masthmagaa.com:
ರಕ್ಷಣಾ ಇಲಾಖೆ ಕಡೆಯಿಂದ ಆಯೋಜಿಸಲಾಗಿದ್ದ ವಿಜಯ ದಶಮಿ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿ ಮಾತನಾಡಿದ್ರು. ಈ ವೇಳೆ ದೇಶಕ್ಕೆ 7 ಸರ್ಕಾರಿ ಸ್ವಾಮ್ಯದ ರಕ್ಷಣಾ ಸಂಸ್ಥೆಗಳನ್ನು ಅರ್ಪಿಸಿದ್ದಾರೆ. 41 ಶಸ್ತ್ರಾಸ್ತ್ರ ಕಾರ್ಖಾನೆಗಳನ್ನು ಸೇರಿಸಿ ಈ ಸಂಸ್ಥೆಗಳನ್ನು ರಚಿಸಲಾಗಿದೆ. ಭಾರತವನ್ನು ತನ್ನದೇ ಬಲದಿಂದ ವಿಶ್ವದ ಶಕ್ತಿಶಾಲಿ ಮಿಲಿಟರಿ ದೇಶವನ್ನಾಗಿ ಮಾಡೋದು ಮುಂದಿರೋ ಗುರಿ ಅಂತ ಕೂಡ ಪ್ರಧಾನಿ ಮೋದಿ ಘೋಷಿಸಿದ್ರು. ರಕ್ಷಣಾ ಕ್ಷೇತ್ರದ ಸುಮಾರು 100 ಬಗೆಯ ಶಸ್ತ್ರಾಸ್ತ್ರಗಳನ್ನು ಇನ್ಮುಂದೆ ವಿದೇಶಗಳಿಂದ ಆಮದು ಮಾಡಿಕೊಳ್ಳಲ್ಲ.. ಬದಲಿಗೆ ಈ ಕಂಪನಿಗಳೇ ಉತ್ಪಾದಿಸಲಿವೆ. ಈಗಾಗಲೇ ಸರ್ಕಾರ 65 ಸಾವಿರ ಕೋಟಿ ರೂಪಾಯಿ ಮೊತ್ತದ ಶಸ್ತ್ರಾಸ್ತ್ರಗಳಿಗೆ ಆರ್ಡರ್ ನೀಡಿದೆ ಅಂತ ಕೂಡ ಪ್ರಧಾನಿ ಮೋದಿ ಹೇಳಿದ್ರು. ಸೂರತ್ನಲ್ಲಿ ನಡೆದ ಮತ್ತೊಂದು ಕಾರ್ಯಕ್ರಮದಲ್ಲಿ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮಾತನಾಡಿದ ಪ್ರಧಾನಿ ಮೋದಿ, ಕೊರೋನಾ ಬಳಿಕ ದೇಶದ ಆರ್ಥಿಕತೆ ವೇಗವಾಗಿ ಚೇತರಿಸಿಕೊಳ್ತಿದೆ ಅಂತ ಹೇಳಿದ್ಧಾರೆ.
-masthmagaa.com
Contact Us for Advertisement