masthmagaa.com:
ಐಟಿ ಇಲಾಖೆಗೆ ಇನ್ಫೋಸಿಸ್ ರೆಡಿ ಮಾಡಿಕೊಟ್ಟಿದ್ದ ಟ್ಯಾಕ್ಸ್ ಫೈಲಿಂಗ್ ವೆಬ್ಪೋರ್ಟಲ್ನಲ್ಲಿ ತೊಂದ್ರೆ ಕಾಣಿಸಿಕೊಂಡಿರೋದು ಇನ್ನೂ ಸರಿಯಾಗಿಲ್ಲ. ಇದೀಗ ಆರ್ಎಸ್ಎಸ್ ಜೊತೆ ಲಿಂಕ್ ಹೊಂದಿರೋ ಪತ್ರಿಕೆ ಪಂಚಜನ್ಯದಲ್ಲಿ ಈ ಬಗ್ಗೆ 4 ಪುಟಗಳ ಲೇಖನ ಪ್ರಕಟವಾಗಿದೆ. ಇದ್ರಲ್ಲಿ ವೆಬ್ಪೋರ್ಟಲ್ ಸಮಸ್ಯೆ ಹಿಂದೆ ದೇಶವಿರೋಧಿಗಳ ಕೈವಾಡ ಇರೋ ಸಾಧ್ಯತೆ ಇದೆ. ಈ ಮೂಲಕ ರಾಷ್ಟ್ರವಿರೋಧಿ ಹಿತಾಸಕ್ತಿಗಳು ದೇಶದ ಆರ್ಥಿಕ ಹಿತಾಸಕ್ತಿಯನ್ನು ಹಾಳು ಮಾಡೋಕೆ ಯತ್ನಿಸುತ್ತಿರಬಹುದಾ ಅಂತ ಪ್ರಶ್ನಿಸಲಾಗಿದೆ. ಆದ್ರೆ ಈ ಲೇಖನದಿಂದ ಆರ್ಎಸ್ಎಸ್ ಅಂತರ ಕಾಯ್ದುಕೊಂಡಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರೋ ಆರ್ಎಸ್ಎಸ್ ವಕ್ತಾರ ಸುನಿಲ್ ಅಂಬೇಕರ್, ದೇಶದ ಸಂಸ್ಥೆಯಾಗಿ ಇನ್ಫೋಸಿಸ್ ದೇಶದ ಅಭಿವೃದ್ಧಿಗೆ ಸಾಕಷ್ಟು ಮಾಡಿದೆ. ವೆಬ್ಪೋರ್ಟಲ್ ಸಂಬಂಧಿತ ಕೆಲವೊಂದು ವಿವಾದ ಇರಬಹುದು. ಆದ್ರೆ ಪಂಜಜನ್ಯದಲ್ಲಿ ಪ್ರಕಟವಾಗಿರೋ ಲೇಖನಕ್ಕೂ ನಮಗೂ ಸಂಬಂಧವಿಲ್ಲ. ಇದು ಆ ಲೇಖಕನ ಅಭಿಪ್ರಾಯ ಅಷ್ಟೆ.. ಪಂಚಜನ್ಯ ನಮ್ಮ ಮುಖವಾಣಿ ಅಲ್ಲ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement