masthmagaa.com:
ಬಾಹ್ಯಾಕಾಶ ಕ್ಷೇತ್ರದಲ್ಲಿ ಅಮೆರಿಕಗಿಂತ ಒಂದು ಹೆಜ್ಜೆ ಮುಂದೆ ಇಡಲು ರಷ್ಯಾ ಮುಂದಾಗಿದೆ. ಅಮೆರಿಕಗಿಂತ ಮುನ್ನ ತಾನೇ ಬಾಹ್ಯಾಕಾಶಕ್ಕೆ ಹೋಗಿ ಸಿನಿಮಾ ಶೂಟಿಂಗ್ ಮಾಡಲು ಪ್ಲಾನ್ ಮಾಡಿದೆ. 37 ವರ್ಷದ ನಟಿ ಯುಲಿಯಾ ಪೆರೆಸಿಲ್ಡ್ ಮತ್ತು 38 ವರ್ಷದ ನಿರ್ದೇಶಕ ಕ್ಲಿಮ್ ಶಿಪೆಂಕೋ ಅವರನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲು ನಿರ್ಧರಿಸಿದೆ. ಸೋವಿಯತ್ ಒಕ್ಕೂಟದ ಸದಸ್ಯ ದೇಶವಾಗಿದ್ದ ಕಜಕಿಸ್ತಾನದಲ್ಲಿರೋ ಬೈಕಾನುರ್ ಕಾಸ್ಮೋಡ್ರೋಮ್ ಬಾಹ್ಯಾಕಾಶ ಕೇಂದ್ರದಿಂದ ಇವರಿಬ್ಬರನ್ನು ಹೊತ್ತ ರಾಕೆಟ್ ಬಾಹ್ಯಾಕಾಶಕ್ಕೆ ಹಾರಲಿದೆ. ಸೋಯೂಜ್ ಎಂಎಸ್-19 ಸ್ಪೇಸ್ಶಿಪ್ ಇವರನ್ನು ಹೊತ್ತೊಯ್ಯಲಿದ್ದು, ಖ್ಯಾತ ಗಗನಯಾತ್ರಿ ಅಂಟೋನ್ ಶ್ಕಾಪ್ಲೆರೋವ್ ಕೂಡ ಜೊತೆಗಿದ್ದಾರೆ. 12 ದಿನಗಳ ಮಿಷನ್ ಇದಾಗಿದ್ದು, ಇಂಟರ್ನ್ಯಾಷನಲ್ ಸ್ಪೇಸ್ ಸ್ಟೇಷನ್ನಲ್ಲಿ ದಿ ಚಾಲೆಂಜ್ ಅನ್ನೋ ಸಿನಿಮಾಗೆ ಕೆಲವೊಂದು ಸೀನ್ಗಳ ಶೂಟಿಂಗ್ ನಡೆಯಲಿದೆ. ಅಂದಹಾಗೆ ಅಮೆರಿಕ ಅಂದ್ರೆ ಹಾಲಿವುಡ್ ಕೂಡ ಈ ವರ್ಷದ ಆರಂಭದಲ್ಲಿ ಇದೇ ರೀತಿಯ ಯೋಜನೆಯೊಂದನ್ನು ಘೋಷಿಸಿತ್ತು. ನಾಸಾ ಮತ್ತು ಎಲಾನ್ ಮಸ್ಕ್ರ ಸ್ಪೇಸ್ ಎಕ್ಸ್ ಸಹಯೋಗದಲ್ಲಿ ಬಾಹ್ಯಾಕಾಶಕ್ಕೆ ಟಾಮ್ ಕ್ರೂಸ್ ಅವರನ್ನು ಕಳುಹಿಸಲು ನಿರ್ಧರಿಸಿತ್ತು. ಆದ್ರೆ ಅಮೆರಿಕಕ್ಕಿಂತ ಮುಂಚೆ ಈ ದಾಖಲೆಯನ್ನು ತನ್ನ ಹೆಸರಿಗೆ ಮಾಡಿಕೊಂಡಿದೆ ರಷ್ಯಾ.
-masthmagaa.com
Contact Us for Advertisement