masthmagaa.com:
ಟೋಕಿಯೋ ಒಲಿಂಪಿಕ್ಸ್ಗೆ ಇನ್ನು ಕೆಲವೇ ದಿನಗಳು ಬಾಕಿ ಇರುವಾಗಲೇ ಅಮೆರಿಕಕ್ಕೆ ದೊಡ್ಡ ಹೊಡೆತ ಬಿದ್ದಂತಾಗಿದೆ. ಯಾಕಂದ್ರೆ ಅಮೆರಿಕದ ಸ್ಪ್ರಿಂಟರ್ ಶಕೆರಿ ರಿಚರ್ಡ್ಸನ್ ಗಾಂಜಾ ಸೇವಿಸಿ ಸಿಕ್ಕಿಬಿದ್ದಿದ್ದಾರೆ. ಇದರ ಪರಿಣಾಮ ಒಲಿಂಪಿಕ್ಸ್ನ 100 ಮೀಟರ್ ರೇಸ್ನಲ್ಲಿ ಭಾಗವಹಿಸೋಕೆ ಅವರಿಗೆ ಅವಕಾಶ ಸಿಗೋದು ಅನುಮಾನವಾಗಿದೆ. ಅಂದ್ಹಾಗೆ ಆಟಗಾರರನ್ನ ಟೋಕಿಯೋಗೆ ಕಳಿಸೋಕೂ ಮುನ್ನ ಕಳೆದ ತಿಂಗಳು ಅಮೆರಿಕದಲ್ಲಿ ಒಲಿಂಪಿಕ್ಸ್ ಟ್ರಯಲ್ಸ್ ನಡೆಸಲಾಗಿತ್ತು. ಅದರಲ್ಲಿ ಕೇವಲ 10 ಸೆಕೆಂಡ್ 86 ಸೆಕೆಂಡ್ಗಳಲ್ಲಿ 100 ಮೀಟರ್ ಓಡಿದ ಶಕೆರಿ ರಿಚರ್ಡ್ಸನ್ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಉತ್ತಮ ಪ್ರದರ್ಶನ ನೀಡ್ಬೋದು ಅಂತ ಹೇಳಲಾಗಿತ್ತು. ಆದ್ರೆ ಟ್ರಯಲ್ಸ್ ವೇಳೆ ನಡೆಸಿದ ಗಾಂಜಾ ಪರೀಕ್ಷೆಯಲ್ಲಿ ಅವರಿಗೆ ಪಾಸಿಟಿವ್ ಬಂದಿತ್ತು. ಇದರರ್ಥ ಅವರು ನೀಡಿದ ಟ್ರಯಲ್ಸ್ ಈಗ ಪರಿಗಣಿಸೋಕೆ ಆಗಲ್ಲ. ಅದು ನೀರಿನಲ್ಲಿ ಹೋಮ ಮಾಡಿದಂತಾಗಿದೆ. ಇದರ ನಡುವೆ ಟ್ವೀಟ್ ಮಾಡಿರೋ ಶಕೆರಿ ರಿಚರ್ಡ್ಸನ್, ‘ಐ ಯಾಮ್ ಹ್ಯೂಮನ್’ ಅಂತ ಬರೆದುಕೊಂಡಿದ್ದಾರೆ. ವರ್ಲ್ಡ್ ಆ್ಯಂಟಿ ಡೋಪಿಂಗ್ ಏಜೆನ್ಸಿ- WADA ಗಾಂಗಾವನ್ನ ಬ್ಯಾನ್ ಮಾಡಿದೆ. ಇದನ್ನ ಸೇವನೆ ಮಾಡಿ ಸಿಕ್ಕಿಬಿದ್ರೆ ಅವರ ಮೇಲೆ 4 ವರ್ಷ ನಿಷೇಧ ಹೇರಲಾಗುತ್ತೆ. ಒಂದ್ವೇಳೆ ಯಾವುದಾದ್ರೂ ಅಥ್ಲೀಟ್ ತನ್ನ ಸ್ಪೋರ್ಟ್ಸ್ ಪರ್ಫಾಮೆನ್ಸ್ಗೂ ಗಾಂಜಾ ಸೇವಿಸಿದ್ದಕ್ಕೂ ಸಂಬಂಧವಿಲ್ಲ ಅಂತ ಸಾಬೀತುಪಡಿಸಿದ್ರೆ ಈ ನಿಷೇಧವನ್ನ ಮೂರು ತಿಂಗಳಿಗೆ ಇಳಿಸಲಾಗುತ್ತೆ. ಒಂದ್ವೇಳೆ ಆ ಅಥ್ಲೀಟ್ ತನ್ನ ದೇಶದ ಆ್ಯಂಟಿ ಡೋಪಿಂಗ್ ಬಾಡಿ ಜೊತೆ ಸೇರಿಕೊಂಡು ಅನುಮೋದನೆಗೊಂಡ ಚಿಕಿತ್ಸೆ ಪಡೆಯಲು ಮುಂದಾದ್ರೆ ಆಗ ಈ ಬ್ಯಾನ್ ಅನ್ನ ಒಂದು ತಿಂಗಳಿಗೆ ಇಳಿಸಲಾಗುತ್ತೆ.
-masthmagaa.com
Contact Us for Advertisement