masthmagaa.com:
ರಷ್ಯಾ ದಾಳಿಯಿಂದ ಯುಕ್ರೇನ್ ಜನತೆಯ ಕನಸುಗಳು ಮಾತ್ರ ಛಿದ್ರವಾಗಿಲ್ಲ. ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ದೊಡ್ಡ ಮಗಳು 36 ಡಾಕ್ಟರ್ ಮರಿಯಾ ವೊರೊನ್ಸ್ಟೋವಾ ಕನಸುಗಳು ಕೂಡ ನುಚ್ಚು ನೂರಾಗಿವೆ ಅಂತ ಈಗ ವರದಿಯಾಗಿದೆ. ಯೆಸ್..ಮರಿಯಾ ವೊರೊನ್ಸ್ಟೋವಾ ಪುಟಿನ್ ಕೆಜಿಬಿ ಗೂಢಾಚಾರಿಯಾಗಿದ್ದಾಗ ಜನಿಸಿದ್ರು. ಮಕ್ಕಳ ಅನುವಂಶೀಯ ಕಾಯಿಲೆಗಳಲ್ಲಿ ಎಕ್ಸ್ಪರ್ಟ್ ಡಾಕ್ಟರ್ ಆಗಿರೋ ಈಕೆ ಸೇಂಟ್ ಪೀಠರ್ಸ್ಬರ್ಗ್ನಲ್ಲಿ ನಿರ್ಮಾಣವಾಗ್ತಿರೋ ಸೂಪರ್ ಮಾಡರ್ನ್ ಮೆಡಿಕಲ್ ಸೆಂಟರ್ನ ಪ್ರಮುಖ ಪಾಲುದಾರರಾಗಿದ್ರು. ಅದು ಅವರ ಕನಸು ಕೂಡ ಆಗಿತ್ತು. ದುಬೈ ಮತ್ತು ಪಾಶ್ಚಿಮಾತ್ಯ ದೇಶಗಳಿಂದ ದೊಡ್ಡ ದೊಡ್ಡ ಕುಳಗಳು ಬದು ಟ್ರೀಟ್ಮೆಂಟ್ ತಗೊಳ್ತಾರೆ ಅನ್ನೋ ಉದ್ದೇಶದಿಂದಲೇ ಈ ಮೆಡಿಕಲ್ ಸೆಂಟರ್ ನಿರ್ಮಿಸಲಾಗ್ತಿತ್ತು. ಆದ್ರೀಗ ರಷ್ಯಾ ಯುಕ್ರೇನ್ ಮೇಲೆ ದಾಳಿ ನಡೆಸಿದ ಬಳಿಕ ಪಾಶ್ಚಿಮಾತ್ಯ ದೇಶಗಳು ರಷ್ಯಾದ ಮೇಲೆ ಸಾಲು ಸಾಲು ನಿರ್ಬಂಧಗಳನ್ನು ಹೇರಿವೆ. ಇನ್ನು ಗಲ್ಫ್ ದೇಶಗಳ ಶೇಖ್ಗಳಾಗಲೀ, ಪಾಶ್ಚಿಮಾತ್ಯ ದೇಶಗಳ ಕುಳಗಳಾಗಲೀ ಟ್ರೀಟ್ಮೆಂಟ್ ಬರೋದು ಸಧ್ಯಕ್ಕಂತೂ ಸಾಧ್ಯವಿಲ್ಲ. ಹೀಗಾಗಿ ಮರಿಯಾ ವೊರೊನ್ಸ್ಟೋವಾ ಕನಸು ಭಗ್ನವಾಗಿದೆ. ಇವೆಲ್ಲದ್ರ ನಡುವೆಯೇ ವೊರೊನ್ಸ್ಟೋವಾ ನೆದರ್ಲ್ಯಾಂಡ್ ಮೂಲದ ಬ್ಯುಸಿನೆಸ್ಮನ್ ಜೋರಿಟ್ ಫಾಸನ್ರಿಂದಲೂ ದೂರವಾಗಿದ್ದಾರೆ. ಆದ್ರೆ ಅವರು ದೂರವಾಗಿದ್ದು ಯಾವಾಗ ಯುದ್ಧ ಶುರುವಾದ ನಂತರನಾ ಅಥವಾ ಯುದ್ಧಕ್ಕೂ ಮೊದಲ ಅನ್ನೋ ಬಗ್ಗೆ ಮಾಹಿತಿ ಲಭ್ಯವಿಲ್ಲ. ಈ ದಂಪತಿಗೆ ಮಕ್ಕಳು ಕೂಡ ಇದ್ದು, ಇವರಿಂದಲೇ ಪುಟಿನ್ ಅಜ್ಜ ಅಂತ ಕರೆಸಿಕೊಂಡಿದ್ರು. ಪುಟಿನ್ ವೈಯಕ್ತಿಕ ಬದುಕಿನ ಬಗ್ಗೆ ಹೆಚ್ಚಿನ ಮಾಹಿತಿ ಲೀಕ್ ಆಗೋಕೆ ಬಿಡೋದೇ ಇಲ್ಲ. ಲಭ್ಯವಿರೋ ಮಾಹಿತಿ ಪ್ರಕಾರ ಅವರ ಅಳಿಯ ಫಾಸನ್ ದೀರ್ಘಕಾಲದಿಂದ ರಷ್ಯಾದಲ್ಲಿ ಕೆಲಸ ಮಾಡ್ಕೊಂಡಿದ್ರು. ಅವರ ತಂದೆ ನೆದರ್ಲ್ಯಾಂಡ್ ಸೇನೆಯಲ್ಲಿ ಕರ್ನಲ್ ಆಗಿದ್ಧಾರೆ ಅಂತ ಕೂಡ ಮಾಹಿತಿ ಇದೆ. ಆದ್ರೀಗ ಫಾಸನ್ ಮತ್ತು ಮರಿಯಾ ದೂರವಾಗಿದ್ದಾರೆ. ಒಟ್ನಲ್ಲಿ ಯುಕ್ರೇನ್ ಮೇಲಿನ ಯುದ್ಧ ರಷ್ಯಾ ಅಧ್ಯಕ್ಷ ಪುಟಿನ್ ಮಗಳ ಬಾಳಲ್ಲೂ ಬಿರುಗಾಳಿ ಎಬ್ಬಿಸಿರೋದಂತು ಸುಳ್ಳಲ್ಲ.
-masthmagaa.com
Contact Us for Advertisement