masthmagaa.com:
ಯುಕ್ರೇನ್ ತನ್ನ ಮೇಲೆ ಆಕ್ರಮಣ ಮಾಡುತ್ತಿದೆʼ ಅನ್ನೋ ಫೇಕ್ ವಿಡೀಯೋವನ್ನ ರಷ್ಯಾ ಸೃಷ್ಟಿ ಮಾಡಿ, ಅದೇ ನೆಪದಲ್ಲಿ ಯುಕ್ರೇನ್ ಮೇಲೆ ರಷ್ಯಾ ದಾಳಿ ಮಾಡಬಹುದು ಅಂತ ಅಮೆರಿಕ ಹೇಳಿದೆ. ಈ ಸಂಬಂಧ ಮಾತನಾಡಿರೋ ಪೆಂಟಗಾನ್‌ (ಅಂದ್ರೆ ಅಮೇರಿಕ ಸೇನಾ ಮುಖ್ಯ ಕಛೇರಿಯ) ವಕ್ತಾರ ಕಿರ್ಬಿ “ಇದು ಹೊಸದೇನಲ್ಲ, ಈ ಹಿಂದೆ ರಷ್ಯಾ ಹಲವು ಬಾರಿ ಈ ರೀತಿ ಮಾಡಿದೆ. ಯುಕ್ರೇನ್‌ನಲ್ಲಿ ರಷ್ಯನ್‌ ಮಾತನಾಡುವ ಜನರ ಮೇಲೆ ಅಥವಾ ನೇರ ರಷ್ಯಾದ ಮೇಲೇನೆ ದಾಳಿ ನಡೀತಿದೆ ಅನ್ನೋ ರೀತಿ ಈ ವಿಡೀಯೋ ಇರಬಹುದು, ಅದರಲ್ಲಿ ಗ್ರಾಫಿಕ್‌ ಮೂಲಕ ಹೆಣದ ರಾಶಿಗಳನ್ನು, ಜನರು ದುಃಖ ಪಡುತ್ತಿರುವದನ್ನು ತೋರಿಸಿ ನಂತರ ಅದನ್ನೇ ನೆಪವಾಗಿಸಿಕೊಳ್ಳಬಹುದು ಎಂಬ ಮಾಹಿತಿ ನಮಗೆ ಇದೆ” ಅಂತ ಹೇಳಿದ್ದಾರೆ .
– ರಷ್ಯಾ ಮೇಲೆ ಅಮೆರಿಕ ಹೇರಿರೋ ಯಾವುದಾದ್ರೂ ಎಕ್ಸ್ಪೋರ್ಟ್ ಕಂಟ್ರೋಲ್ ಅನ್ನ ಚೀನಾದ ಕಂಪನಿಗಳು ಉಲ್ಲಂಘಿಸಿದ್ರೆ ಅದರ ಪರಿಣಾಮ ಎದುರಿಸಬೇಕಾಗುತ್ತೆ ಅಂತ ಅಮೆರಿಕ ಎಚ್ಚರಿಸಿದೆ. ಯುಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಮಾಡ್ಬೋದು ಅನ್ನೋ ಹಿನ್ನೆಲೆಯಲ್ಲಿ ರಷ್ಯಾಗೆ ರಫ್ತಾಗುವ ವಸ್ತುಗಳ ಮೇಲೆ ಅಮೆರಿಕ ಕೆಲವೊಂದು ನಿರ್ಬಂಧ ಹೇರಿದೆ. ಆದ್ರೆ ರಷ್ಯಾ-ಚೀನಾ ಕ್ಲೋಸ್ ಫ್ರೆಂಡ್ಸ್ ಆಗಿರೋದ್ರಿಂದ ಇಂಥಾ ಟೈಮಲ್ಲಿ ಚೀನಾದ ಕಂಪನಿಗಳು ನಿಯಮಮೀರಿ ರಷ್ಯಾಗೆ ಹೆಚ್ಚು ವಸ್ತುಗಳನ್ನ ರಫ್ತು ಮಾಡ್ಬೋದು ಅನ್ನೋ ಅನುಮಾನ ಅಮೆರಿಕಗಿದೆ. ಹೀಗಾಗಿ ಈಥರ ವಾರ್ನಿಂಗ್ ಕೊಟ್ಟಿದೆ. ಗುರುವಾರ ಬೀಜಿಂಗ್ನಲ್ಲಿ ಚೀನಾ ಮತ್ತು ರಷ್ಯಾ ವಿದೇಶಾಂಗ ಸಚಿವರು ಮಾತುಕತೆ ನಡೆಸಿ, ಯುಕ್ರೇನ್ ವಿಚಾರದಲ್ಲಿ ಎರಡೂ ದೇಶಗಳು ತಮ್ಮ ನಿಲುವನ್ನ ಪರಸ್ಪರ ಹಂಚಿಕೊಂಡಿವೆ ಅಂತ ಘೋಷಣೆ ಮಾಡಿದ್ರು. ಸೋ ಯುಕ್ರೇನ್ ಮೇಲಿನ ಆಕ್ರಮಣಕ್ಕೆ ಚೀನಾ ರಷ್ಯಾಗೆ ಸಹಾಯ ಮಾಡ್ಬೋದು ಅನ್ನೋದು ಅಮೆರಿಕ ಲೆಕ್ಕಾಚಾರ.
– ಯುಕ್ರೇನ್-ರಷ್ಯಾ ಮಧ್ಯದ ಉದ್ವಿಗ್ನತೆ ಭುಗಿಲೆದ್ದಿರುವ ಬೆನ್ನಲ್ಲೇ ರಷ್ಯಾ ಅಧ್ಯಕ್ಷ ಪುಟಿನ್‌ ಮತ್ತು ಚೀನಾ ಅಧ್ಯಕ್ಷ ಶಿ-ಜಿನ್‌ಪಿಂಗ್ ಬೀಜಿಂಗ್ನಲ್ಲಿ ಶುಕ್ರವಾರ ಭೇಟಿ ಮಾಡಿ ಮಾತುಕತೆ ನಡೆಸಲಿದ್ದಾರೆ. ಭೇಟಿ ಬಳಿಕ ಬೀಜಿಂಗ್ ವಿಂಟರ್ ಲಂಪಿಕ್ಸ್‌ನ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ.
-masthmagaa.com
Contact Us for Advertisement