masthmagaa.com:
ಯುನೈಟೆಡ್ ಅರಬ್ ಎಮಿರೇಟ್ಸ್ ಬಾಹ್ಯಾಕಾಶ ಮಿಷನ್ ಒಂದನ್ನು ಘೋಷಣೆ ಮಾಡಿದೆ. ಸೃಷ್ಟಿಯ ರಹಸ್ಯ ತಿಳಿಯಲು ಮಂಗಳ ಮತ್ತು ಗುರು ಗ್ರಹಗಳ ನಡುವೆ ಇರೋ ಕ್ಷುದ್ರಗ್ರಹದ ಮೇಲೆ ಸ್ಪೇಸ್ಕ್ರಾಫ್ಟ್ ಲ್ಯಾಂಡ್ ಮಾಡೋ ಯೋಜನೆ ಘೋಷಿಸಿದೆ. ಒಂದ್ವೇಳೆ ಈ ಸಾಧನೆ ಮಾಡಿದ್ರೆ ಯೂರೋಪಿಯನ್ ಯೂನಿಯನ್, ಜಪಾನ್ ಮತ್ತು ಅಮೆರಿಕದ ಸಾಲಿಗೆ ಯುಎಇ ಕೂಡ ಸೇರಲಿವೆ. ಯಾಕಂದ್ರೆ ಈ ದೇಶಗಳು ಈಗಾಗಲೇ ಈ ಸಾಧನೆ ಮಾಡಿವೆ. ಕ್ಷುದ್ರಗ್ರಹದ ಮೇಲೆ ಲ್ಯಾಂಡ್ ಆದ ಬಳಿಕ ಸ್ಪೇಸ್ ಕ್ರಾಫ್ಟ್ ಆ ಕ್ಷುದ್ರಗ್ರಹದ ರಚನೆ ಕುರಿತ ಮಾಹಿತಿಗಳನ್ನು ಕಳುಹಿಸಲಿದೆ. ಸ್ಪೇಸ್ಕ್ರಾಫ್ಟ್ನಲ್ಲಿ ಬ್ಯಾಟರಿ ಎಲ್ಲಿಯವರೆಗೆ ಇರುತ್ತೋ ಅಲ್ಲಿಯವರೆಗೆ ಇದು ಕೆಲಸ ಮಾಡುತ್ತೆ ಅಂತ ಯುಎಇ ತಿಳಿಸಿದೆ. ಇದು ನಾಳೆನೋ ನಾಡಿದ್ದೋ ಕಳುಹಿಸೋದಲ್ಲ.. ದೀರ್ಘಕಾಲದ ಯೋಜನೆ ಇದಾಗಿದ್ದು, 2028ರಲ್ಲಿ ಸ್ಪೇಸ್ ಕ್ರಾಫ್ಟ್ ಲಾಂಚ್ ಮಾಡಿ, 2033ರಲ್ಲಿ ಕ್ಷುದ್ರಗ್ರಹದ ಮೇಲೆ ಲ್ಯಾಂಡ್ ಮಾಡಿಸೋದು ಈ ಯೋಜನೆಯಾಗಿದೆ. ಈ 5 ವರ್ಷಗಳಲ್ಲಿ ಬಾಹ್ಯಾಕಾಶ ನೌಕೆ ಸುಮಾರು 360 ಕೋಟಿ ಕಿಲೋಮೀಟರ್ ದೂರವನ್ನು ಕ್ರಮಿಸಲಿದೆ. ಆರಂಭದಲ್ಲಿ ಶುಕ್ರಗ್ರಹದತ್ತ ಹೋಗಿ, ಅಲ್ಲಿಂದ ಮತ್ತೆ ಭೂಮಿ ಕಡೆಗೆ ವಾಪಸ್ ಬಂದು ನಂತರ ಮಂಗಳ ಗ್ರಹವನ್ನು ದಾಟಿ ಅಲ್ಲಿರೋ ಕ್ಷುದ್ರಗ್ರಹವನ್ನು ತಲುಪಲಿದೆ. ಅಂದಹಾಗೆ ಈ ಕ್ಷುದ್ರಹಗ್ರ ಭೂಮಿಯಿಂದ 56 ಕೋಟಿ ಕಿಲೋಮೀಟರ್ ದೂರದಲ್ಲಿದೆ.
-masthmagaa.com
Contact Us for Advertisement