masthmagaa.com:
ಅಮೆರಿಕದಲ್ಲಿ ಕೊರೋನಾ ಪ್ರಕರಣಗಳು ನಿಧಾನವಾಗಿ ಕಮ್ಮಿಯಾಗ್ತಿರೋ ಹಿನ್ನೆಲೆ ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡವರು ಫೇಸ್ ಮಾಸ್ಕ್ ಧರಿಸದೇ ಹೊರಗಡೆ (ಔಟ್ಡೋರ್) ಓಡಾಡಬಹುದು ಅಂತ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಘೋಷಿಸಿದ್ದಾರೆ. ಅಂದ್ರೆ ಸಂಪೂರ್ಣವಾಗಿ ಲಸಿಕೆ ಹಾಕ್ಕೊಂಡೋರು ಪಾರ್ಕ್ನಲ್ಲಿ ತಮ್ಮ ಸ್ನೇಹಿತರನ್ನ ಭೇಟಿಯಾಗುವಾಗ, ಪಿಕ್ನಿಕ್ಗೆ ಹೋಗುವಾಗ ಮಾಸ್ಕ್ ಹಾಕದೇ ಹೋಗಬಹುದು ಅಂತರ್ಥ. ಆದ್ರೆ ದೊಡ್ಡ ಸಂಖ್ಯೆಯಲ್ಲಿ ಜನ ಗುಂಪು ಸೇರುವ ಪ್ರದೇಶದಲ್ಲಿ.. ಅಂದ್ರೆ ಸ್ಟೇಡಿಯಂ ಅಥವಾ ಕಾನ್ಫರೆನ್ಸ್ ಅಥವಾ ಕಾನ್ಸರ್ಟ್ಗೆ ಹೋಗೋದಾದ್ರೆ ಅದು ಔಟ್ಡೋರ್ನಲ್ಲಿದ್ರೂ ಲಸಿಕೆ ಹಾಕಿಸಿಕೊಂಡೋರು ಮಾಸ್ಕ್ ಧರಿಸಬೇಕು ಅಂತಾನೂ ಸ್ಪಷ್ಟಪಡಿಸಿದ್ದಾರೆ. ಇಂಡೋರ್ನಲ್ಲಿ ಕೊರೋನಾ ಸೋಂಕು ಹರಡುತ್ತಿರುವ ಪ್ರಮಾಣ ಹೆಚ್ಚಾಗಿದೆ ಮತ್ತು ಅಮೆರಿಕದಲ್ಲಿ ಲಸಿಕೆ ಅಭಿಯಾನ ಕೂಡ ವೇಗ ಪಡೆದಿರೋದ್ರಿಂದ ಲಸಿಕೆ ಹಾಕ್ಕೊಂಡೋರಿಗೆ ಔಟ್ಡೋರ್ನಲ್ಲಿ ಮಾಸ್ಕ್ ಹಾಕೋದ್ರಿಂದ ವಿನಾಯ್ತಿ ಕೊಡಬೇಕು ಅನ್ನೋ ಕೂಗು ಅಮೆರಿಕದಲ್ಲಿ ಕೇಳಿ ಬಂದಿತ್ತು. ಸಂಪೂರ್ಣವಾಗಿ ಲಸಿಕೆ ಹಾಕ್ಕೊಂಡೋರಿಗೆ ಕೆಲವೊಂದು ಬೆನಿಫಿಟ್ ಕೊಡ್ಬೇಕು ಅಂತ ಚರ್ಚೆಯಾಗ್ತಿತ್ತು. ಇದರ ಬೆನ್ನಲ್ಲೇ ಜೋ ಬೈಡೆನ್ ಈ ಘೋಷಣೆ ಮಾಡಿದ್ದಾರೆ. ಅಮೆರಿಕದಲ್ಲಿ ಇದುವರೆಗೆ 43 ಪರ್ಸೆಂಟ್ ಜನ ಕನಿಷ್ಠ ಒಂದು ಡೋಸ್ ಕೊರೋನಾ ಲಸಿಕೆಯನ್ನ ಚುಚ್ಚಿಸಿಕೊಂಡಿದ್ರೆ, 29 ಪರ್ಸೆಂಟ್ ಜನ ಎರಡು ಡೋಸ್ ಲಸಿಕೆ ಹಾಕಿಸಿಕೊಂಡಿದ್ದಾರೆ. ಅಮೆರಿಕದಲ್ಲಿ ಎರಡು ಡೋಸ್ನ ಫೈಝರ್-ಬಿಯೋನ್ಟೆಕ್ ಲಸಿಕೆ, ಮೊಡೆರ್ನಾ ಲಸಿಕೆ ಮತ್ತು ಸಿಂಗಲ್ ಡೋಸ್ನ ಜಾನ್ಸನ್ ಅಂಡ್ ಜಾನ್ಸನ್ ಲಸಿಕೆ ಚುಚ್ಚಲಾಗ್ತಿದೆ.
-masthmagaa.com
Contact Us for Advertisement