masthmagaa.com:
ಅಮೆರಿಕ ಎಷ್ಟೇ ಮುಂದುವರಿದ್ರೂ ತನ್ನ ಗುಪ್ತಚರ ಅಧಿಕಾರಿಗಳು, ರಾಜತಾಂತ್ರಿಕರಿಗೆ ಕಾಡುತ್ತಿರೋ ಹವಾನಾ ಸಿಂಡ್ರೋಮ್ನ ರಹಸ್ಯವನ್ನ ಬೇಧಿಸಲು ಇದುವರೆಗೆ ಸಾಧ್ಯವಾಗಲಿಲ್ಲ. ಈ ಮಿಸ್ಟರಿಯನ್ನ ಬಗೆಹರಿಸೋ ಮತ್ತೊಂದು ಪ್ರಯತ್ನವಾಗಿ ಹವಾನಾ ಸಿಂಡ್ರೋಮ್ನ ತನಿಖೆ ನಡೆಸಲು ಜೋನಾಥನ್ ಮೂರೆ ಅನ್ನೋರನ್ನ ನೇಮಿಸಲಾಗಿದೆ ಅಂತ ಅಮೆರಿಕದ ಸೆಕ್ರೆಟರಿ ಆಫ್ ಸ್ಟೇಟ್ ಆಂಟನಿ ಬ್ಲಿಂಕನ್ ಹೇಳಿದ್ದಾರೆ. ಅಂದ್ಹಾಗೆ ಹವಾನಾ ಸಿಂಡ್ರೋಮ್ ಅನ್ನೋದು ಒಂದು ರೀತಿಯ ಆರೋಗ್ಯ ಸಮಸ್ಯೆ. ಇದು ಹೆಚ್ಚಾಗಿ ಅಮೆರಿಕದ ಗುಪ್ತಚರ ಅಧಿಕಾರಿಗಳು ಮತ್ತು ರಾಜತಾಂತ್ರಿಕರು ಮತ್ತು ಅವರ ಕುಟುಂಬಸ್ಥರಿಗೆ ಬರುತ್ತೆ. ಇತ್ತೀಚೆಗೆ ದೆಹಲಿಗೆ ಬಂದು ಹೋಗಿದ್ದ ಸಿಐಎ ಅಧಿಕಾರಿಯೊಬ್ಬರಿಗೆ ಹವಾನಾ ಸಿಂಡ್ರೋಮ್ನ ಲಕ್ಷಣಗಳು ಕಾಣಿಸಿಕೊಂಡಿತ್ತು. ಇಂಥಾ ಹವಾನಾ ಸಿಂಡ್ರೋಮ್ ಅನ್ನ ಅಮೆರಿಕ ತನ್ನ ಮೇಲೆ ವಿರೋಧಿಗಳು ಮಾಡ್ತಿರೋ ದಾಳಿ ಅಂತ ಪರಿಗಣಿಸಿದ್ರೆ. ಇನ್ನೂ ಕೆಲವರು ಇದು ಮಾನಸಿಕ ಸಮಸ್ಯೆ ಅಂತಾರೆ. ಹೀಗಾಗಿ ಹವಾನಾ ಸಿಂಡ್ರೋಮ್ ಅಂದ್ರೆ ನಿಜವಾಗಿಯೂ ಏನು, ಇದರ ಹಿಂದೆ ಯಾರಿದ್ದಾರೆ ಅನ್ನೋದನ್ನ ಪತ್ತೆಹಚ್ಚೋ ಕೆಲಸಕ್ಕೆ ಮುಂದಾಗಿದೆ ಬೈಡೆನ್ ಸರ್ಕಾರ. ಆದ್ರೆ ಇದುವರೆಗೆ ಸಿಗದ ಯಶಸ್ಸು ಈಗ ಸಿಗುತ್ತಾ ಅನ್ನೋದನ್ನ ಕೂಡ ಕಾದು ನೋಡ್ಬೇಕು. ಅಂದ್ಹಾಗೆ ಹವಾನಾ ಸಿಂಡ್ರೋಮ್ ಅಂದ್ರೆ ಏನು? ಅದು ಬಂದ್ರೆ ಏನೇನು ಸಮಸ್ಯೆ ಆಗುತ್ತೆ? ಅನ್ನೋದನ್ನ ನಾವು ಈ ಹಿಂದೆನೇ ಸಪರೇಟ್ ವಿಡಿಯೋ ಮಾಡಿ ಹಾಕಿದ್ದೀವಿ. ನೀವದನ್ನ ಚೆಕ್ ಮಾಡ್ಬೋದು. ಅದರ ಲಿಂಕ್ ಅನ್ನ ಡಿಸ್ಕ್ರಿಪ್ಷನ್ ಬಾಕ್ಸ್ನಲ್ಲಿ ಹಾಕ್ತೀವಿ.
-masthmagaa.com
Contact Us for Advertisement