ ಹೆಸರಿನಲ್ಲಿ ಫೇಕ್ ಐಡಿ ಕಾರ್ಡ್ಗಳನ್ನ ಹೊಂದಿದ್ದ. ಅದರಲ್ಲಿ ಆಧಾರ್ ಕಾರ್ಡ್, ಭಾರತದ ಪಾಸ್ಪೋರ್ಟ್ ಕೂಡ ಸೇರಿವೆ. ಥೈಲ್ಯಾಂಡ್, ಸೌದಿ ಅರೇಬಿಯಾಗೆಲ್ಲಾ ಹೋಗಿ ಬಂದಿದ್ದಾನೆ. ಈತನ ಬಳಿಯಿಂದ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನ ವಶಪಡಿಸಿಕೊಳ್ಳಲಾಗಿದೆ. ಹಬ್ಬಕ್ಕೂ ಮೊದಲು ಈತನನ್ನ ಅರೆಸ್ಟ್ ಮಾಡಿರೋದು ಒಳ್ಳೇದೇ ಆಯ್ತು. ಈ ಮೂಲಕ ದೊಡ್ಡ ಉಗ್ರ ಕೃತ್ಯವನ್ನ ನಾವು ತಪ್ಪಿಸಿದ್ದೀವಿ ಅಂತ ದೆಹಲಿ ಪೊಲೀಸರ ಸ್ಪೆಷಲ್ ಸೆಲ್ ಹೇಳಿದೆ. ವಿಚಾರಣೆ ವೇಳೆ ಜಮ್ಮು ಕಾಶ್ಮೀರ ಸೇರಿದಂತೆ ದೇಶದ ವಿವಿಧ ಭಾಗಗಳಲ್ಲಿ ಉಗ್ರ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾಗಿ ಹೇಳಿದ್ದಾನೆ. ಈತನಿಗೆ ಐಎಸ್ಐ ಟ್ರೈನಿಂಗ್ ನೀಡಿದೆ. ಈತನ ಇತರ ಸಹಚರರಿಗಾಗಿ ಹುಡುಕಾಟ ನಡೆಸಲಾಗ್ತಿದೆ. ಪಾಕಿಸ್ತಾನ ಮೂಲದ ಈ ಉಗ್ರನನ್ನ 14 ದಿನಗಳ ಕಾಲ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ.
-masthmagaa.com
Contact Us for Advertisement