masthmagaa.com:
ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಝೋಸ್, ಸ್ಪೇಸ್ಎಕ್ಸ್ ಸಂಸ್ಥಾಪಕ ಎಲಾನ್ ಮಸ್ಕ್, ವರ್ಜಿನ್ ಗ್ರೂಪ್ ಸಂಸ್ಥಾಪಕ ರಿಚರ್ಡ್ ಬ್ರಾನ್ಸನ್.. ಮೂವರು ಕೂಡ ಕುಬೇರರೇ.. ಇಂಥಾ ಆಗರ್ಭ ಶ್ರೀಮಂತರ ನಡುವೆ ಈಗ ಸ್ಪೇಸ್ ಶುರುವಾಗಿದೆ. ಜೆಫ್ ಬೆಝೋಸ್ ಅಂತೂ ತಮ್ಮ ತಮ್ಮನ ಜೊತೆ ಜುಲೈ 20ಕ್ಕೆ ಬಾಹ್ಯಾಕಾಶಕ್ಕೆ ಹಾರೋದಾಗಿ ಈಗಾಗಲೇ ಘೋಷಿಸಿಬಿಟ್ಟಿದ್ದಾರೆ. ತಾವೇ ಕಟ್ಟಿರೋ ಬ್ಲೂ ಆರಿಜಿನ್ ಕಂಪನಿಯ ಸ್ಪೇಸ್ಕ್ರಾಫ್ಟ್ ಏರಿ ಬಾಹ್ಯಾಕಾಶಕ್ಕೆ ಪ್ರಯಾಣ ಬೆಳೆಸಲಿದ್ದಾರೆ ಬೆಝೋಸ್. ಆದ್ರೆ ಬೆಝೋಸ್ಗಿಂತ ಮೊದಲೇ ತಾನು ಬಾಹ್ಯಾಕಾಶಕ್ಕೆ ಹೋಗೋದಾಗಿ ವರ್ಜಿನ್ ಗ್ರೂಪ್ನ ಸಂಸ್ಥಾಪಕ ರಿಚರ್ಡ್ ಬ್ರಾನ್ಸನ್ ಘೋಷಿಸಿದ್ದಾರೆ. ಜುಲೈ 11ಕ್ಕೆ ತಮ್ಮದೇ ವರ್ಜಿನ್ ಗ್ಯಾಲಾಕ್ಟಿಕ್ ಕಂಪನಿಯ ವಿಎಸ್ಎಸ್ ಯುನಿಟಿ ಸ್ಪೇಸ್ಪ್ಲೇನ್ನಲ್ಲಿ ರಿಚರ್ಡ್ ಬ್ರಾನ್ಸನ್ ಸ್ಪೇಸ್ ಟೂರ್ ಕೈಗೊಳ್ಳಲಿದ್ದಾರೆ. ಇವರ ಜೊತೆಗೆ ಮೂವರು ಮಿಷನ್ ಸ್ಪೆಷಲಿಸ್ಟ್ಸ್ ಮತ್ತು ಇಬ್ಬರು ಪೈಲಟ್ – ಒಟ್ಟು 6 ಜನ ಈ ಟ್ರಿಪ್ ಕೈಗೊಳ್ಳಲಿದ್ದಾರೆ. ಈ ಮೂಲಕ ಬಾಹ್ಯಾಕಾಶಕ್ಕೆ ಹೋದ ಮೊದಲ ಅಗರ್ಭ ಶ್ರೀಮಂತ ಎನಿಸಿಕೊಳ್ಳಲಿದ್ದಾರೆ ರಿಚರ್ಡ್ ಬ್ರಾನ್ಸನ್. ಜೊತೆಗೆ ಜೆಫ್ ಬೆಝೋಸ್ರ ಸ್ಪೇಸ್ ಟೂರಿಸಂ ವೆಂಚುರ್ ಆಗಿರೋ ಬ್ಲೂ ಆರಿಜಿನ್ಗೆ ರಿಚರ್ಡ್ ಬ್ರಾನ್ಸನ್ ಅವರ ವರ್ಜಿನ್ ಗ್ಯಾಲಾಕ್ಟಿಕ್ ಟಕ್ಕರ್ ಕೊಟ್ಟಂತಾಗಿದೆ. ಬಿಲೇನೇರ್ಗಳ ಈ ಸ್ಪೇಸ್ ರೇಸ್ನಿಂದ ಪ್ರೈವೆಟ್ ಕಮರ್ಷಿಯಲ್ ಸ್ಪೇಸ್ ಟ್ರಾವೆಲ್ನಲ್ಲಿ ಹೊಸ ಯುಗವೇ ಆರಂಭವಾಗಲಿದೆ. ಅಂದ್ಹಾಗೆ ಬ್ರಾನ್ಸನ್ ಅವರ ಜುಲೈ 11ರ ಮಿಷನ್ ವಿಎಸ್ಎಸ್ ಯುನಿಟಿಯ 22ನೇ ಟೆಸ್ಟ್ ಫ್ಲೈಟ್ ಮತ್ತು ಮನುಷ್ಯರನ್ನ ಕರ್ಕೊಂಡ್ ಹೋಗ್ತಿರೋ ನಾಲ್ಕನೇ ಸ್ಪೇಸ್ಕ್ರಾಫ್ಟ್ ಆಗಲಿದೆ ಅಂತ ವರ್ಜಿನ್ ಕಂಪನಿ ಹೇಳಿದೆ. ಇನ್ನು ಸ್ಪೇಸ್ಎಕ್ಸ್ ಕಂಪನಿಯ ಸಂಸ್ಥಾಪಕ ಎಲಾನ್ ಮಸಸ್ಕ್ಗೂ ಬಾಹ್ಯಾಕಾಶ ಟೂರ್ ಕೈಗೊಳ್ಳೋ ಆಸೆಯಿದ್ರೂ ಅದಕ್ಕಿನ್ನೂ ಡೇಟ್ ಫಿಕ್ಸ್ ಮಾಡಿಲ್ಲ.
-masthmagaa.com
Contact Us for Advertisement