masthmagaa.com:
ಬಲಿಷ್ಠ ರಷ್ಯಾ ಸೇನೆ ಮುಂದೆ ಯುಕ್ರೇನ್ ಸೇನೆ ಕೈ ಕಟ್ಟಿ ಕೂತಿಲ್ಲ. ತನ್ನಿಂದ ಎಷ್ಟು ಸಾಧ್ಯವೋ ಅಷ್ಟು ಹೋರಾಟ ಮಾಡ್ತಿದೆ. ರಷ್ಯಾ ಸೇನೆಗೆ ಎಷ್ಟಾಗುತ್ತೋ ಅಷ್ಟು ಡ್ಯಾಮೇಜ್ ಮಾಡೋ ಪ್ರಯತ್ನ ಮಾಡ್ತಿದೆ. ರಾಜಧಾನಿ ಕಿಯವ್ನಲ್ಲಿ ರಷ್ಯಾದ ಯುದ್ಧ ವಿಮಾನವೊಂದನ್ನ ಯುಕ್ರೇನ್ ಸೇನೆ ಹೊಡೆದುರುಳಿಸಿದೆ. ಬಳಿಕ ಆ ಯುದ್ಧ ವಿಮಾನ ಹೋಗಿ ಜನವಸತಿ ಕಟ್ಟಡಕ್ಕೆ ಅಪ್ಪಳಿಸಿ ಬೆಂಕಿ ಹೊತ್ತಿಕೊಂಡಿದೆ ವರದಿಯಾಗಿದೆ. ಮತ್ತೊಂದುಕಡೆ ಶುಕ್ರವಾರ ಬೆಳಗ್ಗೆ ನಾಗರಿಕರನ್ನ ಗುರಿಯಾಗಿಸಿ ದಾಳಿ ಮಾಡಿದ ಎದುರಾಳಿ ಕಡೆಯವರ ‘ಎರಡು ಡೆಡ್ಲಿ ಗಿಫ್ಟ್ಗಳನ್ನ’ ನಮ್ಮ ಏರ್ ಡಿಫೆನ್ಸ್ ಸಿಸ್ಟಮ್ಸ್ ಹಿಮ್ಮೆಟ್ಟಿಸಿದೆ ಅಂತ ಯುಕ್ರೇನ್ ಸೇನೆ ಹೇಳಿಕೊಂಡಿದೆ. ನಿನ್ನೆ ಯುಕ್ರೇನ್ ಆಗಸದಲ್ಲಿ ರಷ್ಯಾದ ಹೆಲಿಕಾಪ್ಟರ್ಗಳು ಹಾರಾಟ ನಡೆಸಿದ್ದು ನೋಡಿದ್ರೆ ಯುಕ್ರೇನ್ನ ಏರ್ ಡಿಫೆನ್ಸ್ ಸಿಸ್ಟಂ ಸಂಪೂರ್ಣ ವಿಫಲವಾಯ್ತಾ ಅನ್ನೋ ಅನುಮಾನ ಮೂಡಿತ್ತು. ಆದ್ರೀಗ ಯುಕ್ರೇನ್ನ ಏರ್ ಡಿಫೆನ್ಸ್ ಸಿಸ್ಟಂ ಚೆನ್ನಾಗಿ ಕೆಲಸ ಮಾಡಿದೆ ಅಂತ ಯುಕ್ರೇನ್ ಹೇಳಿದೆ. ಇದಲ್ಲದೆ ಕಿಯವ್ ನಗರದ ಹೊರವಲಯದಲ್ಲಿರೋ ಆಂಟನೋವ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನ ರಷ್ಯಾ ಸೇನೆ ನಿನ್ನೆ ತನ್ನ ಕಂಟ್ರೋಲ್ಗೆ ತೆಗೆದುಕೊಂಡಿತ್ತು. ಅದನ್ನೀಗ ಯುಕ್ರೇನ್ ಸೇನೆ ಮತ್ತೆ ತನ್ನ ನಿಯಂತ್ರಣಕ್ಕೆ ತೆಗೆದುಕೊಂಡಿದೆ ಅಂತ ವರದಿಯಾಗಿದೆ. ಅತ್ತ ಯುಕ್ರೇನ್ಗೆ ಸೇರಿದ ಕಪ್ಪು ಸಮುದ್ರದಲ್ಲಿದ್ದ ಝಿಮಿನಿಯಾ ದ್ವೀಪವನ್ನ ರಷ್ಯಾ ಸೇನೆ ವಶಪಡಿಸಿಕೊಂಡಿದೆ. ಈ ಸಂಘರ್ಷದ ನಡುವೆನೇ ರಷ್ಯಾದ AN-26 ಅನ್ನೋ ಮಿಲಿಟರಿ ಟ್ರಾನ್ಸ್ಪೋರ್ಟ್ ವಿಮಾನವೊಂದು ರಷ್ಯಾದಲ್ಲಿ ಪತನವಾಗಿದೆ. ಅದರಲ್ಲಿದ್ದ ಕ್ರೂ ಮೆಂಬರ್ಸ್ ಮೃತಪಟ್ಟಿದ್ದಾರೆ. ಇನ್ನು ಕಪ್ಪು ಸಮುದ್ರದಲ್ಲಿ ಸಂಚರಿಸುತ್ತಿದ್ದ ಕಾರ್ಗಿಲ್ ಇನ್ಕಾರ್ಪೊರೇಷನ್ ಕಂಪನಿಯ ಸರಕು ಸಾಗಣೆ ಹಡಗಿಗೂ ಸ್ಫೋಟಕ ಬಂದು ಅಪ್ಪಳಿಸಿದೆ ಅಂತ ಕಂಪನಿ ಹೇಳಿದೆ. ಆದ್ರೆ ದೊಡ್ಡ ಸಮಸ್ಯೆ ಏನೂ ಆಗಿಲ್ಲ. ಅದರಲ್ಲಿದ್ದ ಕ್ರೂ ಮೆಂಬರ್ಸ್ ಸೇಫಾಗಿದ್ದಾರೆ ಅಂತೇಳಿದೆ. ತನ್ನ ಮೇಲೆ ರಷ್ಯಾ ಆಕ್ರಮಣ ಮಾಡಿದ ಬೆನ್ನಲ್ಲೇ, ಯುಕ್ರೇನ್ ತನ್ನ ಬಂದುರುಗಳಿಂದ ಕಮರ್ಷಿಯಲ್ ಶಿಪ್ಪಿಂಗ್ ಅನ್ನ ನಿಲ್ಲಿಸಿದೆ. ಅಂದ್ರೆ ಯುಕ್ರೇನ್ ಬಂದರುಗಳು ಈಗ ವಾಣಿಜ್ಯ ವ್ಯವಹಾರಕ್ಕೆ ಬಂದ್ ಆಗಿದೆ. ಇದರಿಂದ ಧಾನ್ಯ ಮತ್ತು ಎಣ್ಣೆ ಬೀಜಗಳ ರಫ್ತಿನ ಮೇಲೆ ಪರಿಣಾಮ ಬೀರಲಿದೆ. ಅಂದ್ಹಾಗೆ ಯುಕ್ರೇನ್ ಮೆಕ್ಕೆಜೋಳದ ಪ್ರಮುಖ ರಫ್ತುದಾರ ದೇಶ. ಇಲ್ಲಿನ ಮೆಕ್ಕೆಜೋಳ ಹೆಚ್ಚಾಗಿ ಚೀನಾ ಮತ್ತು ಯುರೋಪಿಯನ್ ಯೂನಿಯನ್ಗೆ ಹೋಗುತ್ತೆ.
-masthmagaa.com
Contact Us for Advertisement