masthmagaa.com:
ಯುಎಫ್ಒ.. ಅನ್ಐಡೆಂಟಿಫೈಡ್ ಫ್ಲೈಯಿಂಗ್ ಆಬ್ಜೆಕ್ಟ್ ಕುರಿತು ಅಮೆರಿಕದ ಹಾರ್ವರ್ಡ್ ವಿವಿಯ ಪ್ರೊಫೆಸರ್ ಅವಿ ಲೋಯೆಬ್ ಅನ್ನೋರು ಹೊಸ ವಾದವನ್ನು ಮುಂದಿಟ್ಟಿದ್ದಾರೆ. ಯುಎಫ್ಒಗಳು ಬಾಹ್ಯಾಕಾಶದಲ್ಲಿರೋ ಒಂದು ಪ್ರಾಚೀನ ನಾಗರಿಕತೆಯ ಅಸ್ತ್ರವಾಗಿರಬಹುದು. ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ನ ಡ್ರೋನ್ಗಳಾಗಿರಬಹುದು ಅಂತ ಕೂಡ ತಿಳಿಸಿದ್ದಾರೆ. ಈ ಬಗ್ಗೆ ಅವಿ ಲೋಯೆಬ್ ಒಂದು ಅಧ್ಯಯನ ನಡೆಸ್ತಿದ್ದು, ಅದಕ್ಕೆ ಗೆಲಿಲಿಯೋ ಅಂತ ಹೆಸರಿಟ್ಟಿದ್ದಾರೆ. ಈ ಅಧ್ಯಯನದಲ್ಲಿ ಅವರು ಏಲಿಯನ್ಗಳ ಇರುವಿಕೆಗೆ ಸ್ಪಷ್ಟವಾದ ಸಾಕ್ಷ್ಯವನ್ನು ಹುಡುಕೋಕೆ ಮುಂದಾಗಿದ್ದಾರೆ. ಅಂದಹಾಗೆ ಈ ಅವಿ ಲೋಯೆಬ್ ಬೇರೆ ಯಾರೂ ಅಲ್ಲ.. ಈ ಹಿಂದೆ ಬಾಹ್ಯಾಕಾಶದಲ್ಲಿ ಪತ್ತೆಯಾಗಿದ್ದ ಒಂದು ವಿಚಿತ್ರ ರಚನೆಯನ್ನು ಇವರು ಏಲಿಯನ್ಗಳ ಬಾಹ್ಯಾಕಾಶ ನೌಕೆ ಇರಬಹುದು ಅಂತ ಹೇಳಿ ಫುಲ್ ಸುದ್ದಿಯಾಗಿದ್ರು. ಅಂದಹಾಗೆ ಈ ವಸ್ತುಗೆ ಓಮುವಾಮುವಾ ಅಂತ ಹೆಸರಿಡಲಾಗಿತ್ತು. ನೋಡೋಕೆ ಒಳ್ಳೆ ಸಬ್ಮರೀನ್ ಆಕಾರದಲ್ಲೇ ಇತ್ತು. ಆದ್ರೆ ನಂತರದಲ್ಲಿ ಇದು ಒಂದು ಧೂಮಕೇತುವಾಗಿತ್ತು ಅಂತ ಕೂಡ ಗೊತ್ತಾಗಿತ್ತು. ಅಂದಹಾಗೆ ಇತ್ತೀಚೆಗೆ ಯುಎಫ್ಒಗಳ ಕುರಿತು ಅಮೆರಿಕ ಗುಪ್ತಚರ ವರದಿ ಬಹಿರಂಗ ಮಾಡಿತ್ತು. ಅದ್ರಲ್ಲಿ ಯುಎಫ್ಒ ಏನು ಅನ್ನೋದನ್ನು ಸ್ಪಷ್ಟವಾಗಿ ಹೇಳಿರಲೇ ಇಲ್ಲ. ಹೀಗಾಗಿ ಈಗ ಅವಿ ಲೋಯೆಬ್ ಫೀಲ್ಡ್ಗೆ ಇಳಿದಿದ್ದಾರೆ.
-masthmagaa.com
Contact Us for Advertisement