masthmagaa.com:
ಅಮೆರಿಕ ಬೆಂಬಲಿತ ಸರ್ಕಾರ ಇದ್ದಾಗ ಸ್ವಲ್ಪ ಮಾರ್ಡರ್ನ್ ಶೈಲಿಯತ್ತ ಹೊರಳಿದ್ದ ಅಫ್ಘಾನಿಸ್ತಾನ ಈಗ ಮತ್ತೆ ತಾಲಿಬಾನಿಗಳ ಕಟ್ಟುಪಾಡುಗಳಿಂದ ಬಂಧಿಯಾಗ್ತಿದೆ. ಇಲ್ಲಿ ಮಹಿಳೆಯರಿಗೆ ದಿನಕ್ಕೊಂದು ಕಟ್ಟುಪಾಡುಗಳನ್ನು ಹೇರಲಾಗ್ತಿದೆ. ಇದೀಗ ಉಜ್ಬೇಕಿಸ್ತಾನದ ಗಡಿಗೆ ಅಂಟಿಕೊಂಡಿರೋ ಬಾಲ್ಕ್ ಪ್ರಾಂತ್ಯದಲ್ಲಿ ಮಹಿಳೆಯರ ಜನರಲ್ ಬಾತ್ರೂಂಗಳನ್ನು ಬಂದ್ ಮಾಡಲು ಆದೇಶಿಸಲಾಗಿದೆ. ಸ್ನಾನ ಮಾಡುವಾಗ ಹಿಜಬ್ ಧರಿಸಲು ಸಾಧ್ಯವಾಗೋದಿಲ್ಲ. ಹೀಗಾಗಿ ಮಹಿಳೆಯರು ತಮ್ಮ ಖಾಸಗಿ ಬಾತ್ರೂಂಗಳಲ್ಲಿ ಮಾತ್ರವೇ ಸ್ನಾನ ಮಾಡ್ಬೇಕು. ಪುರುಷರು ಮಾತ್ರ ಜನರಲ್ ಬಾತ್ರೂಂಗಳನ್ನು ಕೂಡ ಬಳಸಬಹುದು ಅಂತ ಆದೇಶಿಸಲಾಗಿದೆ. ಧಾರ್ಮಿಕ ನಾಯಕರು ಮತ್ತು ಪ್ರಾಂತ್ಯದ ಆಡಳಿತಾಧಿಕಾರಿಗಳು ಸೇರಿಕೊಂಡು ಈ ನಿರ್ಧಾರ ತಗೊಂಡಿದ್ದಾರೆ. ಸಣ್ಣ ಸಣ್ಣ ಹುಡುಗರು ಕೂಡ ಜನರಲ್ ಬಾತ್ರೂಂಗೆ ಹೋಗಂಗಿಲ್ಲ.. ಬಾಡಿ ಮಸಾಜ್ ಕೂಡ ಮಾಡುವಂತಿಲ್ಲ ಅಂತ ಕೂಡ ಆದೇಶಿಸಲಾಗಿದೆ. ಇತ್ತೀಚೆಗೆ ಹೇರತ್ ಪ್ರಾಂತ್ಯದಲ್ಲೂ ಜನರಲ್ ಬಾತ್ರೂಮನ್ನು ಮಹಿಳೆಯರಿಗೆ ಮುಚ್ಚಲಾಗಿತ್ತು.
-masthmagaa.com
Contact Us for Advertisement