masthmagaa.com:
ತೈವಾನ್ನಲ್ಲಿ ಭೀಕರ ರೈಲು ದುರಂತ ನಡೆದಿದ್ದು ಕನಿಷ್ಠ 36 ಜನ ಮೃತಪಟ್ಟಿದ್ದಾರೆ. ಸುಮಾರು 70 ಜನ ಇನ್ನೂ ಅವಶೇಷಗಳ ಮಧ್ಯೆ ಸಿಲುಕಿದ್ದಾರೆ ಅಂತ ಶಂಕಿಸಲಾಗಿದೆ. ಅಂದ್ಹಾಗೆ ತೈವಾನ್ ರಾಜಧಾನಿ ತೈಪೆಯಿಂದ ಸುಮಾರು 350 ಪ್ರಯಾಣಿಕರನ್ನ ಹೊತ್ತ ರೈಲು ಟೈಟುಂಗ್ಗೆ ಹೊರಟಿತ್ತು. ರೈಲು ತುಂಬಾ ರಷ್ ಆಗಿದ್ದರಿಂದ ಹಲವರು ರೈಲಿಗೆ ಹತ್ತಲಿಲ್ಲ ಅಂತಾನೂ ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಆದ್ರೆ ಹೌಲಿನ್ ಎಂಬಲ್ಲಿ ಈ ರೈಲು ಹಳಿ ತಪ್ಪಿದ ಪರಿಣಾಮ ದುರಂತ ಸಂಭವಿಸಿದೆ. ಟ್ರಕ್ವೊಂದನ್ನ ಹಳಿ ಮೇಲೆ ನಿಲ್ಲಿಸಿದ್ದೇ ಘಟನೆಗೆ ಕಾರಣ ಅಂತ ಹೇಳಲಾಗ್ತಿದೆ. ಮೊದಲು ಟ್ರಕ್ಗೆ ಡಿಕ್ಕಿ ಹೊಡೆದ ರೈಲು ಬಳಿಕ ಹಳಿ ತಪ್ಪಿ ಸುರಂಗದ ಒಳಗೆ ಹೋಗಿದೆ. ರೈಲಿನ ಹಲವು ಬೋಗಿಗಳು ಸುರಂಗದ ಒಳಗೆ ಹೋಗಿ ನಜ್ಜುಗುಜ್ಜಾಗಿವೆ. ಹೀಗಾಗಿ ಸುರಂಗದ ಒಳಗೆ ಸಿಲುಕಿಕೊಂಡಿರೋರನ್ನ ರಕ್ಷಿಸಲು ಸಾಕಷ್ಟು ಸಮಸ್ಯೆ ಆಗ್ತಿದೆ. ರೈಲಿನ ಪಕ್ಕದಲ್ಲಿ ಟ್ರಕ್ನ ಅವಶೇಷಗಳು ಇರೋದು ಫೋಟೋಗಳಲ್ಲಿ ನೋಡಬಹುದು. ತೈವಾನ್ನಲ್ಲಿ ಕಳೆದ 4 ದಶಕಗಳಲ್ಲಿ ಸಂಭವಿಸಿದ ಅತಿ ದೊಡ್ಡ ರೈಲು ದುರಂತ ಇದಾಗಿದೆ.
-masthmagaa.com
Contact Us for Advertisement