masthmagaa.com:
ಶ್ರೀಲಂಕಾ ಚೀನಾ ಜೊತೆಗೆ ಮತ್ತೊಂದು ಲೋನ್ ಅಗ್ರಿಮೆಂಟ್ಗೆ ಸಹಿ ಹಾಕಿದೆ. 30 ಕೋಟಿ ಡಾಲರ್ ಅಂದ್ರೆ 2,220 ಕೋಟಿ ರೂಪಾಯಿ ಮೊತ್ತದ ಸಾಲದ ಒಪ್ಪಂದ ಇದಾಗಿದೆ. ಚೀನಾ ಡೆವಲಪ್ಮೆಂಟ್ ಬ್ಯಾಂಕ್, ಶ್ರೀಲಂಕಾ ಸರ್ಕಾರದ ನಡುವೆ ಈ ಒಪ್ಪಂದ ಏರ್ಪಟ್ಟಿದೆ. ಕೊರೋನಾ ಪರಿಹಾರ, ಆರ್ಥಿಕ ಪುನರುಜ್ಜೀವನ ಮತ್ತು ಆರ್ಥಿಕ ಸ್ಥಿರತೆಗಾಗಿ ಈ ಸಾಲ ನೀಡ್ತಿರೋದಾಗಿ ಚೀನಾ ರಾಯಭಾರಿ ಕಚೇರಿ ಮಾಹಿತಿ ನೀಡಿದೆ. ಈ ಹಿಂದೆ ಇದೇ ಚೀನಾದಿಂದ ಶ್ರೀಲಂಕಾ ಸರ್ಕಾರ 2020ರ ಮಾರ್ಚ್ನಲ್ಲಿ 50 ಕೋಟಿ ಮತ್ತು 2021ರ ಏಪ್ರಿಲ್ನಲ್ಲಿ 50 ಕೋಟಿ ಡಾಲರ್ ಸಾಲ ಪಡೆದಿತ್ತು. ಇದ್ರ ನಡುವೆಯೇ ಸಾಲ ಕೊಟ್ಟು ಕೊಟ್ಟು ಶ್ರೀಲಂಕಾವನ್ನು ಮುಳುಗಿಸೋಕೆ ಚೀನಾ ಪ್ರಯತ್ನಿಸ್ತಿದೆ ಅನ್ನೋ ಆರೋಪಗಳು ಕೇಳಿ ಬರ್ತಿವೆ. ಆದ್ರೆ ಇದನ್ನು ಶ್ರೀಲಂಕಾ ಸರ್ಕಾರ ತಳ್ಳಿಹಾಕಿದೆ.
-masthmagaa.com
Contact Us for Advertisement