masthmagaa.com:
ಟೋಕಿಯೋ ಒಲಿಂಕ್ಸ್ನಲ್ಲಿ ರಷ್ಯಾಗೆ ರಷ್ಯನ್ ಒಲಿಂಪಿಕ್ ಕಮಿಟಿ ಅಥವಾ ಆರ್ಒಸಿ ಅಂತ ಯಾಕೆ ಕರೀತಾರೆ ಅನ್ನೋದಕ್ಕೆ ಒಂದು ಇಂಟರೆಸ್ಟಿಂಗ್ ಕಾರಣ ಇದೆ. ಅಂದ್ಹಾಗೆ 2011ರಿಂದ 2015ರವರೆಗೆ ವರ್ಲ್ಡ್ ಡೋಪಿಂಗ್ ಏಜೆನ್ಸಿ ನಡೆಸಿದ ತನಿಖೆಯಲ್ಲಿ ಸಾವಿರಕ್ಕೂ ಹೆಚ್ಚು ರಷ್ಯಾದ ಅಥ್ಲೀಟ್ಗಳು ಡೋಪಿಂಗ್ ಹಗರಣದಲ್ಲಿ ಸಿಕ್ಕಿಬಿದ್ದಿದ್ರು. ಈ ಹಿನ್ನೆಲೆ ರಷ್ಯಾ ಮೇಲೆ 2020ರಲ್ಲಿ 2 ವರ್ಷಗಳ ಬ್ಯಾನ್ ಹೇರಲಾಗಿತ್ತು. ಅಂದ್ರೆ ಒಲಿಂಪಿಕ್ಸ್, ಪ್ಯಾರಾಲಿಂಪಿಕ್ಸ್ ಮತ್ತು ವರ್ಲ್ಡ್ ಚಾಂಪಿಯನ್ಶಿಪ್ನಲ್ಲಿ ರಷ್ಯಾ ಭಾಗವಹಿಸೋ ಹಾಗಿಲ್ಲ ಅಂತ ನಿರ್ಬಂಧ ಹೇರಲಾಗಿತ್ತು. ಆದ್ರೆ ಡೋಪಿಂಗ್ ಹಗರಣದಲ್ಲಿ ಸಿಕ್ಕಿಹಾಕಿಕೊಳ್ಳದ ರಷ್ಯಾ ಆಟಗಾರರು ಒಲಿಂಪಿಕ್ಸ್ನಲ್ಲಿ ಭಾಗವಹಿಸಲು ಅವಕಾಶ ನೀಡಲಾಯ್ತು. ಆದ್ರೆ ರಷ್ಯಾ ಬದಲು ರಷ್ಯನ್ ಒಲಿಂಪಿಕ್ ಕಮಿಟಿ ಅನ್ನೋ ಹೆಸರಿನಲ್ಲಿ ಭಾಗವಹಿಸಬೇಕು. ಈ ಆಟಗಾರರು ರಷ್ಯಾ ಬಣ್ಣದ ಯುನಿಫಾರ್ಮ್ ಧರಿಸಬಹುದು, ಆದ್ರೆ ಅವರೇನಾದ್ರೂ ಚಿನ್ನದ ಪದಕ ಗೆದ್ರೆ ರಷ್ಯಾದ ರಾಷ್ಟ್ರಗೀತೆಯನ್ನ ಹಾಕಲ್ಲ, ಆಟಗಾರರು ರಾಷ್ಟ್ರ ಧ್ವಜವನ್ನ ತೋರಿಸೋ ಹಾಗಿಲ್ಲ. ರಷ್ಯಾಗೆ ಇಂಥಾ ಪರಿಸ್ಥಿತಿ ಬಂದಿರೋದು ಈಗ ಮೊದಲಲ್ಲ. 2016ರ ರಿಯೋ ಒಲಿಂಪಿಕ್ಸ್ನಲ್ಲೂ ಹೀಗೇ ಆಗಿತ್ತು. ಕುವೈಟ್ ಅನ್ನ ಬ್ಯಾನ್ ಮಾಡಲಾಗಿತ್ತು. ಆದ್ರೆ ಕುವೈಟ್ ಆಟಗಾರರು ಅಥ್ಲೀಟ್ಸ್ ಫ್ರಮ್ ಕುವೈಟ್ ಅಂತ ಭಾಗವಹಿಸಿದ್ರು. ತಾಲಿಬಾನ್ ಆಡಳಿತದಲ್ಲಿ ಮಹಿಳೆಯರನ್ನ ತಾರತಮ್ಯದಿಂದ ನೋಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ 2000ನೇ ಇಸವಿಯ ಸಿಡ್ನಿ ಒಲಿಂಪಿಕ್ಸ್ನಿಂದ ಅಫ್ಘನಿಸ್ತಾನವನ್ನ ಬ್ಯಾನ್ ಮಾಡಲಾಗಿತ್ತು.
-masthmagaa.com
Contact Us for Advertisement