masthmagaa.com:
ಶ್ರೀಲಂಕಾದಲ್ಲಿ ಆಸ್ಟ್ರಾಝೆನೆಕಾ ಲಸಿಕೆ ಪಡೆದವರ ಪೈಕಿ 6 ಜನರಲ್ಲಿ ಅಪರೂಪದ ರಕ್ತ ಹೆಪ್ಪುಗಟ್ಟುವಿಕೆಯಂತಹ ಅಡ್ಡಪರಿಣಾಮ ಕಾಣಿಸಿಕೊಂಡಿತ್ತು ಅಂತ ಶ್ರೀಲಂಕಾದ ಆರೋಗ್ಯ ಸಚಿವರು ಅಲ್ಲಿನ ಸಂಸತ್ಗೆ ಮಾಹಿತಿ ನೀಡಿದ್ದಾರೆ. ಆ 6 ಜನರಲ್ಲಿ ಮೂವರು ಮೃತಪಟ್ಟಿದ್ದಾರೆ ಅಂತಾನೂ ಹೇಳಿದ್ದಾರೆ. ಶ್ರೀಲಂಕಾದಲ್ಲಿ ನೀಡ್ತಿರೋದು ಭಾರತದಲ್ಲಿ ಉತ್ಪಾದನೆಯಾಗ್ತಿರೋ ಕೋವಿಶೀಲ್ಡ್ ಲಸಿಕೆಯನ್ನ. ಈಗಾಗಲೇ ಈ ಲಸಿಕೆಯ ಮೊದಲ ಡೋಸ್ ಅನ್ನ ಶ್ರೀಲಂಕಾದಲ್ಲಿ ಸುಮಾರು 10 ಲಕ್ಷ ಜನರಿಗೆ ಕೊಡಲಾಗಿದೆ. ರಕ್ತ ಹೆಪ್ಪುಗಟ್ಟುವಿಕೆಯ ಅಡ್ಡಪರಿಣಾಮ ಕಾಣಿಸಿಕೊಂಡರೂ ಶ್ರೀಲಂಕಾದಲ್ಲಿ ಲಸಿಕೆ ಅಭಿಯಾನವನ್ನ ಸ್ಥಗಿತಗೊಳಿಸುವ ಬಗ್ಗೆ ಅಲ್ಲಿನ ಸರ್ಕಾರ ಇದುವರೆಗೆ ಯಾವುದೇ ಘೋಷಣೆ ಮಾಡಿಲ್ಲ.
-masthmagaa.com
Contact Us for Advertisement