masthmagaa.com:
ಬುಧವಾರ ರಾತ್ರಿ ಮತ್ತು ಗುರುವಾರ ಮುಂಜಾನೆ ರಷ್ಯಾ ದಾಳಿ ಮಾಡುತ್ತೆ ಅನ್ನೋ ಅನುಮಾನ ಯುಕ್ರೇನ್, ಅಮೆರಿಕ ಮತ್ತು ಅದರ ಮಿತ್ರ ರಾಷ್ಟ್ರಗಳಿಗೆ ಮೊದಲೇ ಇತ್ತು. ಹೀಗಾಗಿಯೇ ಯುಕ್ರೇನ್ನಲ್ಲಿ ಬುಧವಾರನೇ ತುರ್ತುಪರಿಸ್ಥಿತಿ ಘೋಷಿಸಲಾಗಿತ್ತು. ಅಲ್ಲದೆ ಬುಧವಾರ ತಡರಾತ್ರಿ ದೇಶವನ್ನುದ್ದೇಶಿಸಿ ಯುಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಮಾತನಾಡಿದ್ರು. ಅದರಲ್ಲಿ, ಯುರೋಪ್ನಲ್ಲಿ ರಷ್ಯಾ ಯುದ್ಧವನ್ನ ಆರಂಭ ಮಾಡ್ಬೋದು. ಸುಮಾರು ಎರಡು ಲಕ್ಷ ರಷ್ಯಾ ಯೋಧರು ಯುಕ್ರೇನ್ ಗಡಿಯಲ್ಲಿದ್ದಾರೆ. ಯುಕ್ರೇನಿಯನ್ನರನ್ನ ರಷ್ಯನ್ನರಾಗಿ ಪರಿವರ್ತಿಸೋ ಕೆಲಸ ನಡೀತಿದೆ. ಇದನ್ನ ರಷ್ಯನ್ನರು ವಿರೋಧಿಸಬೇಕು. ಯುದ್ಧವನ್ನ ತಡೀಬೇಕು ಅಂತ ಭಾವನಾತ್ಮಕವಾಗಿ ರಿಕ್ವೆಸ್ಟ್ ಮಾಡ್ಕೊಂಡ್ರು ಝೆಲೆನ್ಸ್ಕಿ. ಜೊತೆಗೆ ಯುದ್ಧ ತಡೆಯೋ ಕೊನೇ ಪ್ರಯತ್ನವಾಗಿ ರಾತ್ರಿನೇ ಪುಟಿನ್ ಜೊತೆ ಫೋನ್ ಮೂಲಕ ಮಾತನಾಡೋಕೆ ಟ್ರೈ ಮಾಡ್ದೆ. ಆದ್ರೆ ಆ ಕಡೆಯಿಂದ ಯಾವ್ದೇ ಪ್ರತಿಕ್ರಿಯೆ ಬರಲಿಲ್ಲ. ಪುಟಿನ್ ಜೊತೆ ಮಾತುಕತೆ ಸಾಧ್ಯವಾಗಲಿಲ್ಲ ಅಂತೇಳಿದ್ರು. ಜೊತೆಗೆ ಮಾರ್ಷಲ್ ಲಾ ಆದೇಶಕ್ಕೆ ಝೆಲೆನ್ಸ್ಕಿ ಸಹಿ ಹಾಕಿದ್ದಾರೆ. ಅಂದ್ರೆ ಇಡೀ ಯುಕ್ರೇನ್ ಈಗ ಯುಕ್ರೇನ್ ಸೇನೆಯ ನಿಯಂತ್ರಣಕ್ಕೆ ಬಂದಿದೆ. ಇನ್ನು ಬುಧವಾರ ರಾತ್ರಿನೇ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಝೆಲೆನ್ಸ್ಕಿಗೆ ಕಾಲ್ ಮಾಡಿ ಮಾತನಾಡಿಸಿದ್ದಾರೆ. ಈ ವೇಳೆ ಪುಟಿನ್ ನಡೆಯನ್ನ ತೀವ್ರವಾಗಿ ಖಂಡಿಸಿದ್ದಾರೆ. ಬೈಡನ್ ಮಾತ್ರ ಅಂತಲ್ಲ ಅಮೆರಿಕದ ಮಿತ್ರ ರಾಷ್ಟ್ರಗಳು ಕೂಡ ಯುಕ್ರೇನ್ ಮೇಲೆ ರಷ್ಯಾ ನಡೆಸಿರೋ ಆಕ್ರಮಣವನ್ನ ತೀವ್ರವಾಗಿ ಖಂಡಿಸಿದ್ದಾರೆ.
-masthmagaa.com
Contact Us for Advertisement