masthmagaa.com:
ಯುಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಮಾಡ್ಬೋದು ಅನ್ನೋ ಆತಂಕ ಜಗತ್ತಿನಲ್ಲೆಡೆ ಸಾಕಷ್ಟು ಕೋಲಾಹಲ ಎಬ್ಬಿಸಿರೋ ನಡುವೆ ರಷ್ಯಾ ಕಡೆಯಿಂದ ಒಂದು ಗುಡ್ನ್ಯೂಸ್ ಬಂದಿದೆ. ಯುಕ್ರೇನ್ ಗಡಿ ಸಮೀಪ ರಷ್ಯಾ ನಿಯೋಜಿಸಿದ್ದ ಕೆಲವೊಂದು ಸೇನಾಪಡೆಗಳು ಬೇಸ್ಗೆ ವಾಪಸ್ ಬರ್ತಿವೆ ಅಂತ ರಷ್ಯಾ ಹೇಳಿದೆ. ದಕ್ಷಿಣ ಮತ್ತು ಪಶ್ಚಿಮದಲ್ಲಿ ನಿಯೋಜನೆಗೊಂಡಿದ್ದ ಯೂನಿಟ್ಗಳು ತಮ್ಮ ಟಾಸ್ಕ್ ಮುಗಿಸಿದ್ದು, ತಮ್ಮ ಲಗೇಜನ್ನ ರೈಲು ಮತ್ತು ವಾಹನಗಳಿಗೆ ತುಂಬುತ್ತಿದ್ದಾರೆ. ಇವತ್ತು ವಾಪಸ್ ಬರೋ ಪ್ರಕ್ರಿಯೆ ಶುರುವಾಗುತ್ತೆ ಅಂತ ರಷ್ಯಾ ಹೇಳಿದೆ. ಯುಕ್ರೇನ್ ಅನ್ನ ಮೂರು ಕಡೆಯಿಂದ ಸುತ್ತುವರಿದಿರೋ ರಷ್ಯಾ, ಇದೇ ಮೊದಲ ಬಾರಿಗೆ ತನ್ನ ಸೇನೆಯನ್ನ ಹಿಂದಕ್ಕೆ ಕರೆಸಿಕೊಳ್ತಿರೋದು ಮಹತ್ವ ಪಡೆದುಕೊಂಡಿದೆ. ಇದರ ಬೆನ್ನಲ್ಲೇ ನಿನ್ನೆ ಭಾರಿ ಕುಸಿತ ಕಂಡಿದ್ದ ಮಾರ್ಕೆಟ್ ಇವತ್ತು ಭಾರಿ ಏರಿಕೆ ಕಂಡಿದೆ. ಅಂದ್ಹಾಗೆ ರಷ್ಯಾ ಅಧ್ಯಕ್ಷ ಪುಟಿನ್ ಮತ್ತು ರಷ್ಯಾ ವಿದೇಶಾಂಗ ಸಚಿವ ಸೆರ್ಗೆ ಲಾವ್ರೋವ್ ನಡುವೆ ಸೋಮವಾರ ಮೀಟಿಂಗ್ ನಡೆದಿತ್ತು. ಈ ವೇಳೆ ಇಬ್ಬರು ನಾಯಕರ ಟೋನ್ ಸ್ವಲ್ಪ ಚೇಂಜ್ ಆದಂತೆ ಕಂಡಿತ್ತು. ಯುಕ್ರೇನ್ ವಿಚಾರವಾಗಿ ಪಾಶ್ಚಿಮಾತ್ಯ ದೇಶಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳಲು ಯಾವಾಗಲೂ ಅವಕಾಶ ಇತ್ತು. ಆ ಅವಕಾಶ ಮುಂದುವರಿಸೋ ಬಗ್ಗೆ ನಾನು ಸಲಹೆ ಕೊಡ್ತೀನಿ ಅಂತ ಸೆರ್ಗ ಲಾವ್ರೋವ್ ಹೇಳಿದ್ದರು. ಅದಕ್ಕೆ ಪುಟಿನ್, ಓಕೆ ಫೈನ್ ಎಂದಿದ್ದರು. ಸೋ ರಾಜತಾಂತ್ರಿಕ ಮಾರ್ಗಗಳ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳಲು ರಷ್ಯಾ ಮುಂದಾಗಿದ್ಯಾ ಅನ್ನೋ ಕುತೂಹಲ ಮೂಡಿತ್ತು. ಇದ ಬೆನ್ನಲ್ಲೇ ರಷ್ಯಾ ತನ್ನ ಕೆಲವೊಂದು ಸೇನಾ ಯೂನಿಟ್ಗಳನ್ನ ವಾಪಸ್ ಕರೆಸಿಕೊಳ್ತಿರೋದಾಗಿ ಘೋಷಿಸಿದೆ. ಆದ್ರೆ ಎಷ್ಟು ಪ್ರಮಾಣದಲ್ಲಿ ಸೇನೆ ಹಿಂದಕ್ಕೆ ಬರುತ್ತೆ ಅನ್ನೋದು ಇನ್ನೂ ಸ್ಪಷ್ಟವಾಗಿಲ್ಲ. ಹೀಗಾಗಿ ಯುದ್ಧದ ಕಾರ್ಮೋಡ ಇನ್ನೂ ಸರಿಯಾಗಿ ತಿಳಿಯಾಗಿಲ್ಲ.
– ಫೆಬ್ರವರಿ 16ರಂದು ಅಂದ್ರೆ ನಾಳೆ ರಷ್ಯಾ ಅಟ್ಯಾಕ್ ಮಾಡ್ಬೋದು ಅಂತ ಪಾಶ್ಚಿಮಾತ್ಯ ದೇಶಗಳ ಕೆಲ ಮಾಧ್ಯಮಗಳು ವರದಿ ಮಾಡಿವೆ. ಇದರ ಬೆನ್ನಲ್ಲೇ ಫೆಬ್ರವರಿ 16ಕ್ಕೆ ದೇಶದ ಜನ ಒಗ್ಗಟ್ಟು ಪ್ರದರ್ಶಿಸಬೇಕು ಅಂತ ಯುಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಕರೆ ಕೂಡ ಕೊಟ್ಟಿದ್ದಾರೆ. ದೇಶವನ್ನು ಉದ್ದೇಶಿಸಿ ಮಾತನಾಡಿದ ಝೆಲೆನ್ಸ್ಕಿ, ಫೆಬ್ರವರಿ 16ಕ್ಕೆ ಅಟ್ಯಾಕ್ ಮಾಡ್ಬೋದು ಅಂತ ಹೇಳಲಾಗ್ತಿದೆ. ನಾವು ಆ ದಿನವನ್ನ ಏಕತೆಯ ದಿನವನ್ನಾಗಿ ಮಾಡಬೇಕು. ಆ ದಿನದಂದು ಯುಕ್ರೇನ್ನ ಎಲ್ಲಾ ಗ್ರಾಮಗಳಲ್ಲಿ, ಪಟ್ಟಣಗಳಲ್ಲಿ ರಾಷ್ಟ್ರ ಧ್ವಜವನ್ನ ಹಾರಿಸಬೇಕು. ಬೆಳಗ್ಗೆ 10 ಗಂಟೆಗೆ ಇಡೀ ದೇಶದಲ್ಲಿ ರಾಷ್ಟ್ರಗೀತೆಯನ್ನ ಹಾಡಬೇಕು ಅಂತೆಲ್ಲಾ ಯುಕ್ರೇನ್ ಜನತೆಗೆ ಕರೆ ಕೊಟ್ಟಿದ್ದಾರೆ. ಅಲ್ಲದೆ ಯುದ್ಧದ ವಾತಾವರಣ ಇರೋದ್ರಿಂದ ಯೋಧರು ಮತ್ತು ಬಾರ್ಡರ್ ಗಾರ್ಡ್ಸ್ನ ವೇತನವನ್ನ ಹೆಚ್ಚಿಸುವಂತೆಯೂ ಆದೇಶಿಸಿದ್ದಾರೆ. ಹಾಗಂತ ಫೆಬ್ರವರಿ 16ಕ್ಕೇ ರಷ್ಯಾ ಅಟ್ಯಾಕ್ ಮಾಡುತ್ತೆ ಅಂತ ಝೆಲೆನ್ಸ್ಕಿ ಪ್ರಿಡಿಕ್ಟ್ ಮಾಡಿದ್ದಲ್ಲ, ಬದಲಾಗಿ ಕೆಲ ವಿದೇಶಿ ಮಾಧ್ಯಮಗಳ ವರದಿಗೆ ಪ್ರತಿಕ್ರಿಯಿಸಿದ್ದು ಅಂತ ಯುಕ್ರೇನ್ ಅಧಿಕಾರಿಗಳು ಸಮಜಾಯಿಷಿ ಕೊಡೋ ಪ್ರಯತ್ನ ಮಾಡಿದ್ದಾರೆ.
– ಕಳೆದ ಎರಡು ದಿನದಲ್ಲಿ ಯುಕ್ರೇನ್ ಸುತ್ತಮುತ್ತ ರಷ್ಯಾ ತನ್ನ ಸೇನಾ ಜಮಾವಣೆಯನ್ನ ಹೆಚ್ಚಿಸಿರೋದು ಹೊಸ ಉಪಗ್ರಹ ಚಿತ್ರಗಳಲ್ಲಿ ಗೊತ್ತಾಗಿದೆ. ಪ್ರಮುಖವಾಗಿ ಯುಕ್ರೇನ್ನ ದಕ್ಷಿಣದಲ್ಲಿರೋ ಕ್ರೈಮಿಯಾ, ಪೂರ್ವದಲ್ಲಿರೋ ಯುಕ್ರೇನ್-ರಷ್ಯಾ ಗಡಿ ಮತ್ತು ಉತ್ತರದ ಬೆಲಾರುಸ್ನಲ್ಲಿ ರಷ್ಯಾ ಮೊದಲಿಗಿಂತ ಹೆಚ್ಚಿನ ಸೇನೆಯನ್ನ ನಿಯೋಜಿಸಿದೆ. ದೊಡ್ಡ ಸೇನಾ ತುಕಡಿಗಳ ಆಗಮನ, ದಾಳಿ ಮಾಡುವಂಥಾ ಹೆಲಿಕಾಪ್ಟರ್ಗಳು, ಸ್ಫೋಟಕಗಳನ್ನ ಹಾಕಬಲ್ಲ ಫೈಟರ್ ಜೆಟ್ಗಳು ಸ್ಯಾಟಲೈಟ್ ಚಿತ್ರಗಳಲ್ಲಿ ಕಾಣಿಸ್ತಿವೆ. ಕೆಲವೊಂದು ಲೊಕೇಷನ್ಗಳಲ್ಲಿ ಹತ್ತು ದಿನದ ಹಿಂದೆ ಇದ್ದ ರಷ್ಯಾ ಸೇನೆ ಈಗ ಅಲ್ಲಿ ಇಲ್ಲದಿರೋದು ಕೂಡ ಗೊತ್ತಾಗುತ್ತೆ. ಹಾಗಿದ್ರೆ ಇಲ್ಲಿದ್ದೋರು ಎಲ್ಲೋದ್ರು, ಯುಕ್ರೇನ್ನ ಮತ್ತಷ್ಟು ಹತ್ತಿರಕ್ಕೆ ಹೋದ್ರಾ ಅನ್ನೋ ಅನುಮಾನ ಮೂಡಿದೆ.
– ಕಳೆದ ಎರಡು ದಿನದಲ್ಲಿ ಯುಕ್ರೇನ್ ಸುತ್ತಮುತ್ತ ರಷ್ಯಾ ತನ್ನ ಸೇನಾ ಜಮಾವಣೆಯನ್ನ ಹೆಚ್ಚಿಸಿರೋದು ಹೊಸ ಉಪಗ್ರಹ ಚಿತ್ರಗಳಲ್ಲಿ ಗೊತ್ತಾಗಿದೆ. ಪ್ರಮುಖವಾಗಿ ಯುಕ್ರೇನ್ನ ದಕ್ಷಿಣದಲ್ಲಿರೋ ಕ್ರೈಮಿಯಾ, ಪೂರ್ವದಲ್ಲಿರೋ ಯುಕ್ರೇನ್-ರಷ್ಯಾ ಗಡಿ ಮತ್ತು ಉತ್ತರದ ಬೆಲಾರುಸ್ನಲ್ಲಿ ರಷ್ಯಾ ಮೊದಲಿಗಿಂತ ಹೆಚ್ಚಿನ ಸೇನೆಯನ್ನ ನಿಯೋಜಿಸಿದೆ. ದೊಡ್ಡ ಸೇನಾ ತುಕಡಿಗಳ ಆಗಮನ, ದಾಳಿ ಮಾಡುವಂಥಾ ಹೆಲಿಕಾಪ್ಟರ್ಗಳು, ಸ್ಫೋಟಕಗಳನ್ನ ಹಾಕಬಲ್ಲ ಫೈಟರ್ ಜೆಟ್ಗಳು ಸ್ಯಾಟಲೈಟ್ ಚಿತ್ರಗಳಲ್ಲಿ ಕಾಣಿಸ್ತಿವೆ. ಕೆಲವೊಂದು ಲೊಕೇಷನ್ಗಳಲ್ಲಿ ಹತ್ತು ದಿನದ ಹಿಂದೆ ಇದ್ದ ರಷ್ಯಾ ಸೇನೆ ಈಗ ಅಲ್ಲಿ ಇಲ್ಲದಿರೋದು ಕೂಡ ಗೊತ್ತಾಗುತ್ತೆ. ಹಾಗಿದ್ರೆ ಇಲ್ಲಿದ್ದೋರು ಎಲ್ಲೋದ್ರು, ಯುಕ್ರೇನ್ನ ಮತ್ತಷ್ಟು ಹತ್ತಿರಕ್ಕೆ ಹೋದ್ರಾ ಅನ್ನೋ ಅನುಮಾನ ಮೂಡಿದೆ.
-masthmagaa.com
Contact Us for Advertisement