masthmagaa.com:
ಕಿಮ್ ಜಾಂಗ್ ಉನ್ರ ಉತ್ತರ ಕೊರಿಯಾ ಮತ್ತು ದಕ್ಷಿಣ ಕೊರಿಯಾ ಪರಸ್ಪರ ಬದ್ಧ ವೈರಿಗಳು. ಒಬ್ರಿಗೆ ಕಂಡ್ರೆ ಮತ್ತೊಬ್ರಿಗೆ ಆಗಲ್ಲ. ಇದರ ಪರಿಣಾಮ ಎರಡು ದೇಶಗಳ ನಡುವೆ ಮಾತುಕತೆಯೇ ನಿಂತುಹೋಗಿದೆ. ಹೋದ್ವರ್ಷ ಅಂತೂ ಗಡಿಯಲ್ಲಿದ್ದ ಸಂಪರ್ಕ ಕಚೇರಿಯನ್ನೇ ಸ್ಫೋಟಿಸಿದ ಕಿಮ್ ಜಾಂಗ್ ಉನ್, ದಕ್ಷಿಣ ಕೊರಿಯಾ ಜೊತೆ ಮಾತನಾಡೋ ಯಾವ ಉದ್ದೇಶವೂ ಇಲ್ಲ ಅನ್ನೋ ಸಂದೇಶ ರವಾನಿಸಿದ್ರು. ಆದ್ರೀಗ ದಕ್ಷಿಣ ಕೊರಿಯಾದಿಂದ ಕಿಮ್ ಜಾಂಗ್ ಉನ್ಗೆ ಒಂದು ಲೆಟರ್ ಹೋಗಿದೆ ಅಂತ ದಕ್ಷಿಣ ಕೊರಿಯಾದ ಮಾಧ್ಯಮವೊಂದು ವರದಿ ಮಾಡಿದೆ. ಈ ಲೆಟರ್ ಅನ್ನ ದಕ್ಷಿಣ ಕೊರಿಯಾ ಅಧ್ಯಕ್ಷ ಮೂನ್ ಜೇ ಇನ್ ಅವರು ಕಿಮ್ ಜಾಂಗ್ ಉನ್ಗೆ ಬರೆದಿದ್ದಾರೆ. ಪತ್ರದಲ್ಲಿ, ಸಾಧ್ಯವಾದ್ರೆ ಮಾತುಕತೆಗೆ ಬರುವಂತೆ ಕಿಮ್ಗೆ ಆಹ್ವಾನಿಸಲಾಗಿದೆ. ಮಾತುಕತೆ ಆನ್ಲೈನ್ ಮೂಲಕ ನಡೆದ್ರೂ ಸಮಸ್ಯೆ ಇಲ್ಲ ಅಂತಾನೂ ಉಲ್ಲೇಖಿಸಲಾಗಿದೆಯಂತೆ. ಅಂದ್ಹಾಗೆ ಮೇ ತಿಂಗಳಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮತ್ತು ಮೂನ್ ಜೇ ಇನ್ ಭೇಟಿಯಾಗಿದ್ದರು. ಆ ಟೈಮಲ್ಲೇ ಈ ಪತ್ರವನ್ನ ಕಿಮ್ ಜಾಂಗ್ಗೆ ಕಳಿಸಲಾಗಿದೆ. ಅಂದ್ಹಾಗೆ ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಕೂಡ ಈ ವರ್ಷದ ಜನವರಿಯಲ್ಲಿ ಕೊರೋನಾವೈರಸ್ ಪ್ಯಾಂಡೆಮಿಕ್ ಕುರಿತು ದಕ್ಷಿಣ ಕೊರಿಯಾ ಜೊತೆ ಮಾತುಕತೆ ನಡೆಸೋ ಬಗ್ಗೆ ಬಹಿರಂಗವಾಗಿ ಹೇಳಿದ್ದರು ಅಂತ ವರದಿಯಾಗಿದೆ. ಆದ್ರೆ ಮೂನ್ ಜೇ ಇನ್ ಮತ್ತು ಅವರ ಸರ್ಕಾರವನ್ನ ಸದಾ ಟೀಕಿಸುವ, ಅಪಹಾಸ್ಯ ಮಾಡೋ ಕಿಮ್ ಜಾಂಗ್ ಉನ್ ಮಾತುಕತೆ ನಡೆಸ್ತಾರಾ ಅನ್ನೋದನ್ನ ಕಾದು ನೋಡ್ಬೇಕು.
-masthmagaa.com
Contact Us for Advertisement