masthmagaa.com:
ಯುಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಹತ್ಯೆಗೆ ಕಿಯೆವ್ ತಲುಪಿರೋ ವ್ಯಾಗ್ನರ್ ಗ್ರೂಪ್ನ ಎಲ್ಲಾ ಪ್ರಯತ್ನಗಳು ವಿಫಲವಾಗ್ತಿದೆ. ಅದ್ರ ಬೆನ್ನಲ್ಲೇ ಈಗ ಮತ್ತೆ ಪುಟಿನ್ ಮತ್ತೊಮ್ಮೆ ಝೆಲೆನ್ಸ್ಕಿ ಹತ್ಯೆಗೆ ಪ್ರಯತ್ನಿಸುವಂತೆ ಖುದ್ದು ಆದೇಶ ನೀಡಿದ್ದಾರೆ ಅಂತ ಯುಕ್ರೇನ್ ಗುಪ್ತಚರ ಸಂಸ್ಥೆಗಳು ಮಾಹಿತಿ ನೀಡಿವೆ. ಈಗಾಗಲೇ ಈ ಗ್ರೂಪ್ನ ಸದಸ್ಯರು ಹಲವಾರು ಬಾರಿ ಝೆಲೆನ್ಸ್ಕಿ ಹತ್ಯೆಗೆ ಸಂಚು ರೂಪಿಸಿದ್ದು, ಅವರೆಲ್ಲರನ್ನೂ ಹೊಡೆದುರುಳಿಸಲಾಗಿದೆ. ಇನ್ನೂ ಕೂಡ ಈ ಗ್ರೂಪ್ನ ಹಲವು ಹಂತಕರು ಕಿಯೆವ್ನಲ್ಲಿದ್ದಾರೆ. ಅಂದಹಾಗೆ ಸುಮಾರು 400 ಮಂದಿ ಹಂತಕರನ್ನು ಯುಕ್ರೇನ್ಗೆ ಝೆಲೆನ್ಸ್ಕಿ ಸೇರಿದಂತೆ 24 ಮಂದಿ ಟಾಪ್ ನಾಯಕರ ಹತ್ಯೆಗೆ ಕಳುಹಿಸಲಾಗಿದೆ ಅಂತ ಈ ಹಿಂದೆ ವರದಿಯಾಗಿತ್ತು. ಆದ್ರೆ ಝೆಲೆನ್ಸ್ಕಿ ಹತ್ಯೆಯ ಪ್ರಯತ್ನವನ್ನು ರಷ್ಯಾದ ಫೆಡರಲ್ ಸೆಕ್ಯೂರಿಟಿ ಸರ್ವೀಸ್ನ ಯುದ್ಧ ಬಯಸದ ಕೆಲ ಅಧಿಕಾರಿಗಳೇ ವಿಫಲಗೊಳಿಸಿದ್ರು ಅಂತ ಕೂಡ ಯುಕ್ರೇನ್ ಹೇಳಿಕೊಂಡಿತ್ತು. ಈಗ ಮತ್ತೆ ಪುಟಿನ್ ಆದೇಶ ನೀಡಿರೋದ್ರಿಂದ ಹಂತಕರು ಯಾವ ರೀತಿ ಪ್ರಯತ್ನಿಸ್ತಾರೆ ಅನ್ನೋದನ್ನ ಕಾದು ನೋಡ್ಬೇಕು. ಅಂದಹಾಗೆ ಈ ವ್ಯಾಗ್ನರ್ ಗ್ರೂಪ್ ಹೈಲಿ ಟ್ರೈನ್ಡ್ ಫೈಟರ್ಗಳನ್ನು ಹೊಂದಿದ್ದು, ಪುಟಿನ್ರ ಪರ್ಸನಲ್ ಹಂತಕರ ಪಡೆ ಅಂತಲೇ ಕರೆಯಲಾಗುತ್ತೆ. ಇವರು ವಿಶ್ವದಾದ್ಯಂತ ಹಬ್ಬಿಕೊಂಡಿದ್ದು, ರಷ್ಯಾದ ಕೆಲವೊಂದು ಕೆಟ್ ಕೆಲಸಗಳನ್ನು ಪೂರ್ಣಗೊಳಿಸೋ ಕೆಲಸ ಮಾಡ್ತಿದ್ದಾರೆ.
-masthmagaa.com
Contact Us for Advertisement