masthmagaa.com:
ಅಫ್ಘಾನಿಸ್ತಾನದಲ್ಲಿ ಅಮೆರಿಕ ಬಿಟ್ಟು ಹೋಗಿರೋ ಯುದ್ಧ ವಾಹನಗಳನ್ನು ತಾಲಿಬಾನಿಗಳು ಇರಾನ್ಗೆ ನೀಡಿದ್ದಾರೆ ಅಂತ ವರದಿಯಾಗಿದೆ. ಈ ಯುದ್ಧ ವಾಹನಗಳು ಟೆಹ್ರಾನ್ನಲ್ಲಿ ಕಾಣಿಸಿಕೊಂಡಿದೆ. ಅಲ್ಲಿನ ಸೋಷಿಯಲ್ ಮೀಡಿಯಾ ಚಾನಲ್ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದು, ಇದ್ರಲ್ಲಿ ಅಮೆರಿಕ ಸೇನೆಯ ಯುದ್ಧ ವಾಹನಗಳನ್ನು ಕಾಣಬಹುದಾಗಿದೆ. ಇದು ಅಮೆರಿಕಕ್ಕೆ ಮತ್ತೊಂದು ಹೊಡೆತವಾಗಿದೆ. ಈ ವಾಹನಗಳನ್ನು ಕೆಲವೊಂದು ತಾಂತ್ರಿಕ ಮಾಹಿತಿ ಹೊರತೆಗೆಯಲು ಬಳಸಿದ್ರೆ ಅಥವಾ ಇರಾಕ್ನಲ್ಲಿ ಅಮೆರಿಕ ಯೋಧರ ಸೋಗಿನಲ್ಲಿ ಓಡಾಡಲು ಅವಕಾಶ ಮಾಡಿಕೊಡಬಹುದು ಅಂತ ತಜ್ಞರು ಎಚ್ಚರಿಸಿದ್ದಾರೆ. ಅಲ್ಲದೆ ಅಮೆರಿಕದ ಗುಪ್ತಚರ ಸಂಸ್ಥೆಗೆ ಈ ಬಗ್ಗೆ ಮೊದಲೇ ಗೊತ್ತಿರಲಿಲ್ವಾ..? ಹೀಗೆಲ್ಲಾ ಆಗೋದಿಲ್ಲ ಅಂತ ತಪ್ಪಾಗಿ ಭಾವಿಸಿದ್ದು ಯಾರು ಅಂತ ಸವಾಲುಗಳು ಎದುರಾಗಿವೆ. ಅಂದಹಾಗೆ ಅಫ್ಘಾನಿಸ್ತಾನ ಸೇನೆಗೆ ಈ ಹಿಂದೆ ಅಮೆರಿಕ ಸುಮಾರು 70 ಸಾವಿರದಷ್ಟು ಯುದ್ಧ ವಾಹನಗಳನ್ನು ನೀಡಿತ್ತು. ಇವುಗಳಲ್ಲಿ ಹಮ್ವೀಸ್ ಅಮೆರಿಕ ಸೇನೆಯ ಬೆನ್ನೆಲುಬು ಅಂತಲೇ ಹೇಳಬಹುದು. ಜೊತೆಗೆ ಆರ್ಮೋರ್ಡ್ ವೆಹಿಕಲ್ಗಳು ನೆಲದ ಮೇಲೆ ನಡೆಯೋ ದಾಳಿಗಳಿಂದ ಯೋಧರಿಗೆ ರಕ್ಷಣೆಯನ್ನು ನೀಡುತ್ತಿತ್ತು. ಆದ್ರೆ ತಾಲಿಬಾನ್ ಟೇಕೋವರ್ ವೇಳೆ ಇವರೆಲ್ಲವೂ ಅವರ ಪಾಲಾಗಿತ್ತು. ಇವುಗಳ ದೊಡ್ಡ ಪರೇಡ್ ಕೂಡ ನಡೆಸಿದ್ರು ತಾಲಿಬಾನಿಗಳು.
-masthmagaa.com
Contact Us for Advertisement