masthmagaa.com:
ಹೆಚ್1 ಬಿ ವೀಸಾ ಸೇರಿದಂತೆ ವಿವಿಧ ವೀಸಾ ಪಡೆಯೋರಿಗೆ ಮುಂದಿನ ಒಂದು ವರ್ಷದವರೆಗೆ ಅಮೆರಿಕ ಸಿಹಿ ಸುದ್ದಿ ನೀಡಿದೆ. ಅದೇನಂದ್ರೆ 2022ರ ಡಿಸೆಂಬರ್ 31ರವರೆಗೆ ಅಂದ್ರೆ ಮುಂದಿನ ಒಂದು ವರ್ಷ ಫುಲ್ ವೀಸಾ ಪಡೆಯಲು ನೇರವಾಗಿ ಸಂದರ್ಶನಕ್ಕೆ ಹಾಜರಾಗಬೇಕಾದ ಅಗತ್ಯತೆ ಇರೋದಿಲ್ಲ. ಜೊತೆಗೆ ವೀಸಾ ರಿನಿವಲ್ ಮಾಡಿಸಿಕೊಳ್ಳೋದಕ್ಕೂ ನೇರವಾಗಿ ಸಂದರ್ಶನದಲ್ಲಿ ಭಾಗಿಯಾಗೋ ಅಗತ್ಯತೆ ಇರೋದಿಲ್ಲ. ಅಮೆರಿಕದ ಸ್ಟೇಟ್ ಡಿಪಾರ್ಟ್ಮೆಂಟ್ ಈ ಬಗ್ಗೆ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದೆ. ಇದ್ರಲ್ಲಿ ಹೆಚ್1ಬಿ, ಹೆಚ್3, ಎಲ್ ಮತ್ತು ಒ ವೀಸಾ ಕೂಡ ಸೇರಿವೆ. ಕೊರೋನಾ ಕಾರಣದಿಂದಾಗಿ ವೀಸಾ ವಿಭಾಗದ ಕಾರ್ಯಕ್ಷಮತೆ ಕಡಿಮೆಯಾಗಿದೆ. ಆದ್ರೆ ಇದೀಗ ಅಂತಾರಾಷ್ಟ್ರೀಯ ಪ್ರಯಾಣ ಶುರುವಾಗ್ತಿರೋದ್ರಿಂದ ವೀಸಾಗಾಗಿ ಜನ ಕಾಯೋದನ್ನು ತಪ್ಪಿಸಲು ಈ ಹೆಜ್ಜೆ ಇಡ್ತಿದ್ದೀವಿ ಅಂತ ಕೂಡ ಅಮೆರಿಕದ ಸ್ಟೇಟ್ ಡಿಪಾರ್ಟ್ಮೆಂಟ್ ಹೇಳಿದೆ.
-masthmagaa.com
Contact Us for Advertisement