masthmagaa.com:
ಭಾರತದಲ್ಲಿ ಕೊರೋನಾ ಸೋಂಕಿನಿಂದ ಮೃತಪಡುತ್ತಿರೋರ ಸಂಖ್ಯೆ ದಾಖಲೆ ಪ್ರಮಾಣದಲ್ಲಿ ಹೆಚ್ಚಾಗ್ತಿರುವಂತೆ ಅತ್ತ ಪಕ್ಕದ ಪಾಕಿಸ್ತಾನದಲ್ಲೂ ಸಾವಿನ ಸಂಖ್ಯೆ ದಾಖಲೆ ಬರೆದಿದೆ. ಮಂಗಳವಾರ ಪಾಕ್ನಲ್ಲಿ 201 ಸೋಂಕಿತರು ಮೃತಪಟ್ಟಿದ್ದಾರೆ. ಕೊರೋನಾ ಶುರುವಾದಾಗಿನಿಂದ ದೃಢಪಟ್ಟ ಅತಿಹೆಚ್ಚು ಸಾವು ಇದಾಗಿದೆ. ಈ ಹಿಂದಿನ ದಾಖಲೆ 157 ಇತ್ತು. ಈ ಮೂಲಕ ಪಾಕ್ನಲ್ಲಿ ಕೊರೋನಾದಿಂದ ಮೃತಪಟ್ಟವರ ಸಂಖ್ಯೆ 17,530ಕ್ಕೆ ಏರಿಕೆಯಾಗಿದೆ. ಪಾಕ್ನಲ್ಲಿ ನಿನ್ನೆ 5,600 ಕೇಸ್ ವರದಿಯಾಗಿದೆ.
ಹೀಗೆ ಭಾರತ, ಪಾಕಿಸ್ತಾನ ಸೇರಿ ಜಗತ್ತಿನ ಬಹುತೇಕ ದೇಶಗಳಲ್ಲಿ ಕೊರೋನಾದ 2ನೇ ಅಲೆ, 3ನೇ ಅಲೆ, 4ನೇ ಅಲೆ ಏಳ್ತಿದ್ರೆ ಕೊರೋನಾ ಮೊದಲು ಕಾಣಿಸಿಕೊಂಡ ಚೀನಾದಲ್ಲಿ ಕಳೆದ 24 ಗಂಟೇಲಿ ಕೇವಲ 12 ಹೊಸ ಕೇಸ್ ದೃಢಪಟ್ಟಿದೆ. ಎಲ್ಲವೂ ವಿದೇಶಿ ಪ್ರಯಾಣದ ಹಿನ್ನೆಲೆ ಹೊಂದಿದ್ದೇ ಆಗಿವೆ. ಅದ್ಬಿಟ್ರೆ ರೋಗ ಲಕ್ಷಣ ಇಲ್ಲದ 17 ಕೇಸ್ ವರದಿಯಾಗಿದೆ. ರೋಗ ಲಕ್ಷಣ ಇಲ್ಲದಿದ್ರೆ ಚೀನಾದಲ್ಲಿ ಅದನ್ನ ಪಾಸಿಟಿವ್ ಅಂತ ಪರಿಗಣಿಸಲ್ಲ.
-masthmagaa.com
Contact Us for Advertisement