masthmaga.com:
ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಮತ್ತೊಂದು ಪದಕ ಗೆಲ್ಲೋ ಸನಿಹದಲ್ಲಿದೆ ಭಾರತ. ಭಾರತದ ಮಹಿಳಾ ಬಾಕ್ಸರ್ ಲೊವ್ಲಿನಾ ಬೋರ್ಗಾಹೈನ್ ಜರ್ಮನಿಯ ಬಾಕ್ಸರ್ ವಿರುದ್ಧ ಗೆಲುವು ಸಾಧಿಸಿ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ್ದಾರೆ. 64ರಿಂದ 69 ಕೆಜಿಯ ವೆಲ್ಟರ್ವೇಟ್ ವಿಭಾಗದಲ್ಲಿ ನಡೆದ ಪಂದ್ಯ ಇದಾಗಿತ್ತು. ಅಸ್ಸಾಂ ಮೂಲದ 23 ವರ್ಷದ ಬಾಕ್ಸರ್ ಆಗಿರೋ ಲೋವ್ಲಿನಾ ಬೋರ್ಗಾಹೈನ್ ಮತ್ತು ತೈವಾನ್ ಮೂಲದ ಬಾಕ್ಸರ್ ನಡುವೆ ಜುಲೈ 30ಕ್ಕೆ ಕ್ವಾರ್ಟರ್ ಫೈನಲ್ ಮ್ಯಾಚ್ ನಡೆಯಲಿದೆ. ಇದರಲ್ಲಿ ಗೆದ್ರೆ ಒಂದು ಪದಕ ಸಿಗೋದು ಖಚಿತ. ಇನ್ನು ಭಾರತದ ಮೊದಲ ಫೆನ್ಸರ್ ಆಗಿ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಪ್ರತಿನಿಧಿಸಿದ್ದ ಭವಾನಿ ದೇವಿ ಸೋತಿದ್ದಾರೆ. ಮತ್ತೊಂದುಕಡೆ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದು ಭಾರತದ ಕೀರ್ತಿ ಪತಾಕೆಯನ್ನ ಹಾರಿಸಿದ್ದ ವೇಟ್ ಲಿಫ್ಟರ್ ಮೀರಾಬಾಯಿ ಚಾನು ಇವತ್ತು ತವರು ರಾಜ್ಯ ಮಣಿಪುರಕ್ಕೆ ವಾಪಸ್ ಬಂದಿದ್ದಾರೆ. ಮಣಿಪುರ ಸಿಎಂ ಬಿರೇನ್ ಸಿಂಗ್ ಸ್ವತಃ ತಾವೇ ಇಂಫಾಲ್ ಏರ್ಪೋರ್ಟ್ಗೆ ಹೋಗಿ ಮೀರಾಬಾಯಿಯನ್ನ ಸ್ವಾಗತಿಸಿದ್ದಾರೆ. ನಂತ್ರ ಚಾನು ಕಾರಿನಲ್ಲಿ ಹೋಗ್ತಿದ್ದಾಗ ರಸ್ತೆ ಪಕ್ಕದಲ್ಲಿ ಅಭಿಮಾನಿಗಳು ಸಾಲಾಗಿ ನಿಂತು ಅಭಿನಂದಿಸಿದ್ರು.
-masthmagaa.com
Contact Us for Advertisement