masthmagaa.com:
ಇ-ರುಪಿ ಅನ್ನೋ ಹೊಸ ಡಿಜಿಟಲ್ ಪೇಮೆಂಟ್ ವ್ಯವಸ್ಥೆಯನ್ನ ಪ್ರಧಾನಿ ಮೋದಿ ಇವತ್ತು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಲಾಂಚ್ ಮಾಡಿದ್ದಾರೆ. ಇ-ರುಪಿ ಅನ್ನೋದು ಕೇಂದ್ರ ಸರ್ಕಾರದ ವಿವಿಧ ಯೋಜನೆಗಳ ಫಲಾನುಭವಿಗಳಿಗೆ ನೀಡುವ ಎಲೆಕ್ಟ್ರಾನಿಕ್ ಪ್ರಿ-ಪೇಯ್ಡ್ ವೋಚರ್ ಅಥವಾ ಕೂಪನ್. ಫಲಾನುಭವಿಗಳ ಬ್ಯಾಂಕ್ ಅಕೌಂಟ್ಗೆ ಹಣವನ್ನ ಹಾಕೋದ್ರ ಬದಲು ಅವರ ಮೊಬೈಲ್ ಸಂಖ್ಯೆಗೆ ಈ ವೋಚರ್ ಅನ್ನ ಕಳಿಸಲಾಗುತ್ತೆ. ಇದು ಕ್ಯೂಆರ್ ಕೋಡ್ ಅಥವಾ ಎಸ್ಎಂಎಸ್ ರೂಪದಲ್ಲಿರುತ್ತೆ. ಇದರ ದೊಡ್ಡ ಲಾಭ ಅಂದ್ರೆ ಈ ವೋಚರ್ ಅನ್ನ ರೆಡೀಮ್ ಮಾಡಿಕೊಳ್ಳಲು ಆನ್ಲೈನ್ ಬ್ಯಾಂಕಿಂಗ್ ಅಥವಾ ಇಂಟರ್ನೆಟ್ ಬ್ಯಾಂಕಿಂಗ್ ಆಗಲೀ, ಪೇಮೆಂಟ್ ಆ್ಯಪ್ಸ್ ಆಗಲೀ, ಕಾರ್ಡ್ ಆಗಲೀ ಬೇಕಾಗಿಲ್ಲ. ಬೇಸಿಕ್ ಸೆಟ್ ಅಥವಾ ಮೊಬೈಲ್ ಇದ್ದವರಿಗೂ ಈ ವೋಚರ್ ಅನ್ನ ಕಳಿಸಬಹುದು. ಈ ಕ್ಯೂಆರ್ ಕೋಡ್ ಅಥವಾ ಎಸ್ಎಂಎಸ್ ಅನ್ನ ತೋರಿಸಿ ಫಲಾನುಭವಿಗಳು ಬ್ಯಾಂಕ್ ಅಕೌಂಟ್ ಇಲ್ಲದಿದ್ದರೂ ಈಸಿಯಾಗಿ ಆರೋಗ್ಯ ಸೇವೆ, ಮಕ್ಕಳ ಕಲ್ಯಾಣ, ಔಷಧ, ರಸಗೊಬ್ಬರದ ಸಬ್ಸೀಡಿಗಳನ್ನ ಪಡೆಯಬಹುದು. ಈ ಇ-ರುಪಿ ವ್ಯವಸ್ಥೆ ಕ್ರಾಂತಿಯನ್ನೇ ಮಾಡುತ್ತೆ ಅಂತ ಪಿಎಂಒ ಹೇಳಿದೆ.
-masthmagaa.com
Contact Us for Advertisement