masthmagaa.com:
ಅಮೆರಿಕದ ಅತಿದೊಡ್ಡ ತೈಲ ಉತ್ಪಾದಕ ಕಂಪನಿ ಕೊಲೋನಿಯಲ್ ಪೈಪ್ಲೈನ್ ಮೇಲೆ ಶುಕ್ರವಾರ ಸೈಬರ್ ದಾಳಿ ನಡೆದಿದೆ. ಹೀಗಾಗಿ ತುರ್ತು ಪರಿಸ್ಥಿತಿ ಘೋಷಿಸಲಾಗಿದ್ದು, ಈಗ ತೈಲ ಪೂರೈಕೆ ಪೈಪ್ಲೈನ್ ಬದಲಾಗಿ ರಸ್ತೆ ಮಾರ್ಗದಲ್ಲಿ ನಡೆಯಲಿದೆ. ಈ ಬಗ್ಗೆ ತನಿಖೆ ಆರಂಭಿಸಿರೋ ಫೆಡರಲ್ ಬ್ಯೂರೋ ಇನ್ವೆಸ್ಟಿಗೇಷನ್ ತಂಡ ಈ ಬಗ್ಗೆ ನಮಗೆ ಶುಕ್ರವಾರವೇ ಮಾಹಿತಿ ಬಂದಿತ್ತು. ಈ ಬಗ್ಗೆ ತನಿಖೆ ಮುಂದುವರಿಸಿದ್ದೇವೆ ಅಂತ ಹೇಳಿದೆ. ಸುಮಾರು 100 ಜಿಬಿ ಡೇಟಾವನ್ನು ವಶಕ್ಕೆ ಪಡೆದಿರೋ ಸೈಬರ್ ದುಷ್ಟರು, ಕೆಲ ಕಂಪ್ಯೂಟರ್, ಸರ್ವರ್ ಡೇಟಾಗಳನ್ನು ಕೂಡ ಲಾಕ್ ಮಾಡ್ಬಿಟ್ಟಿದ್ದಾರೆ. ಜೊತೆಗೆ ನಿರಂತರವಾಗಿ ದುಡ್ಡಿಗಾಗಿ ಬೇಡಿಕೆ ಇಡ್ತಿದ್ದಾರೆ. ಒಂದ್ವೇಳೆ ದುಡ್ಡು ಕೊಡದೇ ಇದ್ರೆ, ದಾಖಲೆಗಳನ್ನು ಇಂಟರ್ನೆಟ್ನಲ್ಲಿ ಲೀಕ್ ಮಾಡೋದಾಗಿಯೂ ಬೆದರಿಕೆ ಹಾಕ್ತಿದ್ದಾರೆ. ಅಂದಹಾಗೆ 8850 ಕಿಲೋಮೀಟರ್ ಉದ್ದವಿರೋ ಈ ಕೊಲೋನಿಯಲ್ ಪೈಪ್ಲೈನ್ ಮೂಲಕ ಪ್ರತಿದಿನ 25 ಲಕ್ಷ ಬ್ಯಾರಲ್ ತೈಲ ಪೂರೈಕೆಯಾಗುತ್ತೆ. ಇಡೀ ಪೂರ್ವ ತೀರದಲ್ಲಿ ಇದೇ ಕಂಪನಿ ಡೀಸೆಲ್ ಮತ್ತು ಗ್ಯಾಸ್ ಪೂರೈಕೆ ಮಾಡುತ್ತೆ. ಆದ್ರೆ ಶುಕ್ರವಾರ ಸೈಬರ್ ದಾಳಿ ನಡೆದಿದ್ದು, ಇವತ್ತು ಹಲವೆಡೆ ಇಂಧನ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದೆ.
-masthmagaa.com
Contact Us for Advertisement